Æнæниздзинады иууыл ахсджиагдæр мадзал у – санитарон нормæтæ хъахъхъæнын. Цы хæлцадон продукттæ хæрæм, уыдон экологийы цæстæнгасæй хъуамæ уой хæрынæн бæзгæ. Бирæ низтæ расайдæуы, базарадон объектты санитарон нормæтæм гæсгæ раст хъахъхъæд цы продукт нæ цæуы, уый бахæрыны фæстæ. Хъыгагæн, хатт æрцæуы æнамонд цаутæ дæр.

Æппæт уыцы цаутæй æхсæнады бахизын æмæ рæстæгыл иуæй-иу æнæзæрдæ базаргæнджыты ных бакъуырыны нысанæн «Югосетпотребнадзор»-ы кусджытæ, нывæзтмæ гæсгæ ауадзынц рейдтæ. Ацы къуыри дæр та Хуссар Ирыстоны столицæйы райдыдтой санитарон нормæтæ æмæ домæнтæ хъахъхъæныны къабазы закъондæдтынад куыд æххæст цæуы, уый фæдыл контролон-хъусдардон мадзæлттæ.

«Югосетпотребнадзор»-ы кусджытæ куыд зæгъынц, афтæмæй басгæрстытæ райдайдзысты базарадон объекттæй, уый фæстæ цадæггай ахиздзысты продукттæ цы дуканиты уæй цæуынц, уырдæм æмæ ма суанг салонтæм дæр. Фæлхасгæнджыты куырдиæттæ æмæ, дам, хъæстытæ сты стыр ахъаз уыцы объекттæ басгарынæн.

Закъонмæ гæсгæ, бæрæг куыд у, афтæмæй, базарадон объекттæ æмæ æндæр æхсæнадон уагдæттæ басгарæн ис æрмæстдæр афæдз иу хатты. Фæлæ искæцы фæлхасгæнæгæй сигнал куы бацæуа «Югосетпотребнадзор»-мæ, уæд уыдон уадид бабæрæг кæнынц хъаст кæуылчындæуы, уыцы хæлцадон дукани. Уымæ гæсгæ ахсджиаг у, цæмæй фæлхасгæнæг зона йæ бартæ æмæ кæдфæнды дæр сæрибарæй бахата æмбæлон органтæм, йæ бартæ дæлдзиныг кæныны цаутыл куы æмбæла, уæд.

Амалиуæггæнæг, кæнæ дуканийы уæйгæнæг куы зона, нормæтæ хъахъхъæныны хъуыддаджы фæтк халыны фæстиуæгæн карз æфхæрд баййафдзæн, уæд бæрнондæр ахаст дардзæн йæ куыст æмæ архайдмæ.

Басгæрсты рæстæджы «Югосетпотребнадзор» тынгдæр цæмæ фæкæсы, уый – продуктты прейскуранттæ, йæ æмгъуыд, хъазтыты чиныг, уæйгæнджыты санитарон книжкæтæ æмæ а.д. Фыццаграды, уыдон хауынц цæттæ къæбицты чи кусы, уыцы æмбæстæгтæм, уымæн æмæ у тæссаг инфекцион низтæ па-рахат кæнынæй. Домæнтæ æххæст куынæ æрцæуынц, уæд «Югосетпотребнадзор»-æн бар ис, æрмæст ивар кæнын нæ, фæлæ ма объект бынтондæр сæхгæнынæн. Стæй, æнæмæнгхъæуæг домæнтæ сæххæст кæныны фæстæ амалиуæггæнæгæн ногæй лæвæрд æрцæуы бар, йæ архайд дарддæр акæны-нæн. Фæтк халыны цаумæ гæсгæ бæлвырд æрцæуы ивары бæрц. Зæгъæм, йе ‘мгъуыд цы продукцийæн ацыд, уый уæй кæныны рæстæ-джы физикон гоймагæн ивары бæрц у 10-20 мин сомы, юридикон гоймагæн та 20 мин сомæй уæлæмæ. Чысыл фæткхæлдтыты цауты рæстæджы та «Югосетпотребнадзор» ратты рекомедацитæ æмæ æнæмæнгæй басгары, уый фæстæ æххæст æрцыд фæдзæхст æви нæ.

Уæдæ афтæ «Югосетпотреб-надзор»-ы кусджытæ сæ афæдзон-хыгъдон рейд райдыдтой горæты цæгат-скæсæйнаг «ТЭК»-ы) цы базарадон объект ис, уырдыгæй.

Мониторингы рæстæджы комитеты кусджытæ раргом кодтой хæлц нормæтæм гæсгæ хъахъхъæд кæй нæ цæуы, разынд сæм, йе ‘мгъуыд цы продукцийæн ацыд, ахæмтæ дæр. Æппæт уыцы фæтк халыны цаутæ хынцгæйæ, специалисттæ сарæзтой уый фæдыл протокол .

Уымæй дарддæр ма ацы базарадон объект сгарыны рæстæджы раргом сты уагæвæрды ахæм фæтк халæн цаутæ, куыд: хæлцадон продукттæм комкоммæ каст хур, кæцыдæртæ дзы æвæрд уыдысты зæх-хыл, базайрæгтыл нæ уыд аргъы тыххæй зонæнтæ. Уый фæдыл комитеты специалисттæ сарæзтой протокол-акт, кæцыйы бындурыл баконд æрцæудзæн административон хъуыддаг æмæ аскъуыддзаг уыдзæн уагæвæрд фехæлды тыххæй ивары бæрц.

«Югосетпотребнадзор»-ы кусæг Бежанты Эльдæ куы зæгъы афтæмæй басгæрстытæ адарддæр уы-дзысты къуырийы дæргъы.

Уазæгты Марфа

Comments are closed, but trackbacks and pingbacks are open.