Куыд хъусын кодтам, афтæ-мæй Республикæ Хуссар Ирыстоны делегаци РХИ-йы Парламенты Сæрдар Бибылты Анатолийы сæргълæудæй уыд Донецкы Адæмон Республикæйы, йæ сырæзтыл 2 азы кæй сæххæст, уый сæраппонд.

Уырдыгæй делегаци ацыд Луганскы Адæмон Республикæмæ. Ацы республикæйы сырæзтыл дæр сæххæст дыууæ азы. Делегацийы скондмæ æрбаиу сты РХИ-йы Президенты Паддзахадон уынаффæгæнæг Сиукъаты Радион æмæ РХИ-йы Президенты Администрацийы къухдариуæггæнæджы хæдивæг Цхуырбаты Владимир.

Донецкы Адæмон Республи-кæйы цытджын мадзæлтты ма хайад райстой Уæрæсейы Федерацийы Федералон Æмбырды минæвæрттæ Тотоонты Алек-сандр, Сергей Мамедов, Ольга Ковитиди, Паддзахадон Думæйы депутаттæ Тайсауты Хъазбег, Александр Старовойтов æмæ Андрей Красов, Республикæ Аб-хазы премьер-министр Артур Миклабия æмæ Донецкы Адæмон Республикæйы Министрты Советы Сæрдар Сергей Козлов.

Донецкы Адæмон Республикæйы Сæргълæууæг Александр Захарченко фембæлд Хуссар Ирыстоны официалон делегацийы сæргълæууæг Бибылты Анатолиимæ. Уый бузныг загъта РХИ-йы Парламенты разамынадæн, Донецкы Адæмон Республикæйы сырæзты боны цытæн мадзæлтты хайад кæй исынц, уый тыххæй. Донецкы республикæйы сæргълæууæг банысан кодта дыууæ республикæйы ’хсæн кæрæдзиимæ хъарм ахастыты ахсджиагдзинад æмæ бавæрдта ныфс кæрæдзиимæ æмгуысткæнынад дарддæр уæрæх кæны-нæй. Сæрмагондæй банысанчындæуыд ахæм факт, зæгъгæ. Донецкы Адæмон Республикæйы фыццаг банымадта Республикæ Хуссар Ирыстон. Йæхирдыгæй Бибылты Анатоли банысан кодта, нæ бæстæты ’хсæн кæрæдзиимæ хъарм ахастытæ арæзт кæй æрцыдысты фидар хæларадон бындурыл æмæ æппæт фадæттæ дæр кæй ис сæ дарддæры рæзтæн.

Уымæй дарддæр ма уыдис цытджын мадзал Донецкы оперæ æмæ балеты паддзахадон академион театры, цыран Донецкы Адæмон Республи-кæйы сæргълæууæг Алек-сандр Захарченко Хæлардзинады орденæй схорзæхджын кодта РХИ-йы Парламенты Сæрдар Бибылты Анатолийы.

Визиты рæстæджы Донецкы Адæмон Республикæйы Адæмон Советы Сæрдар Денис Пушилинæн фембæлд уыдис РХИ-йы Парламенты спикер Бибылты Анатолиимæ. Дыууæ фарс дæр банысан кодтой, ацы азы апрелы Цхинвалы къухтæ кæуыл æрфыстæуыд, фæндæтты тыххæй уыцы Меморандумы ахсджиагдзинад, кæцыйы нысан ис дыууæ республикæйы закъондæттынадон органты ’хсæн æмгуыст-кæнынад арфдæр кæнын. Нæ республикæйы Парламенты Сæрдар банысан кодта, зæгъ-гæ, кæрæдзиимæ ахастытæн ис стыр перспективæ.

Донецкы Адæмон Республикæйы хæдбардзинады дыууæ азы цытæн цытджын мадзæлтты хайад райста Цхинвалы Аивæдты лицейы адæмон кафты ансамбль «Скифтæ», кæцыйыл сæмбæл-дысты стыр цин æмæ бузныджы æнкъарæнтимæ.

РХИ-йы Парламенты информацион-аналитикон управлени

Comments are closed, but trackbacks and pingbacks are open.