Республикæ Хуссар Ирыстоны Президент Бибылты Анатоли раарфæ кодта Республикæ Арцахы Президент Бако Саакянæн Хæххон-Къарабахы Республикæйыл 28 азы сæххæсты цытæн.

Арфæйы телы дзырдæуы:

«Цытджын Президент!

РХИ-йы къухдариуæгад, адæм æмæ сæрмагондæй мæхи номæй арфæ кæнын дæуæн æмæ Республикæ Арцахы æппæт адæмæн нысаниуæгджын бон – Хæххон Къарабахы Республикæйыл 28 азы сæххæсты цытæн.

Ацы бон у Арцахы адæмы иудзинады символ, кæцыйæн бантыст сбæлвырд кæнын сæрибардзинадмæ тырнындзинад æмæ политикон хæдуагæвæрды, национ сæрыстырдзинады æнæбайсгæ бар сфидар кæнын.

Республикæ Арцах зындгонд у йæ хъайтарон историйæ, дæ куырыхон политикæ та фидар кæны уæвæг æнтыстытæ, кæцы фадат дæтты Республикæйæн ног уæлахизтæ къухты бафтын кæнынæн.

Ныфс мæ ис, нæ адæмы ‘хсæн цы æфсымæрон хæлардзинады æмæ кæрæдзийæн кад кæныны ахастытæ сæвзæрд, кæцытæ бындуриуæг кæнынц историон хъысмæты иумæйагдзинадыл, уыдон дарддæр дæр кæй фидар кæндзысты æмæ рæздзысты Хуссар Ирыстоны æмæ Республикæ Арцахы адæмы хæрзиуæгæн.

Республикæ Арцахы адæмæн мæ цæст уарзы сабырад, амонд æмæ фæрныгад, дæуæн та, цытджын Бако Саакы фырт, фидар æнæниздзинад, æвидигæ энерги æмæ ног æнтыстытæ дæ паддзахадон архайды. Фæндвидардзинад æмæ дæм быхсындзинад уæд ахсджиаг фарстытæ скъуыддзаг кæныны хъуыддаджы Республикæ Арцахы хæрзиуæгæн».

***

Республикæ Хуссар Ирыстоны Президент Бибылты Анатоли раарфæ кодта Приднестроваг Молдаваг Республикæйы Президент Вадим Красносельскийæн Приднестроваг Молдаваг Республикæйыл 29 азы сæххæсты цытæн.

Арфæйы телы дзырдæуы:

«Цытджын Вадим Николайы фырт!

РХИ-йы къухдариуæгад, йæ адæм æмæ сæрмагондæй мæхи номæй дæуæн æмæ Приднестровьейы æфсымæрон адæмæн арфæ кæнын нысаниуæгджын бон – Приднестроваг Молдаваг Республикæйы сырæзтыл 29 азы сæххæсты цытæн.

1990 азы 2 сентябрь ссис Приднестровьейы патриотизмы æмæ национ иудзинады, сæрибар, хæдбар, демократон паддзахад аразынмæ тырнындзинады символ. Приднестроваг Молдаваг Республикæ бахъахъхъæдта йæ уæвынады бар æмæ æппæт дунейæн фидарæй равдыста, раст историон къахдзæф кæй сарæзта, уый.

Приднестроваг Молдаваг Республикæйы æндидзæн фæндаг хуымæтæг нæ уыд. Фæлæ ахсджиаг у, уыцы азты уый кæй хъахъхъæдта æмæ дывæр кодта йæ хуыздæр традицитæ. Зын фæлварæнты рæстæджы хъæбатыр æмæ сæрибаруарзаг приднестроваг адæм кадимæ тох кодтой сæ сæрибардзинад æмæ хæдбардзинадыл. Абон Приднестровье нысан кæны нысаниуæгджын бон æххæст паддзахадæй. Бæстæйы къухдариуæгады фæрцы царды æххæст цæуынц адæймаджы хæрзиуæгон идеалтæ æмæ социалон растдзинад, фидар цæуынц демократон институттæ, рæзы æмбæстагон æхсæнад.

Дызæрдыггаг нæу, историон æгъдауæй нæ адæмты ‘хсæн цы хъарм ахастытæ сæвзæрд, кæцытæ бындуриуæг кæнынц хæлардзинады, кæрæдзийæн кад кæныны æмæ кæрæдзиæмбарынады традицитыл, дарддæр дæр фидар кæндзысты æмæ рæздзысты Хуссар Ирыстоны æмæ Приднестроваг Молдаваг Республикæйы адæмты хæрзиуæгæн.

Приднестровьейы адæмæн мæ цæст уарзы сабырад, фæрныгад, дидинæфтыд, дæуæн та, цытджын Вадим Николайы фырт, æнæниздзинад æмæ ног æнтыстытæ Фыдыбæстæйæн лæггад кæныны хъуыддаджы».

АРФÆ – АХУЫРДЗАУТÆН

Зынаргъ сывæллæттæ, скъоладзаутæ æмæ студенттæ! Цытджын ахуыргæнджытæ æмæ ныййарджытæ!

Айсут иууыл зæрдиагдæр арфæтæ Зонындзинæдты бон æмæ ног ахуыры азы райдианы боны цытæн.

Уый у нæ сывæллæтты ног этап, кæцы хæссы циндзинады æнкъарæнтæ æмæ æнустæм баззайдзæн алы адæймаджы зæрдæйы дæр. Хорз ахуырад абоны бон у æнтыстджын карьерæйы бындур æмæ хиреализаци кæныны ахсджиаг уавæр.

Ацы нысаниуæгджын боны мæ уæлдай хъармдзинады æнкъа-рæнтимæ фæнды раарфæ кæнын, йæ фыццаг къахдзæф чи сараздзæн ахуырадон уагдонмæ, уыдонæн æмæ сын мæ цæст уарзы ног цымыдисон зонындзинæдтæ, ног бæрзæндтыл фæуæлахиз уæвын, уæлдай бузныджы ныхæстæ мæ фæнды зæгъын ахуыргæнджытæн сæ куыст, хъуыддагмæ æнувыддзинад, сывæллæттæм хъусын æмæ сын æххуыс кæныны арæхстдзинады тыххæй. Уый у зын куыст, кæцыйæн хъæуы кад кæнын.

Мæ цæст уарзы æппæт ахуырдзаутæн æмæ ахуыргæнджытæн æнтыстытæ, æвидигæ энерги, фидар æнæниздзинад.

Республикæ Хуссар Ирыстоны Парламенты Сæрдар Тадтаты Алан

Comments are closed, but trackbacks and pingbacks are open.