Сербаг Республикæйы боны цытæн
Республикæ Хуссар Ирыстоны Президент Бибылты Анатоли арфæйы фыстæг арвыста Сербаг Республикæйы Президент Жельк Цвиянович æмæ Босни æмæ Герцеговинæйы Президиумы уæнг Милорад Додикмæ Сербаг Республикæйы боны цытæн.
Бибылты Анатоли арфæйы фыстæджы банысан кодта, зæгъгæ, аивгъуыйгæ азтæ ирдæй равдыстой адæмы куырыхондзинад, кæцы 1992 азы 9 январы равзæрста сæрибардзинад æмæ хæдбардзинады фæндаг, æмæ уыцы историон равзæрст ссис демократийы акт, бындур æрæвæрдта хæдбар Сербаг Республикæйы сæрибар æмæ конструктивон рæзтæн.
«Абоны бон Сербаг Республикæ фидар кæны йæ позицитæ дунеон æмæхсæнады, рæзын кæны экономикæ, йæ адæмæн аразы хорз фидæн», – банысан кодта уый æмæ Сербаг Республикæйы хæлар адæмæн йæ цæст бауарзта сабыр арвы бын царды фæндиæгтæ æмæ фæрныгад.
Милорад Додикмæ йæ фыстæджы РХИ-йы Президент банысан кодта, зæгъгæ, ацы бон у Сербаг Республикæйы адæмы æнгомдзинады символ, кæцыйæн бантыст равдисын сæрибардзинадмæ тырнынад æмæ хуыздæр фидæны тыххæй йæ æнæбайсгæ бар сфидар кæнын».
ПРОКУРÆТУРÆЙЫ КУСÆДЖЫ БОНЫ ЦЫТÆН
Прокуратурæйы органты цытджын ветерантæ æмæ кусджытæ! Зынаргъ хæлæрттæ!
Зæрдиаг арфæ уын кæнын уæ профессионалон бæрæгбон – Прокуратурæйы кусæджы боны цытæн!
Прокуратурæйы кусджытæ стыр хайбавæрд хæссынц закъондзинад æмæ барвæтк сфидар кæнынмæ, Республикæ Хуссар Ирыстоны æмбæстæгты бартæ æмæ сæрибардзинæдтæ бахъахъхъæнынмæ. Уæ равзвæдгæнджыты хорз традицитæ дарддæр кæнгæйæ, сымах кадимæ æххæст кæнут цæстдарæг функцитæ, контроль кæнут æххæсткæнынадон æмæ закъондæттынадон хицауиуæгады органты архайдыл, кæнут эффективон тох организацион фыдракæндты, коррупцийы, нæ бæстæйы национ интерестæ æмæ æдасдзинадæн тасдзинæдты ныхмæ.
Ныфс мæ ис, уæ бæрзонд профессионализм, бæрндзинад æмæ хæсыл æнувыддзинад кæддæриддæр здæхт кæй уыдзысты Райгуырæн бæстæйæн лæггад кæнынмæ Республикæ Хуссар Ирыстоны паддзахиуæгад сфидар кæнын æмæ йæ дарддæры рæзты сæраппонд.
Мæ цæст уын уарзы æнæниздзинад, фæрныгад æмæ куысты æнтыстытæ.
Республикæ Хуссар Ирыстоны Президент БИБЫЛТЫ Анатоли
****
Прокуратурæйы органты цытджын кусджытæ æмæ ветерантæ!
Республикæ Хуссар Ирыстоны Хицауады номæй уын арфæ кæнын уæ профессионалон бæрæгбоны цытæн.
Паддзахадон хицауиуæгады органты сæйраг приоритеттæй сæ иуу æмбæстæгты æдасдзинады фарст. Уымæ гæсгæ Хицауад стыр нысаниуæг дæтты республикæйы Прокуратурæимæ эффективон æмархайдæн, кæцы у фыдракæндты ныхмæ тох кæныны сæйраг цæг.
Уæ компетентондзинад, службæйон хæсыл æнувыддзинад æмæ хисæрмагонд бæрндзинадæй бирæбæрцæй кæнгæ у нæ республикæйы закъондзинад æмæ барвæтк хъахъхъæнын, æмбæстæгты бартæ æмæ сæрибардзинæдтæ ифтонг кæнын, барадхъахъхъæнæн системæмæ се ‘ууæнк.
Сымах кадимæ æххæст кæнут уæ разылæууæг бæрнон хæстæ, уæ архайды æмæ барадæй пайда кæныны практикæйы разамынд кæнут æрмæст закъонæй нæ, фæлæ не ‘мбæстæгты сабырад æмæ фæрныгадæй дæр.
Бузныг уын уæ зын куысты тыххæй.
Мæ цæст уын уарзы фæрныгад, æнæниздзинад æмæ æнтыстытæ Республикæ Хуссар Ирыстоны хæрзиуæгæн.
Республикæ Хуссар Ирыстоны Хицауады Сæрдар Пухаты Эрик
***
Республикæ Хуссар Ирыстоны прокуратурæйы цытджын кусджытæ!
Прокуратурæйы органтæ сты республикæйы барадхъахъхъæнæн системæйы ахсджиаг хай æмæ ифтонг кæнынц закъондæттынад æххæст кæнын, коррупцийы ныхмæ тох кæнын, хъахъхъæнынц паддзахадон интерестæ, æмбæстæгты бартæ æмæ сæрибардзинæдтæ. Прокуратурæйы кусджытæ кæддæриддæр хицæн кодтой профессионализм, бæрндзинад, службæйон хæсыл æнувыддзинадæй. Уыцы миниуджытæ ахъаз кæнынц закъондзинад сфидар кæнын, æмбæстæгты барадон культурæ бæрзонд кæнынæн, уæ зонындзинæдтæ æмæ компетентондзинад та дарддæр дæр ахъаз кæнынц нæ паддзахиуæгад æмæ æмбæстагон æхсæнады институттæ сфидар кæнынæн.
Зынаргъ хæлæрттæ! Мæ цæст уын уарзы фидар æнæниздзинад, амонд, фæрныгад, закъонæн æнувыдæй лæггад кæнын æмæ куысты æнтыстытæ Хуссар Ирыстоны хæрзиуæгæн.
Республикæ Хуссар Ирыстоны Парламенты
Сæрдар Гасситы Петр
Comments are closed, but trackbacks and pingbacks are open.