Скæсæйнаг къæлиндары Куыдз у æнувыддзинад æмæ рæстдзинады символ. Куыдз не сразы уыдзæн æнæраст митæ æмæ уагахастимæ æмæ уайтагъд бафхæрдзæн уыдоны.  Куыдзы нысаны бын æнтыстытæ уыдзæн æрмæстдæр раст, хæрзæгъдау æмæ нысанмæтырнæг адæймæгтæн, кæцытæн сæ бон у принципиалондзинад æмæ намысджындзинад равдисын. Уыдон, куыдфæнды ма уа, уæддæр сразы уыдзысты сæ разы æрæвæргæ хæстæ аскъуыддзаг кæны-ныл. Куыдз ма ноджы у бинонты хъармдзинад æмæ фæрныгдзинады символ. Цæмæй куыдзы аз æнтыстджынæй ацæуа, уый тыххæй фылдæр хъусдард здахын хъæуы бинонтæм. Тынг ахсджиаг уыдзæн æввахс адæмимæ компромисстæ æмæ кæрæдзиæмбарынад агурын. Астрологтæ зæгъынц, зæгъгæ, 2018 аз хорз аз уыдзæн уарзон ахастытæ саразынæн, бинонтæ скæнынæн æмæ сывæллæттæ гуырынæн. Куыдзы азы æмкъæйттæн хорз фадат уыдзæн сæ ахастытæ сфидар кæнынæн, æмæ иунæг адæймæгтæ та ссардзысты цардæмбæлттæ. Бæстæйæн æмæ æппæт дунейæн дæр уæлдай глобалон планы Ног 2018 азы ныфс æвæрæн ис æууæнкдзинад æмæ стабилондзинадæй, уыцы нымæцы экономикæйы дæр. Дунеон аренæйы дæр уыдзæн сабырдзинад æмæ проблемæтæ скъуыддзаг цæу-дзысты æнтыстджынæй.

Куыдзы азы ма махмæ æнхъæлмæ кæсынц УФ-йы Президенты æвзæрстытæ, футболы дунейы чемпионат  æмæ Кореяйы  Олимпион хъæзтытæ.

 

КУЫД ÆМБÆЛЫН ХЪÆУЫ КУЫДЗЫ АЗЫЛ?

Зындгонд куыд у, афтæмæй Куыдз  иунæгдзинад æвзæр хæссы. Цардæфсæст æмæ активон куыдзы хъæуы æмбал, хиирхæфсæн мадзæлттæ. Уый тыххæй астрологты хъуыдымæ гæсгæ Куыдзы аз бæрæг кæнынæн хъæуы  хъæлдзæг, стыр æмæ хæлар компани. 2018 азыл хъæуы сæмбæлын куыд бирæ адæмы æхсæн, афтæ иууыл æввахс адæймæгты æхсæн дæр. Фæлæ сæйраг у иунæгæй Ног азыл ма сæмбæлын. Бар ма раттут Куыдзæн æнкъард кæнынæн, Ногазон æхсæв уæ хæдзармæ ма бауадзут æнкъарддзинад. Ног 2018 азыл æмбæлгæйæ, уæлдай хуыздæр у хъæлдзæгдзинад, кæфтытæ æмæ æндæр ахæм хиирхæфсæн ма-дзæлттæ.

 

КУЫДЗЫ АЗЫЛ ЦАХÆМ ХУЫЗ ДАРÆСЫ ÆМБÆЛЫН ХЪÆУЫ?

Куыдзы сæйраг хуызтæ сты морæгъуыз æмæ бур хуыз. Афтæ ма Ногазон бæрæгбон нысангæнæн ис бур-сырхгъуыз, сырх, сыгъзæрингъуыз, уарди æмæ саухуыз уæлæдарæсы. Чызджытæн не ‘мбæлы æгæр гом къабатæ скæнын, уымæн æмæ куыдз аргъ кæны хуымæ-тæгдзинад æмæ хæрзæгъдаудзинадæн. Нæлгоймæгтæн ногазон æхсæвы сæ уæлæдарæс хъуамæ уа элегантон.

 

ЦЫ ХÆРИНÆГТÆ ХЪУАМÆ УА НОГАЗОН ФЫНГЫЛ?

Æнæмæнгæй ногазон фынгыл хъуамæ уа дзидза æмæ хæдзарон тахынæг. 2018 аз куыдзы аз кæй у, уадз æмæ уый тыххæй фынгыл уа бирæ стæджытимæ дзидза æмæ физонæг. Ма уæ ферох уæт карчы фыд æмæ кæсаг дæр. Æрæвæрут алыгъуызон салаттæ дæр, куыдз дзидза бирæ уарзы, фæлæ салаттыл дæр «нæ» нæ зæгъдзæн. Тынг рæсугъд рафидаудзæн фынджы астæу стыр тæбæгъ дзидзаимæ æмæ йæ алыварс та фых картоф, помидортæ, баклажан æмæ цъæхыгтæ. Куыйтæ иууылдæр уарзынц адджинаг, уымæ гæсгæ ма ферох кæнут фынгыл торт æмæ алыгъуызон адджын гуылтæ æрæвæрын. Бæрæгбонон фынгыл нæ хъæуы æвæрын бирæ карз нозтытæ. Фылдæр æрæвæрут сæн, коктейлтæ æмæ алыгъуызон адджын дæттæ. Сæйраг у ногазон бæрæгбонон æхсæв куыд гæнæн ис, афтæ хъæлдзæгдæрæй арвитын, уымæн æмæ Ног азыл куыд сæмбæлай, афтæ йæ арвитдзынæ.

Comments are closed, but trackbacks and pingbacks are open.