Республикæйы дарддæр дæр кусы паддзахадон программæйыл æххуысхъуаг æмбæстæгтæн баххуыс кæныны тыххæй.
«Адресон социалон æххуыс бакæныны тыххæй» 2015 азы 9-æм сентябры Хицауад цы уынаффæ райста, уымæ гæсгæ ивгъуыд аз материалон æххуыс райстой 1095 адæймаджы.
РХИ-йы Æнæниздзинад хъахъхъæныны æмæ социалон рæзты министрады нын куыд фехъусын кодтой, уымæ гæсгæ 2016 азы алыгъуызон категориты æххуысхъуаг æмбæстæгтæн лæвæрд æрцыдысты иурæстæгон æхцайы бафыстытæ 11 000 964 сомы.
Сæрмагондæй, гуырдзиаг-ирон конфликты фæстиуæгæн фæмардуæвджыты 75 бинонтæ иумиагæй райстой 775 мин сомы, 474 бирæсывæллонджын бинонтæ (кæцытæн ис 3 æмæ фылдæр сывæллæттæ) – 5 510 000 сомы; 1-аг æмæ 2-аг къордты инвалидтæн хицæн æрцыд 995 мин сомы, 143 æххуысхъуаг бинонтæ райстой 1 378 000 сомы, чысылæй фæстæмæ 132 инвалиды – 1 415 000 сомы; 84 сывæллæттæ-сидзæртæ – 875 000 сомы, кæй фæрынчын сты, уый тыххæй 24 адæймаджы райстой 465 000 сомы, мард бавæрыны тыххæй 78 æмбæстаджы райстой 335 000 сомы, 3 адæймаджы, кæцытыл æнæзакъонæй тæрхон æрцыд Гуырдзыстоны, райстой 60 000 сомы.
Æнæниздзинад хъахъхъæнын æмæ социалон рæзты министрады информацимæ гæсгæ, æххуысхъуаг адæймæгтæн материалон æххуыс бакæныны тыххæй æрвылаз дæр хицæн æрцæуы 12 милуан сомы. Æххуыс кæныны программæ дарддæр кæндзæн ацы аз дæр.
РХИ-йы Хицауады пресс-службæ
Comments are closed, but trackbacks and pingbacks are open.