Хуссар Ирыстоны Хъахъхъæнынады министрады уадзынц конкурсон фæлварæнтæ, Уæрæсейы Федерацийы Хъахъхъæнынады министрады уæлдæр ахуыргæнæндæтæм ахуыр кæнынмæ ацæуын кæй фæнды, уыцы кандидатты æхсæн. Уый тыххæй фехъусын кодтой РХИ-йы Хъахъхъæнынады министрады.
Министрады кусæджы ныхæстæм гæсгæ, уæлдæр ахуыргæнæндæттæм цы бынæттæ ис, уырдæм æдæппæтæй ацæуын фæнды 50 адæймаджы.
«Ахуырмæ бацæуыны хатыртæй пайдагæнæн ис националон Гарзджын тыхты кус-джыты сывæллæттæн, Хъахъхъæнынады министрады Кадетон скъолайы хъомылгæ-нинæгтæ æмæ æфсæддон службæгæнджытæн», банысан кодтой пресс-службæйы.
Конкурсон æвзæрсты фыццаг этапы уал абитуриенттæ рацыдысты психологион тест.
«Психотестытæ бæлвырд кæнынц адæймаджы агрессивон æмæ конфликтондзинад, абитуриенттæ куыд æмхиц кæнынц ног уавæртæм, бæлвырд цæуынц сæ хисæрмагонд психологион миниуджытæ», – бæлвырдæй загъта пресс-службæйы кусæг.
Абитуриенттæ ма хъуамæ рацæуой æфсæддон-медицинон къамис дæр, радтой физикон цæттæдзинады нормативтæ æмæ уæлдæр ахуыры кæцы фæдыздæхæн æмæ дæсныйад æвзарынц, уымæ гæсгæ та хъуамæ цалдæр ахуырадон дисциплæнæйæ раттой фæлварæн.
«Цæмæй кандидаттæ рæстмæ æвзæрст æрцæуой, уый тыххæй Республикæйы Гарджын тыхты Генералон штабы хистæр, дæлбулкъон Виктор Федоровы сæрдариуæджы бын арæзт æрцыд къамис Республикæйы хъахъхъæнынады миниисрады хайадтæ æмæ службæты хистæрты нымæцæй. Къамис алыварсонæй йæ хъус дары, уæлдæр ахуыргæнæндæттæм кандидаттæ куыд æвзæрст цæуынц, уымæ», – банысан кодтой ведомствойы.
Фæлварæнты фæстæ мандатон къамис конкурсон фæлварæнты фæстæ сбæлвырд кæндзæн æфсæддон уæлдæр ахуыргæнæндæттæм чи ацæудзæн, уыцы абитуриентты. Фæлварæнты фæстæ уыдон рацæудзысты «Æрыгон хæстоны курс» æмæ ратдзысты æфсæддон ардбахæрд.
Уымæй дарддæр ма зæгъдзыстæм уый, æмæ хуссарирыстйонаг рауагъдонтæн уыдзæн Уæрæсейы Федерацийы Хъахъæхънынады министрады ахæм уæлдæр ахыргæнæндæттæм бацæуыны фадат:
-УФ-йы Гарзджын Тыхты иумæйагæфсæддон академийы (Иумæйцагæфсæддон) институт
– Михайловы æфсæддон артиллерион академи (Санк-Петербург)
– Æфсæддон университет (Мæскуы)
– Бастдзинады æфсæддон академи (Санкт-Петербург)
– Æфсæддон дирижерты æфсæддон институт (СанктПетербург)
– Æфсæддон-медицинон академи (Санкт-Петербург)
– Рязаны уæлдæр уæлдæфон-десантон ахуыргæнæндон (Рязань).
Ацы æрмæджытæ дæр бакæс:
Æрвыст æрцæудзысты уæрæсейы уæлдæр ахуыргæнæндæттæм
Фыдыбæстæ хъахъхъæнæджы бон æнгом кæны æппæт фæлтæрты дæр
В. Путин фæндон бахаста УФ Паддзахадон Думæмæ Хуссар Ирыстонимæ æфсæддон сразыдзинад сратификаци кæныны тыххæй
Чи ацæудзæн Уæрæсейы уæлдæр ахуыргæнæндæттæм ахуыр кæнынмæ?
Хъахъхъæнынады министрады хыгъдон æмбырд
Comments are closed, but trackbacks and pingbacks are open.