2021 азы 30 апрелы Республикæ Хуссар Ирыстонмæ æрластой вакцинæ «Спутник v»-ы фыццаг парти. Баластой йæ Республикон бирæпрофилон медицинон центрмæ, цыран ис йе ‘фснайыны æппæт уавæртæ, хъæугæ температурон режим сæххæст кæнынæн уазалгæнæн камерæимæ.
Вакцинаци уагъд цæудзæн Республикон бирæпрофилон медицинон центры операцион-хирургион комплексы, цыран ис йæ ауадзыны æппæт уавæртæ. Цæттæ сты хатæнтæ, цæмæй вакцинаци чи рацыд, уыдон иу сахаты рæстæджы уой дохтыры хъусдарды бын.
Иууыл фыццаг социалон фадыджы кусджытæ кæй араздзысты вакцинаци, уыдоны нымæцы дохтыртæ, уымæ нæ кæсгæйæ, кæй фæнды, уыдонæн сæ бон у бахатой амбулаторон-поликлиникæйон центрмæ, алчи йæ фадыгон терапевтмæ. Бæрæг процедурæты (ПЦР-тест æмæ антителæты уæвындзинады анализтæ) фæстиуджыты бындурыл æмбæстæгтæ æрвыст æрцæудзысты вакцинацимæ.
Вакцинаци райдайдзæн æртæ-фондз бонмæ, улæфтытæм нæ кæсгæйæ. Вакцинацийы темптæм хъус даргæйæ, Æнæниздзинад хъахъхъæнын æмæ социалон рæзты министрад цæттæ у рæстæгыл вакцинæты уæлæмхас парти райсынмæ.
Зæрдыл дарын кæнæм, вакцинаци кæй у барвæндон æмæ æнæаргъ республикæйы цæрджытæн.
Информацийæн:
Банысан кæнын хъæуы, апрелы мæймæ «Спутник V» регистраци кæй æрцыд дунейы 60 бæстæйы, кæцытæн сæ цæрджыты нымæц иумæйагæй у æртæ миллиарды бæрц. Уадзынц æй кæнæ йæ уадзынмæ цæттæ сты 12 бæстæйы. Афтæ ма ис заказтæ æмæ развæлгъау бадзырдтæ вакцинæ «Спутник V»-ы 2,4 миллиард дозæйы тыххæй.
Comments are closed, but trackbacks and pingbacks are open.