Арфæтæ

Джусойты Нафийæн

Нæхи цытджын Нафи,

Зæрдæбын æмæ хъæрмудæй дын арфæ кæнын дæ райгуырæн боны цытæн.

Ирон литературæйы нымад патриарх, диссаджы курдиатджын лæг, Ирыстоны зынгзæрдæ патриот, ды Хуссар Ирыстоны паддзахиуæгад саразынмæ æмæ сфидар кæнынмæ, национ зонадмæ æмæ литературæмæ, аргъ кæнæн кæмæн нæй, ахæм хай бахастай.

Дæ дæргъвæтин цардвæндаг ног фæлтæртæн у ирд цæвиттон, дæхицæн та бæрзонд у дæ кад ирон адæмы ‘хсæн, чи дæ зоны, æппæт уыцы адæмы ‘хсæн.

Фидарæй мæ уырны, дæ хъæздыг фæлтæрддзинад, зынгæ ахуыргонды æнæфæцудгæ авторитет æмæ ныййарæг адæммæ иузæрдион уарзт ноджы бирæ азты кæй лæггад кæндзысты райгуырæн Ирыстонæн.

Дæ райгуырæн боны цытæн дын мæ зæрдæ зæгъы ноджы бирæ азты цæрæнбон, æнæниздзинад æмæ ног æнтыстытæ нæ адæмы хæрзæбонæн.

Республикæ Хуссар Ирыстоны Президент Тыбылты Леонид

 

***

Уæрæсейы Федерацийы, Республикæ Хуссар Ирыстоны æмæ РЦИ-Аланийы адæмон артисткæ, Мариинаг театры æвзонг оперон зарæггæнджыты академийы, РЦИ-Аланийы оперæ æмæ балеты паддзахадон театры аивадон къухдариуæггæнæг Гергиты Ларисæйæн

Цытджын Ларисæ Абысалы чызг,

Æрвитын дæм мæ иууыл хъармдæр арфæтæ дæ райгуырæн боны цытæн. Дæ бирæазон куыст æмæ бæрзонд аивады æгæрон лæггæдты тыххæй дын стыр кад кæнынц дæ коллегæтæ æмæ дæ курдиатæн табугæнджытæ дунейы бирæ бæстæты.

Æхсызгонæй мæ банысан кæнын фæнды уый дæр, æмæ дæ арæхстджын къухдариуæгадæй активонæй реализаци кæй цæуынц бирæ проекттæ, кæцытæн ис стыр культурон нысаниуæг. Дæ архайды уæлдай кад кæнын хъæуы, æвзонг курдиатджын музыканттæн кæй æххуыс кæныс, уый тыххæй.

Республикæ Хуссар Ирыстоны адæмы ‘хсæн дæуæн ис стыр кад æмæ уарзондзинад. Нæ бæстæйы цæрджытæ бузныг сты дæуæй дæ хъарм æмæ лæмбынæг ахасты, Хуссар Ирыстоны æмæ Уæрæсейы ‘хсæн культурон бастдзинæдтæ сфидардæр кæныны дæ нысаниуæгджын хайбавæрды тыххæй.

Уырны мæ, царды хъæздыг фæлтæрддзинад, профессионализм æмæ диссаджы курдиат бирæ азты дæргъы кæй ахъаз кæндзысты дæ æнтыстджын архайдæн, кæцы здæхт у, арæнтæ кæмæн нæй, уыцы аивад бахъахъхъæнын æмæ фæхъæздыгдæр кæнынмæ.

Дæ райгуырæн боны дын мæ зæрдæ зæгъы фидар æнæниздзинад, амонд, царды æппæт хæрзиуджытæ æмæ ног сфæлдыстадон æнтыстытæ.

РХИ-йы Президент ТЫБЫЛТЫ Леонид

 

 

***

Гом акционерон æхсæнад «Бтк-групп»-ы президент Боллоты Таймуразæн

Цытджын Таймураз Хъазбеджы фырт!

Айс мын мæ иууыл хъармдæр арфæтæ дæ райгуырды боны цытæн.

Нысанмæтырнæг æмæ фæндвидар къухдариуæггæнæг, æцæг патриот уæвгæйæ, ды бирæ азты дæргъы кад æмæ намысимæ лæггад кæныс Уæрæсе æмæ ныййарæг Ирыстонæн. Дæ активон царды позици, принципиалондзинад æмæ уарзон куысты хиуыл нæ ауæрдын дæуæн скад кодтой, дæ хæлæртты, дæ коллегæты æмæ дæ чи зонынц, æппæт уыдоны ‘хсæн.

Хуссар Ирыстоны ды, æцæгæйдæр, пайда кæныс стыр авторитетæй республикæйы цæрджыты ‘хсæн, кæцытæ дын стыр бузныг зæгъынц дæ экономикон фæрныгад сæндидзын кæнынмæ æмæ нæ бæстæйы социалон-экономикон рæзтмæ дæ зынгæ бавæрды тыххæй.

Дæ хисæрмагонд хайадисты руаджы, цытджын Таймураз Хъазбеджы фырт, арæзт æрцыдысты фыццаг ахсджиаг къахдзæфтæ нæ республикæйы рог сæудæджерад сæндидзын кæныны хъуыддадджы. Ныфс мæ ис, æввахс рæстæджы уый кæй суыдзæн Хуссар Ирыстоны экономикæйы бюджетаразæг къабæзтæй сæ иу.

Дæ райгуырæн боны дын мæ цæст уарзы фидар æнæниздзинад, амонд, фæрныгад æмæ ног æнтыстытæ дæ профессионалон архайды.

Республикæ Хуссар Ирыстоны Президент Тыбылты Леонид

 

 

***

РХИ-йы Парламенты Сæрдар Бибылты Анатоли раарфæ кодта зынгæ ирон ахуыргонд Джусойты Нафийæн йæ райгуырæн боны цытæн.

Цытджын Нафи Григорийы фырт!

Айс мын мæ иууыл хъармдæр æмæ зæрдæбындæр арфæтæ дæ райгуырæн боны цытæн!  Дæ хъысмæты сиу сты бирæ историон цаутæ æрмæст райгуырæн Ирыстоны нæ, фæлæ раздæры Советон Цæдисы дæр. Ды дæ 1941-1945 азты Стыр Фыдыбæстæйон хæсты активон хайадисæг, Хуссар Ирыстоны Парламенты депутат.

Дæ литературон æмæ зонадон интересты диапазон у егъау. Нæй ахæм жанр, цыран ды нæ загътай дæ уæзгæ ныхас, фæнды прозæ, поэзи кæнæ драматурги уыдаид. Æмæ абон дæр ды активонæй хайад исыс республикæйы æхсæнадон-политикон царды.

Дæ хъаруджын æмæ бæстондзинад, царды æмæ профессионалон хъæздыг фæлтæрддзинад фадат дæттынц Ирыстоны фæрныгадæн иууыл серьезондæр хæстæ скъуыддзаг кæнынæн. Уырны мæ, дарддæр дæр дæ куыст афтæ æнтыстджын кæй уыдзæн, уый.

Мæ зæрдæ дын зæгъы фидар æнæниздзинад, бирæ азты цæрæнбон æмæ царды æппæт хæрзиуджытæ.