Хуссар Ирыстон æмæ Гуырдзыстоны арæнмæ æввахс цæрæн пункт Эргнеты уагъд æрцыд Инциденттæ ма æруадзын æмæ сæм хъусдард здахыны фæдыл механизмты фæлгæтты радон рабадт.
Хуссарирыстойнаг делегацийы сæргълæууæг, Постконфликтон фарстатæ бæстонкæнынады фæдыл Президенты æххæстбарджын минæвар Джиоты Мурат фембæлдæн фæстиуджытæ аразгæйæ, банысан кодта, зæгъгæ, гуырдзиаг фарс раразмæ кодта Ленингоры районы гуырдзиаг скъолаты мадæлон æвзаг ахуыр кæнын æрæхгæныны фарст.
«Дзырд æрæхгæныныл нæ цыд, фæлæ Хуссар Ирыстоны Ленингоры районы гуырдзиаг скъолаты Республикæйы ахуырады иумиаг системæмæ ракæныныл. Ацы районы уæвæг 10 скъолайæ æхсæз сты гуырдзиаг. Уыцы æхсæз скъолайы фыццæгæм къласæй ахуыр цæудзæн ирон, гуырдзиаг æмæ уырыссаг æвзæгтыл, уый фæстæ ма сæм бафтаудзысты англисаг æвзаг дæр. Уымæ гæсгæ уыцы скъолаты гуырдзиаг æвзаджы сахаттæ фæкъад-дæр кæныныл æппындæр дзырд нæ цыд. Фæлæ абоны онг ирон æвзагыл ахуыр кæй нæ цыд, уый Республикæ Хуссар Ирыстоны ахуырадон стандарттæн дзуапп нæ лæвæрдта. Уымæ гæсгæ ацы ахуыры азæй гуырдзиаг скъолаты ахуыр уагъд цæудзæн, республикæйы æндæр ахуырадон уагдæтты цы системæ ис, уымæ гæсгæ. Уый фадат ратдзæн сæ ахуыр Хуссар Ирыстоны паддзахадон университет æмæ æндæр ахуырадон уагдæтты адарддæр кæны-нæн. Уымæ гæсгæ дзырд цæуы гуырдзиаг скъолаты бæстæйы иумиагахуы-радон системæмæ ракæныныл», – дзырдта Джиоты Мурат.
Йæ ныхæстæм гæсгæ ма фембæлды дзырд цыд Хуссар Ирыстон æмæ Гуырдзыстоны ‘хсæн паддзахадон арæнты территорийыл æдасдзинады фарстатыл. Æхсызгон нын у, зæгъгæ, ацы фæстаг дыууæ мæйы арæнтыл кæй не ‘рцыд цау, кæцы фæвазыгджын-дæр кодтаид уавæр. Æмæ дзы бынат кæд исты цаутæн уыд, уæд уыдон та практикон æгъдауæй скъуыддзаг цыдысты бынаты.
Механизмты фæлгæтты радон фембæлд уагъд æрцæудзæн ацы аз 3 октябры.
Нæ уацх.
Comments are closed, but trackbacks and pingbacks are open.