Республикæ Хуссар Ирыстоны Æнæниздзинад хъахъхъæныны æмæ социалон рæзты министрад дарддæр дæр матераилон æххуыс кæны, республикæйы æмбæстæгтæй уæззау цардуагон уавæры чи бахаудысты, уыдонæн. Хуссар Ирыстоны Хицауады пресс-службæ куыд хъусын кæны, афтæмæй Æнæниздзинад хъахъхъæныны министрад æрвыл мæй дæр Хицауадмæ бавдисы, паддзахады æххуыс чи æмæ цæйбæрц суммæ райста, уый тыххæй бæрæггæнæнтæ.

«Ацы аз сентябры мæйы адресон æххуыс лæвæрд æрцыд 111 æмбæстагæн, сæ  иумиаг суммæ уыд 1 235 000 сомы, — радзырдта пресс-службæйы минæвар. — Уыдон æхсæн уыдысты фыццаг æмæ дыккаг къорды 6 инвалиды (75 000 сомы), 16 — гуырцæй инвалиды (160 000 сомы), 47 — бирæсывæллонджын бинонтæ (540 000 сомы), 18 — фæмардуæвджыты бинонтæ (180 000 сомы),  10 — æвæрæз бинонтæ (100000 сомы), 10 — сидзæртæ (100 000 сомы),  2 æмбæстаджы та райстой иугæндзон материалон æххуыс се ‘нæниздзинады тыххæй   (40 000 сомы), 2 адæймаджы — ритуалон хæрдзтæн (40 000 сомы)».

РХИ-йы Хицауады

пресс-службæ

Comments are closed, but trackbacks and pingbacks are open.