2020 азæн астрологион нысæнтты иумæйаг гороскоп

2020 азы 25 январæй, Китайаг Ног азы æрбалæудæй 2020 азæн æххæстбарджын æфсин суыдзæн Мыст – ахæм цæрæгой, кæцы китайаг гороскопмæ гæсгæ у куырыхондзинады, хъæздыгдзинады символ æмæ йæ бон у цахæмфæнды ситуацийæ дæр спайда кæнын.

2020 аз – Урс Æфсæн Мысты аз.

Цахæм у Урс Æфсæн Мыст?

2020 азы махæй алкæмæндæр фадат уыдзæнис цард ног сыфæй райдайын. Чизоны æгас царды нæ, фæлæ йæ хицæн хæйтты уæддæр. Уый у иттæг хорз рæстæг  бинонты хъуыддæгтæ аразынæн, сывæллæттæ фæзынынæн, конфликттæ æрбæстон кæнынæн, хæлардзинад æмæ бинонты традициты ног æмвæзадмæ ракæнынæн.

Сæйраг хъусдард аздахын хъæуы зæнæгмæ. Мыст у хорз бинонты хицау. Уæ зæрдыл дарут уый зондджын цæрæгой кæй у æмæ стандартон схемæмæ гæсгæ архайын йæ удыхъæды кæй нæй. Фæнды уæ къухты  фылдæр цыдæртæ бафта? Уæд æрхъуыды кæнут оригиналон фадæттæ, ногдзинæдтæ. Уæ зæрдыл дарут: цахæмфæнды хæсыл дæр фæтыхуæвæн ис иумæ архайгæйæ.

Æфсæйнаг у сæрмагонд иугæнд. Характеры фидардзинад банысан кæнын нæ куы фæфæнды, уæд фæдзурæм «цыма æндонæй у». Æмæ уæдæ æрбалæугæ азы ахсджиаг у æнувыд уат уæ принциптыл, уат уæ ныхасы хицау. Æндæрты Мыст нæ быхсы æмæ райдайы «хæцын», фæткойтæ æххæст кæй нæ цæуынц, уый тыххæй.

Фыс (Овен) – 21.03-20.04

2020 азы Фыс  ныфс æвæры, хъуыддагон архайды кæй уыдзæн иттæг активон. Ахсджиаг хæстæ домынц, цæмæй йæхимæ æркæса æмæ социалон, профессионалон  къабæзты хи фæндаг сбæлвырд кæна. Гæнæн ис фæива йæ кусæн бынат, ахиза ног бынатмæ. Фыстæ сæхимæ райсгæ хæстæ куыд æмбæлы, афтæ кæд не ʻххæст кодтой, уæд сын фæбæрæг уыдзæн 2020 азы æмæ тас уыдзæн кусæн бынат фесафынæй. Проблемæтæ скъуыддзаг хъуамæ æрцæуой 2020 азы.

Урс Æфсæн Мысты аз уыдзæн хæрзвадат материалонæй уавæр фæхуыздæр кæнынæн. Фыстæн ацы фарстайы уыдзæн æнтыстытæ. Сæ хъус хъуамæ дарой се ʻнæниздзинадмæ. Зæрдыл дарын хъæуы: Мыст аргъ кæны уыцы адæймæгтæн, кæцытæ, куыд æмбæлы, афтæ хъахъхъæнынц се ʻнæниздзинад.

Гал (Телец) –  21.04-20.05

Астрологтæ куыд зæ-гъынц, уымæ гæсгæ, Галæн Мысты аз уыдзæн сабыр æмæ фæразон. Ацы аз уый бахъæудзæн ахсджиаг уынаффæтæ райсын, цæмæй равзара – ахастытæ кæнæ карьерæ. Иунæг Гал хъуамæ ахъуыды кæна йæхицæн æмбал бацагурыныл. Гал хъуамæ лæмбынæг æркæса йе ʻнæниздзинадмæ – бахъахъхъæна диетæ, консультацитæ райса дохтырæй; финансон хъуыддаджы та  хорз уаит экономи кæнын. Мысты аз финанстæ уы-дзысты стабилон. Рæстæгæй та зондæй хъæуы пайда кæнын.

Фаззæттæ (Близнецы) – 21.05-20.06

Ацы аз  сымах аз у, æмæ аразут, уæ зæрдæмæ цы цæуы æмæ растыл цы нымайут, уый. Фаззæтты романтикон ахаст фæхъæздыгдæр уыдзæн. Афон у, аскъуыддзаг кæнат уыцы проблемæтæ, кæцыты аргъæвтат фæстæдæрмæ. Уæ цæст ахæссут уæ цардвæндагыл, бахæссут æм коррективæтæ, фæивут уæ уагахаст, гæнæн ис, цард райдайат ног сыфæй. Куысты тыххæй: ацы аз уын уыдзæн фылдæр куыст, æххæст кæнын æй хъæудзæн зæрдиагæй æмæ гъæдджынæй. Нæ уын уыдзæн финансон проблемæтæ, уыдон уыдзысты фагæй фылдæр.

Мыдзбыр (Рак) – 21.06 – 22.07

2020 азы Мыдзбырмæ æн-хъæлмæ кæсы ивындзинæдтæ. Астрологты ныхæстæм гæсгæ, хи цард æмæ карьерæ фæхуыз-дæр кæныны фадæттæ бирæ сты, фæлæ уыдонæй спайда кæ-нын, кæннод сæ аиуварс кæнын, Мыдзбырæн йæхицæй кæнгæ у.  Мысты аз  Мыдзбыртæн баххуыс кæндзæн бинонтæ æмæ æмбæлтты ‘хсæн ахастытæ бæрæг фæхуыздæр кæнынæн. Карьерæйы хъуыддаджы уыдзæн конфликттæ æмæ конкуренци. Мыдзбыр хъуамæ куса бирæ, цæмæй уа йæ конкуренттæй хуыздæр.

Домбай (Лев) – 23.07-22.08

 Ацы аз йемыдзаг уыдзæн фездæхæнтæй. Домбайтæм уы-дзæн фаг тых æмæ  энерги, цæмæй сæххæст кæной сæ бæллицтæ. Ивындзинæдтæ уы-дзæн уарзты хъуыддаджы, хорз æви æвзæрырдæм, уый баст у, Домбайæн йæ фарсмæ чи уа, ууыл. Домбай кæд иунæг у, уæд ацы аз фембæлдзæн йæ цардæмбалыл. Бинонтæ æмæ æмгæрттимæ ахасты фылдæр хатт хуыздæр уыдзæн компромиссыл ацæуын. Карьерæ уыдзæн стабилон, фæлæ куыст –  фылдæр. Æхцатæ хъæуы экономи  кæнын, бюджетмæ та – хъусдарын.

Чызг (Дева) – 23.08-23.09

 Йæ ахастмæ гæсгæ Чызг рæвдз у импульсивон уынаффæтæ райсынмæ. Уый та нега-тивонæй фæзындзæн ахастытæ, æхцатæ, карьерæ, кæнæ æнæниздзинадыл. Цалдæр хат-ты ахъуыды кæн, цалынмæ исты уынаффæ рахæссай, уæдмæ. Кæд Чызгæн ахастыты проблемæтæ нæй, уæд нæ хъæуы сæ фæхуыздæр кæныныл бацархайын. Йæ цард йæ зæрдæмæ кæд нæ цæуы, уæд йæ бон у фæива йæ. Куыст ын уыдзæн стабилон. Æрдзон фæлтæрдзинæдтæ уыдзысты бæрзонд æмвæзадыл æмæ сæ хъæудзæн максималонæй спайда кæнын. Уыдзæн æм фаг æхца.

Тæрæзтæ (Весы) – 24.09-23.10

Мысты аз Тæрæзтæн уыдзæн тынг рог, мондæгтæ исыны æмæ хъæлдзæгдзинады рæстæг.  Куыд карьерæ, афтæ социалон царды химæ райст хæстæ уыдзысты минималон. Бинонты хицау Тæрæзтæн сæ цард уыдзæн стабилон. Ацы аз Тæрæзтæн уыдзæн фылдæр тырнындзинад куыстмæ. Æмбæлттæ æххуысы къух куы фæдаргъ кæной, уæд «нæ» зæгъын нæ хъæуы. Азы фыццаг æмбисы æхцатыл фæцауæрдын хъæуы, фæлæ азы кæрон куыд дæ фæнды, афтæ хардз кæн. Хъус дарын хъæуы æнæниздзинадмæ дæр.

Къæдздым (Скорпион) – 24.10-21.11

 Рагамындтæ дзурынц, зæгъгæ, ацы аз Къæдздымтæн уыдзæн сæрибардзинады аз. Сæ хъуыдытæ хъуамæ аздахой сæ куысты фæлтæрддзинæдтæ фæхуыздæр кæнынмæ. Къæдздым хъаруджын æмæ зæрдæргъæвд куы уа, уæд ын уыдзæн æнтыстытæ. Бинонты ‘хсæн уыдзæн гармони.

Рæстæг æрвитут æмбæлттимæ æмæ бинонтимæ. Исты ахсджиаг уынаффæ райсыны размæ хорз ахъуыды кæнут. Гæнæн уæвгæйæ, бафидут уæ хæстæ æмæ райсут, хæс кæй радтат, уый.

Фатæхсæг (Стрелец) – 22.11-21.12

  Фатæхсæгæн 2020 аз хорз аз у, цæмæй ссæрибар уа уæлдай уаргъæй æмæ бамбара  йæ цард алыгъуызон аспектты. Цæмæй йын æнтыстытæ уа, уый тыххæй  хъуамæ быхса. Фатæхсæг иунæг уа, æви бинонты хицау, бафæнд дзæн æй ахастытæм ивындзинæдтæ бахæссын.   Иунæг Фатæхсæг, гæнæн ис, ацы аз ссара цардæмбал.

Ацы аз Фатæхсæг кусдзæн уæхскуæзæй æмæ йын уыдзæн æнтыстытæ. Аз хорз у бизнес кæнынæн. Бирæ куыст – бирæ æхца. Куыстуарзаг Фатæхсæгы Мыст æхцацух нæ ныууаддзæн.

Сæгъысыкъа (Козерог) – 22.12-19.01

Зодиакы ацы нысан хъуамæ бацархайа йæхи æнцойадыл, æркæса йе ‘нæниздзинадмæ. Аргъ кæна, йæ царды хорзæй цы ис, уымæн.  Йæ фæндтæ, бæл-лицтæ афоныл куы нæ æххæст кæной, уæд ууыл æнкъард кæнын нæ хъæуы. 2020 азы фæхуыздæр уыдзæн йæ царды, социалон æмæ куысты уавæр. 

Сæгъысыкъайы зæрдæмæ фæцæудзæн, æндæр интерестæ кæмæн ис, ахæм адæмтимæ зонгæдзинад. Куысты æнтыстытæн, коллегæтимæ фидар бастдзинæд-тæн аккаг аргъ скæндзысты куыстуæтты къухдариуæггæнджытæ.  

Донкалæг (Водолей) – 20.01-18.02

Донкалæгæн 2020 аз у хи равдисыны аз. Йе ‘ввахс адæмæн уырнын кæндзæн, цыфæнды хъуыддаджы дæр иттæг хорз кæй у, уый.  Ацы аз уымæ æнхъæлмæ кæсы ног проекттæ, егъау плæнттæ, кæцытæн уыдзæн сæххæстгæнæн. Донкалæгтæ ма хъуамæ уой импульсивон сæ кусæн бынаты. Серьезондзинад æмæ коллегæтимæ кусын сын æрхæсдзæн æнтыстытæ.

Донкалæгмæ уыдзæн уыйбæрц æхца, цæмæй бамбæрза йæ хæстæ æмæ йæхицæн дæр исты балхæна.

Кæсаг, Кæф (Рыбы) – 19.02-20.03

  Мысты азы Кæсæгтæ хайад райсдзысты егъау перспективон проектты, уымæ гæсгæ сын романтикæйæн рæстæг нал баззайдзæн.  Сæ цард Кæсæгтæн ацы аз хуыздæр уыдзæн, ацæугæ азмæ абаргæйæ. Сæ оптимизмæй бирæ хорз адæймæгты хъусдард раздахдзысты сæхимæ. Иугъæдон кæй сты, уымæ гæсгæ хуынд цæудзысты æмæ хайад исдзысты бирæ мадзæлтты. 

 Финансонæй уавæр æвзæр нæ уыдзæн. Фæлæ экономи кæнын дæр хорз уаит кæддæрты. 

Цыбыр дзырдæй, Урс Æфсæн Мысты аз никæйы фæхъыг кæндзæн, йæ бон цас уа, уыйбæрц  кæндзæн æххуыс.