Ӕрбалӕууыд фосӕн хъарм ӕмӕ ӕфсӕст зымӕгиуат сифтонг кӕныны ахсджиаг рӕстӕг ӕмӕ йӕм сӕхи цӕттӕ кӕнынц куыд фермерон хӕдзарадтӕ, афтӕ хисӕрмагонд фосдарджытӕ дӕр. Куыстытӕм рагацау чи бавнӕлдта, кусгӕ бонтӕй ӕххӕстбӕрцӕй чи пайда кӕны, уыдонӕн ныридӕгӕн ис ӕнтыстытӕ.

Цхинвалы районы «Тъбет»-ы фермерон хӕдзарады разамонджытӕ рагацау батыхсынц , цы ӕнӕаргъӕвгӕ куыстытӕ сын вӕййы бакӕнинаг, уыдон цыбыр ӕмгъуыдты ахицӕн кӕныныл ӕмӕ  кӕддӕриддӕр сӕ къухты бафты ӕнтыст. Хӕдзарад кӕны фосдарды куыст, ныртӕккӕ сӕм нымадӕуы 40 стуры ӕмӕ сын ӕрвылаз дӕр æрцæттæ кæны фаг холлӕгтӕ. Уымӕй дарддӕр ма байтауы ӕфсирон культурӕтӕ, уыдонӕй хицӕн хуызы мыггагӕй спайда кӕнынц холлагӕн. Ацы бонты та ӕрӕвнӕлдтой, уалдзӕджы сысджы цы 16 гектары байтыдтой, уыцы фӕзуат ӕфснайынмӕ. Раззагон механизатор Бибылты Мэльс ӕй ӕркӕрды, уый фӕстӕ – куы ахус вӕййы, уӕд та йӕм кусджытӕ ӕрӕвналынц холладжы тыхтӕттӕ ӕфснайынмӕ. Зӕгъын хъӕуы уый, ӕмӕ сӕ чысыл кæй къуылымпы кӕны, цы кусӕн техникӕ сӕм ис, уый кӕй базӕронд ӕмӕ арӕх, кӕй фехӕлы.

Хуыбиаты Никъала

Comments are closed, but trackbacks and pingbacks are open.