Республикæ Хуссар Ирыстоны Президент Тыбылты Леонид Цæгат Ирыстон-Аланийы кусæгон балцы уæвгæйæ, ауагъта иу къорд хъуыддагон фембæлды.

Тыбылты Леонид раарфæ кодта РХИ æмæ УФ-йы ‘хсæн социалон-экономикон æмгуыстады фæдыл Æхсæнхицауадон къамисы хайадисджытæн йæ сæргъ Уæрæсейы вице-премьер, Æхсæнхицауадон къамисы æмсæрдар Александр Хлопонин, афтæмæй.

Хуссар Ирыстоны сæргълæууæг банысан кодта, зæгъгæ, абон хатдзæгтæ арæзт цæуы 2016 азæн æмæ план цæуы дарддæры æмархайды стратеги. Президент æвæрццаг аргъ скодта 2016 азы бакæнгæ куыстæн. «Кусдзыстæм программæтыл, кæцытæ нысан сты фидæны — 2017, 2018, 2019 азтæн. Ахæм плæнттæ уæвынад кæнынц, æмæ уый та ууыл дзурæг у, æмæ Хуссар Ирыстон æмæ Уæрæсейы ‘хсæн бадзырдтæ кæй æххæст цæуынц фæстиуæгджынæй.

Абон мæ фæнды банысан кæнын уый, æмæ нæ министрадтæ æмæ ведомствотæ кæй кæнынц эффективон æмгуыстад. Уый махæн æхсызгон у», — загъта Президент.

Йæ рады Александр Хлопонин дæр раарфæ кодта Тыбылты Леонидæн сæ иумиаг куыстæн сын ахæм стыр аргъ кæй скодта, уый тыххæй.

«Бузныг нæ коллегæтимæ нын нæ куыстæн ахæм аргъ кæй скодтай, уый тыххæй. Хатдзæгтæ аразгæйæ, мæн фæнды зæгъын уый, æмæ æцæгæйдæр нæ иумиаг куыстæн кæй ис хорз æмæ эффективон практикæ. Махæн практикон æгъдауæй нæй быцæуаг фарстытæ, кæцыты хъæуы хицæнæй аскъуыддзаг кæнын.

Мах гæнæн ис æмæ фидарæй банысан кæнæм уый дæр, æмæ нын 2016 азы цы хæстæ уыд, уыдон практикон æгъдауæй æххæст кæй æрцыдысты. Ис масштабон объекттæ, мах сæ нымайæм иу азæй иннæмæ чи хизынц, ахæмтыл æмæ уыдон бацæудзысты 2017 азы куыстыты графикмæ. Уæрæсейаг фарс йæхимæ цы æппæт хæслæвæрдтæ райста, уыдон æххæст цæудзысты æххæст гуырахстæй. Ноджы дæр мæ иу хатт фæнды сфæлхатт кæнын уый, æмæ æппæт уыдæттæ саразын нæ къухты кæй бафтыдысты нæ иумиаг командæйы æнгом куысты руаджы», — загъта Александр Хлопонин.

Президент Тыбылты Леонид ныхас кодта РХИ æмæ УФ-йы ‘хсæн Æхсæнхицауа-дон къамисы уæнгтимæ æмæ сын загъта йæ фæндиæгтæ дарддæры æмархайды тыххæй.

Александр Хлопонин раарфæ кодта Тыбылты Леонидæн æмæ къамисы уæнгтæн æрбалæугæ Ног азы цытæн, æмæ банысан кодта, зæгъгæ, ацы Ног аз дæр хъуамæ æрхæсса ахæм æвæрццаг фæстиуджытæ нæ иумиаг куысты.

РХИ-йы Президенты

пресс-службæ

Comments are closed, but trackbacks and pingbacks are open.