РХИ-йы Хицауады Сæрдар Пухаты Эрикы сæрдариуæгадæй уыд коронавирусы инфекци COVID -19 ныхмæ архайды оперативон штабы рабадт. Уынаффæ кодтой æдасдзинады мадзæлттыл æмæ уæрæсейаг уæлдæр ахуыргæнæндæтты курсантты райсынмæ республикæйы медицинон уагдæтты цæттæдзинадыл. Республикæйы сæйраг санитарон дохтыр Коцты Маринæйы информацимæ гæсгæ, йæ дæлбар комитет активонæй уадзы цæттæгæнæн мадзæлттæ курсантты карантинмæ райсыны тыххæй. Уæвæг информацимæ гæсгæ, курсанттæ сты 270 […]
2020 азы 30 апрелы къухтæ æрфыстæуыд Республикæ Хуссар Ирыстоны мидхъуыддæгты органты материалон-техникон ифтонгады, Республикæ Хуссар Ирыстоны мидхъуыддæгты органты кусджыты мыздтæ æмæ социалон гарантитæ этапгай фæбæрзонддæр кæныны хæрдзты финанскæнынады тыххæй Республикæ Хуссар Ирыстон æмæ Уæрæсейы Федерацийы ‘хсæн Сразыдзинадмæ хауæг Суагъæйыл. Документ, кæцы йæ тыхы бацæудзæн дыууæ фарсы мидпаддзахадон процессты фæуды фæстæ, домы 2017 азы дыууæфарсон Сразыдзинады […]
Инвестпрограммæйы фæлгæтты нæ горæты цы уынгтæ арæзт æрцыдысты æмæ абон цæстæнгас сæхимæ чи здахынц сæ аив арæзтæй, уыцы уынгтæм та ацы аз дæр бафтдзæнис аст. Уыдонæй фыццаг æрывнæлдтой Кимы уынджы арæзтадмæ. Æххæст кæны сæ бæллиц ацы уынджы цæрджытæн. Тынг тыхстысты, уымæн æмæ куыд иннæ уынгты, афтæ ам дæр коммуникацион хæххытæ базæронд сты æмæ-иу куы кæм […]
Хуссар Ирыстоны Мидхъуыддæгты министрады горæты æмæ районты управленийы централон аппараты кусджытæ ауагътой традицион уалдзыгон зиу. Мидхъуыддæгты министрады пресс-службæйы куыд фехъусын кодтой, афтæмæй барадхъахъхъæнджытæ бафснайдтой административон бæстыхæйттæ, афтæ ма æрæмбырд кодтой, сæ алыварс территорийыл цы брæттæ æмæ хус сыфтæр уыд, уыдон æмæ бæлæсты зæнгтæ байсæрстой чъырæй. Афтæ ма, коронавирусон инфекцийы профилактикæйы нысанæн кусджытæ æппæт службæйон агъуыстытæ […]
Республикæ Хуссар Ирыстоны æнæкусæгон бонтæ расидыны тыххæй Ног коронавирусон инфекци кæй парахат кæны, уымæ гæсгæ Республикæ Хуссар Ирыстоны территорийыл цæрджыты санитарон-эпидемиологон хæрзвадат сифтонг кæныны нысанæн, Республикæ Хуссар Ирыстоны Конституцийы 47 статьямæ гæсгæ уынаффæ кæнын: 1. 2020 азы 4 майæ 8 маймæ нымад æрцæуæт æнæкусгæ бонтыл кусджытæн сæ куыстмызд нæ бауромгæйæ. 2. Ацы Барамынд нæ хауы […]
Акци «Æнæмæлгæ полк» уагъд æрцæудзæн 9-æм майы видеотрансляцийы режимы коронавирусы пандемийы тыххæй. «Коронавирусы пандемийы тыххæй традицион акци «Æнæмæлгæ полк»-мæ бахастæуыд ивындзинæдтæ. Ацы аз акци уагъд æрцæудзæн трансляцийы хуызы», — фехъусын кодтой змæлд «Волонтеры Победы»-йы пресс-службæйы. Куыд хъусын кæнынц, уымæ гæсгæ видеоцыд ракæндзысты Мæскуыйы 200 медиаэкрантæм. Уымæй дарддæр ма проекты партнерæй ралæудзæн онлайн-кинотеатр «ОККО». Трансляцимæ бакæсæн […]
27-ӕм апрелӕй 4-æм маймæ Хуссар Ирыстоны территорийыл фыдракæнд не ‘рцыдис. Республикӕйы фӕндӕгтыл ӕрцыд æртæ фæндагон-транспортон цауы. Авариты фæстиуæгæн рынчындонмæ алыгъуызон цæфтимæ бахаудтой цыппар адæймаджы. Фӕндагон змӕлды ӕдасдзинады инспекци къуырийы дӕргъы сбӕлвырд кодта 174 фӕткхалӕн цауы. Уыдонӕй 5 уыдысты нозтджынӕй машинӕ скъӕрыны цаутӕ. Ӕхсӕнадон фӕтк фехалыны фӕстиуӕгӕн бӕрндзинадмӕ конд ӕрцыдысты 6 адӕймаджы. 27-ӕм апрелы Цхинвалы районы […]
Уалдзыгон хуым кæнын-тауыны куыстытæ фæхæццæ кæнынц кæронмæ нæ республикæйы хицæн хæдзарадты. Ацы æнæаргъæвгæ хъæууонхæдзарадон куыстытæ хуыздæр цæуынц Ленингоры районы. Ардыгон зæхкусджытæ хорз пайда кæнынц кусынæн бæзгæ бонтæй, стæй рагацау æрцæттæ кодтой тауинаг æмæ сын æнтысгæ дæр кæны фылдæрбæрцæй. Ацы районы«Агросервис»-ы тракторон бригадæйы бригадир Габиты Хвича куыд радзырдта, уымæ гæсгæ æфсирон культурæтæ тауыны куыстытæ, сæйраджыдæр, æххæст […]
Нæ горæты дзуттæгты кварталы Гаглойты Хазбийы уынджы цы аварион бæстыхай ис, уый тæссагдзинад æвзæрын кæны, йæ фарсмæ цы хæдзæрттæ ис, уыдоны цæрджытæн. Ацы кæлæтдзаг бæстыхай раздæр уыд ветеринарон лаборатори. Фæстæдæр лаборатори арæзт æрцыд 8-æм июны уынджы. Бæстыхайы хъысмæт уæззау рауад, зындзинæдтæ баййæфта — зæххæнкъуыст, стæй гуырдзиаг-ирон хæсты рæстæджы дæр æвыдæй нæ аивæрзт. Цалдæр хатты та […]
Нæ уарзон, хæстæфхæрд горæтæн гас кæнынц йæ уæззау хъæдгæмттæ. Æмæ кæд нырма бирæ хæдзæртты æмæ уагдæттыл зынынц хæсты уæззау фæдтæ, уæддæр ахæм бæстыхæйтты нымæц къаддæрæй-къаддæр кæны. Уырны нæ, æввахс рæстæджы сæ хъæдгæмттæ кæй байгас уыдзысты уыдонæн дæр. Æцæг нæ республикæйы цæрджытæй йæ хъæбулты, йæ хиуæтты чи фесæфта хæсты рæстæджы, уыдоны зæрдæйы хъæдгæмттæ никуы байгас уыдзысты, […]
Стыр Фыдыбæстæйон хæст. Цас цæссыг æмæ маст æрхастой ацы цалдæр дзырды Советон Цæдисы адæмтæн, цас туг, цал цардбæллон уды аныхъуырдтой. Æвыдæй нæ баззадысты ирон адæм дæр. Чысыл Хуссар Ирыстоныл дæр стыр зиæнттæ æрцыд. Стыр Фыдыбæстæйон хæстмæ Хуссар Ирыстонæй ацыдысты дыууын минæй фылдæр адæймаджы. Уыдонæй бирæтæ баззадысты тохы быдыры. Фашизмы ныхмæ ирон фæсивæды хъæбатыр тох дунейæн […]
Микробиолог, биологон æмæ химион хæцæнгæрзты фæдыл эксперт, биологон хæцæнгарзы фæдыл ИНО-йы къамисы раздæры уæнг Игорь Никулин коронавирусы тыххæй фехъусын кодта, зæгъгæ, КОВИД-19 арæзт æрцыд лабораторийы, аразгæ та йæ скодтой америкæйаг ахуыргæндтæ. Америкæйæгтæ сиу кодтой вирус SARS æмæ китайаг хæлынбыттыры коронавирусы. Уый бахизы адæймаджы чырæгтæм æмæ бирæ кæнын райдайы тыхджын тагъдадæй. Афтæмæй арæзт æрцыд ног патоген. […]
Абон у инвалидты барты дунеон бон. Нысан цæуы 1992 азæй. Уæды уонг инвалидты бартæ хъахъхъæныныл сæрмагондæй куыст нæ цыд. Ныртæккæ хъуыддаг бынтон æндæрхуызон у. Йе ‘нæниздзинад хъыгдард кæмæн у, ахæм адæймæгтæ Ирыстоны, æгас дунейы дæр цъус не сты. Ацы бон арæзт æрцæуы алыхуызон мадзæлттæ. Сæ нысаниуæг у иу — адæммæ фæххæццæ кæнын, бамбарын сын кæнын, […]
Стыр Фыдыбæстæйон хæсты рæстæджы цæрæгойтæ дæр хæстонтæн кæй æххуыс кодтой, уый сусæггаг нæу. Уæлдай популярондæр уыдысты куыйтæ. Куыд ныр, афтæ-иу уæд дæр се смудæнтæй фæхатыдысты халæн буарадты. Алыгъуызон уавæрты дæр æххуыс кодтой хæстонтæн, зæгъæм, агуырдтой-иу хъæдты æмæ цъыфдзастыты фæцæфуæвæг хæстонты. Уыдоны æххуысæй минæтæй сыгъдæг æрцыд 303 горæты, 20 минæй фылдæр бæстыхайы, ссардтой милуан минæ æмæ […]
Стæм разындзæн ахæм хъæууон цæрæг, йæ хуымы уырыдзы чи нæ ныссадзы. Ацы халсар уарзынц алы кары адæймæгтæ дæр. Фæлæ бафиппайын хъæуы уый, æмæ хатт цыдæр аххосæгтæм гæсгæ нæ къухты нæ бафты иннæ халсæртты уæлдай уырыдзыйы хъæздыг тыллæг райсын. Уымæн та ис бирæ аххосæгтæ. Фыццаджыдæр, стыр нысаниуæг ис тауинагæн. Мæнгæй нæ фæзæгъынц, цы байтауай, уый æркæрддзынæ. […]