А Р Ф Æ Т Æ

УФ-йы Хицауады Сæрдар Дмитри Медведевæн

Цытджын Дмитрий Анатолийы фырт!

Хуссар Ирыстоны Хицауады æмæ дын сæрмагондæй мæхи номæй арфæ кæнын дæ гуырæн боны цытæн.

Бирæ азон эффективон архайд æмæ равзаргæ хъуыддагыл æнувыддзинад, дæ разы лæууæг хæстæ профессионалон æгъдауæй скъуыддзаг кæнын, паддзахадон хицауиуæгады алы къабæзтимæ компромистæ арын æмæ æнтысгæ æмгуыстад кæнынмæ дæ арæхстдзинад дын фадат дæттынц Уæрæсейы стабилон социалон-экономикон рæзтмæ здæхт идеятæ царды æххæст кæнынæн.

Хуссар Ирыстоны паддзахадон хæдбардзинад банымайыны тыххæй дæ стратегион райсгæ уынаффæйы ‘руаджы, республикæ рæзын райдыдта фæд-фæдылонæй. Уый мах никуы ферох кæндзыстæм.

Фæстаг азты Уæрæсейы æмæ Хуссар Ирыстоны ахастытæ схызтысты ног гъæдон æмвæзадмæ. Дæ хайадисты фæрцы æппæтварсонæй арфдæр кæнынц интеграцион процесстæ, реалон æгъдауæй æххæст цæуынц æмгуыстады фæдыл æхсæнведомст-вæйон сразыдзинæдтæ. Æппæт уыдæттæ Хуссар Ирыстоны адæмæн ныфс дæттынц фидæны, фидар кæны се ‘ууæнк æдас æмæ æдыхст размæцыдыл

Ныфс мæ ис, дарддæр дæр нæ бæстæты ‘хсæн бастдзинæдтæ кæй фидар кæндзысты æмæ рæздзысты.

Ацы нысаниуæгджын бон дын, цытджын Дмитрий Анатолийы фырт, мæ цæст уарзы сабырад, фæрныгад, афтæ ног æнтыстытæ Райгуырæн бæстæ æмæ Уæрæсейы адæмæн лæггад кæныны хъуыддаджы.

Республикæ Хуссар Ирыстоны Хицауады Сæрдар Пухаты Эрик

 

***

Цытджын Дмитри Анатолийы фырт!

Республикæ Хуссар Ирыстоны Парламенты æмæ сæрмагондæй мæхи номæй арфæ кæнын дæ гуырæн боны цытæн!

Дæ профессионализм, хъуыддагыл æнувыддзинад, бæрзонд компетентондзинад, политикон æмæ социалон-экономикон ахсджиаг фарстатæ раст скъуыддзаг кæнынæн стыр аргъ æмæ кад кæнынц Уæрæсейы къухдариуæгад æмæ коллегæтæ.

Хуссар Ирыстоны адæм бузныг сты Уæрæсейæ, йæ къухдариуæ-гадæй, сæрмагондæй дæуæй, политикон фæндондзинад кæй равдыстат, æмæ дунейы вазыгджын уавæрмæ нæ кæсгæйæ, 2008 азы нæ республикæйы хæбдардзинад кӕй  банымадтат, уый тыххӕй.

Мæ цæст дын уарзы, цытджын Дмитри Анатолийы фырт, фидар æнæниздзинад, фæрныгад, ног æнтыстытæ дæ архайды Уæрæсейы æмæ йæ адæмы хæрзиуæгæн.

Республикæ Хуссар Ирыстон-Паддзахад Аланийы Парламенты Сæрдар Гасситы Петр

***

 

Республикæ Никарагуайы Президент Даниэл Отрегайæн

Дæ бæрзондзинад,

Республикæ Хуссар Ирыстоны къухдариуæгады, йæ адæмы æмæ сæрмагондæй мæхи номæй арфæ кæнын дæуæн æмæ дæ номæй æппæт уæ адæмæн Республикæ Никарагуайы национ бæрæгбон – Хæдбардзинады боны цытæн.

Абон Никарагуа, паддзахиуæгад æмæ фидар социалон-экономикон рæзт хъахъхъæныны фæдыл ахъуыдыгонд æмæ фидар позици бацахсгæйæ, фидарæй цæуы æхсæнадон-политикон стабилондзи-нады фæндагыл.

Ныфс мæ ис, нæ æхсæнпаддзахадон ахастытæ, не ‘мгуыстад, дарддæр дæр кæй рæздзысты æмæ кæй уæрæх дӕр кæндзысты.

Цытджын Командате Отрега, ацы нысаниуæгджын бон дын мæ цæст уарзы фидар æнæниздзинад, ног æнтыстытæ дæ паддзахадон архайды, Никарагуайы хæлæрадон адæмæн та – сабырад, фæрныгад æмæ дидинæфтыд.

Республикæ Хуссар Ирыстоны Президент Бибылты Анатоли

 

***

Республикæ Никарагуайы Национ Ассамблеяйы Сæрдар Густаво Эдуардо Поррас Кортесмæ

Цытджын Сæрдар!

Республикæ Хуссар Ирыстоны Парламенты æмæ сæрмагондæй мæхи номæй арфæ кæнын дæуæн æмæ Никарагуайы æппæт адæмæн национ бæрæгбон  Республикæ Никарагуайы Хæдбар-дзинады боны цытæн.

Ацы бонты Никарагуа нысан кæны 1821 азы сентябры цауаты сæраппонд бæрæгбон, уæ хъайтарон адæм уæззау сæрибаргæнæн тохы куы райстой сæрибардзинад æмæ хæдбардзинад. Æмæ абон дарддæр аразут æмæ рæзын кæнут демократон паддзахад размæдзыд экономикæ æмæ социалон фадыгимæ.

Хуссар Ирыстоны адæм бузныджы æнкъарæнтимæ хъуыды кæнынц Никарагуайы къухдариуæгады историон уынаффæ  нæ республикæйы хæдбардзинад банымайыны тыххӕй.  Ныфс мæ ис, дарддæр дæр нæ иумæйаг тыхтæ здæхт кæй уыдзысты, нæ закъондæттæн органты æхсæн цы хæларадон ахастытæ ис, уыдон сфидар кæнынмæ.

Уавæрæй пайда кæнгæйæ, дын æрвитын стыр цыты ныхæстæ æмæ Никарагуайы адæмæн та мæ цæст уарзы хорздзинад, сабырад æмæ дидинæфтыд.

Республикæ Хуссар Ирыстон-Паддзахад Аланийы Парламенты Сæрдар Гасситы Петр

***

Хъæды хæдзарады кусджытæн

Хъæды фадыджы цытджын кусджытæ æмæ ветерантæ!

Арфæ уын кæнын Хъæды хæдзарады кусæджы боны цытæн!

Хуссар Ирыстоны хъæды хъæздыгдзинæдтæ банымайæн ис, куыд национ исад, республикæйы æнæаргъ экономикон æмæ экологион ресурс афтӕ. Уæ æвæллайгæ куыст хъæды массивтæ хъахъхъæнын æмæ æндидзын кæныны хъуыддаджы æрмæст хæрзиуæгон нæу йæ нысаниуæгмæ гæсгæ, фæлæ у ахсджиаг не ‘хсæнадæн, республикæйы экономикæйы рæзтæн дæр.

Ныфс мæ ис, хъæды фадыджы кусджытæ дарддæр дæр эффективонæй кæй пайда кæндзысты хъæды хъомысы фадæттæй, æнтыстджынæй кæй æндидзын кæндзысты хъæдтæ, ахъаз кæй кæндзысты нæ экономикон потенциал фидардæр кæнынæн.

Мæ цæст уын уарзы фидар æнæниздзинад æмæ дарддæры æнтыстытæ! Сабырад æмæ фæрныгад сымахæн æмæ уæ хиуæттæн!

Республикæ Хуссар Ирыстоны Президент Бибылты Анатоли

 

***

Республикæ Хуссар Ирыстоны хъæды хæдзарады цытджын кусджытæ!

Зæрдиаг арфæ уын кæнын уæ профессионалон бæрæгбоны цытæн!

Хъæды хæдзарад у ахсджиаг фадыг, кæцы дзуапп дæтты хъæды æрдзон ресурстæ хъахъхъæн æмæ сæ фылдæр кæнынæн. Нæ республикæ хъæздыг у хъæды массивтæй. Хъæд у æрдзы лæвар, кæцыйы, гæнæн ис, банымайын хорз экологийы ахсджиаг хайыл.  Нæ хъæдтæм хъæуы стыр хъусдард здахын, уыдон хъахъхъæнын, хъæдты флорæ æмæ фаунæйы хъахъхъæнын у уæ фадыджы кусджыты сæйраг хæс. Æрдз æмæ хъæдтæ хъахъæнынгæйæ, мах аудæм нацийы æмæ фидæны фæлтæры æнæниздзинадыл. Хъæды хæдзарады кусджытæ стыр куыст кæнынц хъæдтæ бахъахъ-хъæныныл, ног культурæтæ садзын æмæ зайын кæныныл. Уый у нырыккон, социалон къабазмæ здæхт паддзахады рæзты ахсджиаг аспект.

Хъæды хæдзарады æппæт кусджытæн мæ цæст уарзы æнæниздзинад, бинонты фæрныгад æмæ куысты æнтыстытæ республикæйы хæрзиуæгæн.

Республикæ Хуссар Ирыстон-Паддзахад Аланийы Парламенты Сæрдар Гасситы Петр

***

Санитарон-эпидемиологон службæйы кусджытæн

Зынаргъ хæлæрттæ!

Арфæ уын кæнын уæ профессионалон бæрæгбон –  Республикæ Хуссар Ирыстоны Санитарон-эпидемиологон службæйы кусæджы боны цытæн!

Уæ службæйæн ис ахсджиаг нысаниуæг, адæймагыл цы æвзæр фактортæ æндавы, уыдон аиуварс кæнын, гигиенон æгъдауæй не ‘мбæстæгты хъомыл кæныны хъуыддаджы. Цæрджыты санитарон-эпидемиологон ифтонгад æмæ фæлхасгæнджыты бартæ хъахъхъæныны службæйы кусджыты зын куыст, профессионализм æмæ хъæддыхдзинад ахъаз кæнынц бæстæйы цæрджыты æнæниздзинад бахъахъхъæныны хъуыддаджы зын фарстатæ скъуыддзаг кæнынæн. Адæймагыл цы негативон процесстæ æндавы, уыдонмæ уæ хъус даргæйæ, сымахæн массон инфекцион низты ныхмæ тох кæныны хъуыддаджы ис зынгæ æнтыстытæ, уыдоны сæвзæрыны аххосæгтæ развæлгъау сбæрæг кæнгæйæ.

Бузныг уын, уæ ахсджиаг куысты тыххæй. Ныфс мæ ис, сымах дарддæр уæ хæстæ кæй æххæст кæндзыстут кадимæ, æмæ уæ равзаргæ фæндагыл æнувыддзинад æмæ стыр бæрндзинад алы хатт дæр лæггад кæндзысты нæ Райгуырæн бæстæйы хæрзиуæгæн.

Мæ цæст уын уарзы фидар æнæниздзинад, æвидигæ тыхтæ æмæ энерги, дарддæры æнтыстытæ. Сабырад æмæ дидинæфтыдад сымахæн æмæ уæ бинонтæн!

Республикæ Хуссар Ирыстоны Президент Бибылты Анатоли

 

***

Республикæ Хуссар Ирыстоны санитарон-эпидемиологон служ-бæйы цытджын кусджытæ!

Зæрдиаг арфæ уын кæнын уæ профессионалон бæрæгбон –  Санитарон-эпидемиологон службæйы кусæджы боны цытæн!

Бæстæйы санитарон-эпидемиологон фæрныгад ифтонг кæнын æмæ фæлхасгæнджыты бартæ хъахъхъæнын у нæ республикæйы æмбæстæгты æнæниздзинад æмæ цард бахъахъхæныны сæйраг фактортæй сæ иу. Уæ æрвылбонон куыст, рæстæгыл профилактикон æмæ эпидемийы ныхмæ мадзæлттæ уадзын фадат дæттынц нæ цæрджыты æнæниздзинад хъахъхъæныны фарстатæ скъуыддзаг кæнынæн. Ныфс мæ ис, сымах дарддæр дæр кадимæ кæй æххæст кæндзыстут уæ разы лæууæг хæстæ.

Ацы нысаниуæгджын бон мæ цæст уарзы сымахæн, санитарон-эпидемиологон службæйы æппæт кусджытæн, фидар æнæниз-дзинад, æвидигæ энерги, профессионалон потенциал реализаци кæнын, фæрныгад, сабырад æмæ дидинæфтыд.

Республикæ Хуссар Ирыстон-Паддзахад Аланийы Парламенты Сæрдар Гасситы Петр