А р ф æ т æ

Фæндагон хæдзарады кусджытæ æмæ ветерантæн

Фæндагон хæдзарады цытджын кусджытæ æмæ ветерантæ! Зынаргъ хæлæрттæ!

Айсут иууыл зæрдиагдæр арфæтæ уæ профессионалон бæрæгбон – Фæндагон хæдзарады кусæджы боны цытæн.

Транспортон фадыгæн ахсджиаг нысаниуæг ис бæстæйы социалон-экономикон рæзты. Уый эффективон æххæсткæнынад бирæбæрцæй баст у республикæйы национ ресурсты рæзтыл.

Республикæйы стратегион хæстæй сæ иу у фæндагон инфраструктурæ фæхуыздæр æмæ модернизаци кæнын, приоритетон проекттæ реализаци кæнын.

Сымах асхджиаг фæндагон объектты æмбæлон уагыл дарут æмæ сæ цалцæг кæнут. Уæ лæмбынæг, æрвылбонон куысты фæрцы Хуссар Ирыстон кæны ноджы комфортондæр цæрынæн, цæрджыты царды æмвæзад хуыздæр кæны.

Ныфс мæ ис, сымах дарддæр дæр кæй æххæст кæндзыстут уæ службæйон хæс, ахсджиаг хайбавæрд хæсдзыстут сæйраг, приоритетон фарстытæ скъуыддзаг кæныны хъуыддагмæ.

Зынаргъ хæлæрттæ! Айсут бузныджы ныхæстæ уæ зын куысты, бæрзонд профессионализм æмæ бæрндзинады, нæ фæндæгты гъæд æмæ æдасдзинады тыххæй. Мæ цæст уын уарзы æнæниздзинад, амонд æмæ дарддæры æнтыстытæ уæ Фыдыбæстæйы хæрзиуæгæн хъæугæ æмæ зынгæ куысты!

Республикæ Хуссар Ирыстоны Президент БИБЫЛТЫ Анатоли

***

Фæндагон фадыджы цытджын кусджытæ! Арфæ уын кæнын уæ профессионалон бæрæгбон – Фæндагон хæдзарады кусæджы боны цытæн!

Фæндагон инфраструктурæйæн ис ахсджиаг нысаниуæг цыфæнды паддзахады экономикæ æмæ социалон фарстытæ скъуыддзаг кæныны.

Фæндагон фадыджы кусджыты удуæлдай куысты, уыдоны нысанмæ тырнындзинад æмæ профессийыл æнувыддзинады фæрцы республикæйы фæндагон хæдзарад азæй-азмæ хуыздæр кæны.

Фæстаг азты Цхинвалы æмæ республикæйы районты арæзт æмæ цалцæг æрцыдысты автомобилон фæндæгты сæдæгай километртæ, кæцытæн ис стыр нысаниуæг æмбæстæгты социалон хиæнкъарынад фæхуыздæр кæныны.

Фæндагон хæдзарады цытджын кусджытæ! Ныфс мæ ис, бæрзонд профессионализм æмæ куыстуарзондзинад фадат ратдзæн уæ разылæууæг хæстæ сымахæн дарддæр дæр æнтыстджынæй скъуыддзаг кæнынæн.

Мæ цæст уын уарзы фидар æнæниздзинад, амонд æмæ фæрныгад сымахæн æмæ уæ бинонтæн. Уадз, уæ царды фæндаг уæд лæгъз æмæ амондджын!

Республикæ Хуссар Ирыстоны Хицауады Сæрдар ПУХАТЫ Эрик

***

Фæндагон фадыджы цытджын кусджытæ!

Республикæ Хуссар Ирыстоны Парламенты æмæ сæрмагондæй мæхи номæй уын арфæ кæнын уæ профессионалон бæрæгбон – Фæндагон хæдзарады кусæджы боны цытæн!

Уæ куысты фæрцы горæт æмæ йæ уынгтæ рæсугъд кæнынц, цалцæг цæуынц трассæтæ æмæ арæзт цæуынц фæндæгтæ. Растдæр уе ‘рвылбонон, бæрнджын куысты фæрцы фæндæгтæ рæстæгыл цалцæгонд цæуынц, фæндæгтæ сты æмбæлон æмæ гъæдджын. Хæрзарæзт фæндæгтæ сты паддзахады фæрныгады æвдисæнтæй сæ иу.

Мæ цæст уын уарзы фидар æнæниздзинад, амонд, фæрныгад, ног æнтыстытæ уæ куысты.

Республикæ Хуссар Ирыстоны Парламенты Сæрдар ТАДТАТЫ Алан