18-æм апрелы Экономикæ æмæ сæудæджерады ми-нистр Зæгъойты Вильям дзыллон информацийы фæрæзтæн пресс-конференци уадзыны рæстæджы фехъусын кодта æхсызгон информаци: «РХИ-йы Президент Тыбылты Леониды бахæсмæ гæсгæ паддзахадон унитарон куыстуат „Югосетнефтпродукт“ ауагъта бадзырдтæ Уæ-рæсейы компани „Роснефть“-имæ, кæцы у нæ республикæйы официалон ифтонггæнæг нефтепродукттæй. Абоны бон Паддзахадон унитарон куыстуат „Югосетнефт-продукт“ æртагæй ифтонггæнæнты АИ-92 бензины 1 литры аргъ у 32 сомы, дизелон æртаджы аргъ та — 30 сомы.

Ацы фарстмæ нæ ифтонггæнджытæ равдыстой лæмбынæг ахаст æмæ баныхæсты фæстиуджытæм гæс-гæ фæндон рахастæуыд, ацы нефтепродукты аргъ иу сомы бæрц фæасламдæр кæнын», — загъта министр.

Уыимæ иумæ ма Экономикæ æмæ сæудæджерады министр фехъусын кодта, нефтепродукты æргътæ кæй ивдзысты, Уæрæсейы æмæ дунейы бензин æмæ дизелон æртаджы æргътæ куыд ивой, афтæ. Фæлæ, зæгъгæ, хæстæгдæр рæстæджы æргътæ фæивынæн ницы бындур ис.

Министры хъуыдымæ гæсгæ паддзахадон æртагуæйгæнæнты бензин æмæ дизелон æртаджы æргътæ куы фæкъаддæр уой, уæд уый бандавдзæн коммерцион æртагуæйгæнæн станцтыл дæр.

Уый ма куыд банысан кодта, Уæрæсейы 1-æм апрелæй фæстæмæ дизелон æртаджы акцизтæ кæй схызтысты æмæ Уæрæсейы нефтепродуктты æргътæм кæй бафтыд, уый нæ бандавдзæн махыл. Уымæн æмæ нын цы бадзырд ис, уый бындурыл «Югосетнефтпродукт» нефты продукттæ ласдзæнис раздæры æргътæм гæсгæ æмæ ивындзи-нæдтæ бандавдзысты æрмæстдæр йæхи мидæггагон æр-гътыл. Хуссар Ирыстоны паддзахадон унитарон куыстуат «Югосетнефтпродукт» дæрддаг районтæн бензин уæй кæны 29,5-30,5 соммæ, цæмæй йæ дыккаг хатт уæйгæнгæйæ æмæ транспортон хæрдзтæ хынцгæйæ, ма фæ-фылдæр уа.

Уазæгты М.

Comments are closed, but trackbacks and pingbacks are open.