Фембæлд æхсæнад «Двуглавый орел»-ы Кавказ æмæ Æввахс Скæсæны фæдыл специалист Артур Атаевимæ

РХИ-йы Президент Бибылты Анатоли фембæлд æхсæнад «Двуглавый орел»-ы Кавказ æмæ Æввахс Скæсæны фарстыты фæдыл специалист Артур Атаевимæ. Политолог æрцыд Хуссар Ирыстонмæ ХИПУ-йы ног ахуыры азы райдианимæ баст мадзалмæ. Фембæды ма хайад райста университеты ректор Тедеты Вадим.

Бæстæйы сæргълæууæг банысан кодта, универститет цы куыст кæны, уый ахсджиаг кæй у, уæлдайдæр та Уæрæсейы ахуырадон æмæ зонадон уагдæттимæ ахастытæ аразыны хъуыддаджы.

«Бузныг уæ организацийæн нæ университетимæ ахæм æнгом бастдзинæдты тыххæй. Ацы бастдзинæдтæ биноныггонд æрцыдысты Уæрæсейы стратегион раиртæстыты институты ма куы куыстай, уыцы рæстæджы æмæ «Двуглавый орел»-ы æхсæнады сæрдар Леонид Решетниковы æххуысæй. Уый хорз ахаст ХИПУ æмæ æмткæй Хуссар Ирыстонмæ æмæ адæймаджы зæрдæ куыднæ хъуамæ балхæна», – аздæхта йæ ныхас Артур Атаевмæ.

Бибылты Анатоли банысан кодта, зæгъгæ, республикæйы æхсæнады ракæнын хъæуы уонгуагъды уавæрæй, æмæ уымæн та саразæн ис æрмæст фæсивæды хъомысы руаджы. Президент ХИПУ-йы ректорæн бацамыдта, цæмæй ХИПУ-йæн студентты æвзарой хистæр кълæстæй райдайгæйæ.

«Æз дæн ахæм хъуыдыйыл хæст, цæмæй ныфс бавæрæн цы студенттæй ис, уæлдайдæр та, дырыс зонæдты ‘рдæм здæхт чи у, уыдон агуырд цæуой скъолаты 9-æм æмæ 10-æм кълæсты, цæмæй семæ куыст цæуа, разамынд сын лæвæрд цæуа æмæ разæнгардгонд цæуой хорз ахуыр кæнынмæ», – загъта Президент.

Артур Атаев йæхи ‘рдыгæй банысан кодта, цæттæ кæй у Хуссар Ирыстоны зонадон æмæхсæнадимæ æмгуыстмæ.

«Æз цæттæ дæн ахæм куыстмæ, кæцыйæн сæххæстгæнæн ис хусссарирыстойнаг политологтимæ иумæйаг зонадон публикацитæ, республикæ æмæ регионы цæугæ цауты фæдыл аналитикон æрмæджытæ цæттæгæнгæйæ», – загъта политолог.

Уый банысан кодта, зæгъгæ,  стыр у ахæм куысты ахсджиагдзинад, уæлдайдæр та, Гуырдзыстон æмæ йæ зондамонджытæ цы стыр хъарутæ хардз кæнынц сæхицæн пайдайы имидж аразыны æмæ дунейы сæ фæндтæ размæ кæныны сæраппонд, уый хынцгæйæ

РХИ-йы Президенты

пресс-службæ