Республикæ Хуссар Ирыстоны Президент Бибылты Анатоли ауагъта æмбырд ацы аз РХИ-йы социалон-экономикон рæзтæн ахъазгæнæг Инвестпрограммæ реализаци кæныны фæстиуджыты фæдыл. Афтæ ма æркаст иннæ азты Инвестицион программæ реализаци райдайыны фарстатæм. Æмбырды хайад райстой арæнгæрон æмгуыстады фæдыл УФ-йы Президенты управленийы хистæры хæдивæг Денис Травин, РХИ-йы Хицауады Сæрдар Пухаты Эрик, министрадты æмæ ведомствоты къухдариуæггæнджытæ.

Æмбырды райдианы Бибылты Анатоли банысан кодта, Инвестпрограммæ кæй фæуд кæны, æмæ уый ацы азы кæронмæ æххæст кæй æрцæудзæн 100 процентæй.

«Инвестпрограммæ фæуд кæны, æмæ уый ацы азы кæронмæ æххæст æрцæудзæн 100 процентæй. Мах хъæуы æруынаффæ кæнын нæ дарддæры къахдзæфтыл – 2019 азы Инвестпрограммæ реализаци кæнын æмæ 2020-2022 азты Инвестпрограммæ аразыны фарстайыл. Ныфс мæ ис, æппæт фарстатæ дæр скъуыддзаг кæй æрцæудзысты, æмæ мах иу хъуыдымæ кæй æрцæудзыстæм», – загъта республикæйы сæргълæууæг.

Президент бузныджы ныхæстæ загъта Уæрæсейы Федерацийы къухдариуæгадæн, Хуссар Ирыстонмæ ахæм хъусдард кæй дары, уый тыххæй.

Йæхи ‘рдыгæй Денис Травин банысан кодта, ацы аз бирæ арæзт кæй æрцыд Инвестпрограммæ реализаци кæныны фадыджы.

«Радон азы нæ разы ис бирæ плæнттæ – гуырæн хæдзары, Гуыбаты æфсымæрты уынджы бирæуæладзыгон хæдзæртты арæзтад, Цхинвалы æмæ республикæйы æндæр районты хæрзарæзтад, афтæ ма фæндæгты масштабон арæзтад», – загъта уæрæсейаг чиновник.

Уый ма банысан кодта, стыр æнтыст кæй у ацы аз бюджетон фадыджы кусджытæн сæ куыст-мыздтæ кæй фæфылдæр сты, уый.

Денис Травин банысан кодта, республикæйæн уыимæ иумæ йæ къухты кæй æфты йæхи æфтиæгтæ фылдæр кæнын.

«Хи æфтиæгтæ фæфылдæр сты 40 проценты онг, уый у хорз фæстиуæг. Уыимæ иумæ хъæуы химæ æрбаздахын фылдæр инвестицитæ. Мах ныхас кодтам Хицауады Сæрдар Пухаты Эрикимæ инвестицион проекттæ реализаци кæныныл æмæ уынаффæтæ райстæуыд, цæмæй уыцы проекттæ æнтысгæйæ реализаци æрцæуой», – загъта уый.

Comments are closed, but trackbacks and pingbacks are open.