Арфæтæ

Уæрæсейы ‘рдыгæй Республикæ Хуссар Ирыстоны хæдбардзинад банымайыл 14 азы сæххæсты цытæн президент Гаглойты Аланæн раарфæ кодтой: Луганскы Адæмон Республикæйы сæргълæууæг Леонид Пасечник, Республикæ Цæгат Ирыстон-Аланийы парламенты сæрдар Алексей Мачнев, Хъæрæсе-Черкесы Республикæйы сæргълæууæг Рашид Темрезов, Республикæ Хъырымы сæргълæууæг Сергей Аксенов, Приднестроваг Молдаваг Республикæйы президент Вадим Красносельский, Республикæ Абхазы президент Аслан Бжания, Уæрæсейы Æдасдзинады федералон службæйы арæнгæрон управленийы хистæр Владимир Щемелинин, Республикæ Адыгеяйы сæргълæууæг Мурат Кумпилов, Æппæтдунеон æхсæнадон змæлд «Иры Стыр Ныхас»-ы Координацион советы сæрдары хæстæ æххæстгæнæг Еналдыты Хъазбег, Уæрæсейы Федерацийы дардскæсæн федералон округы Республикæ Хуссар Ирыстоны кадджын консул  Деметы Ясон, акционерон æхсæнад «БТК-групп»-ы хъусдарæн советы сæрдар Боллоты Таймураз.

***

Президент Гаглойты Алан раарфæ кодта Республикæ Абхазы президент Аслан Бжанияйæн Уæрæсейы Федерацийы ‘рдыгæй Республикæ Абхазы хæдбардзинад банымайыны боны цытæн.

Арфæйы телы дзырдæуы:

«Цытджын Аслан Георгийы фырт!

Республикæ Хуссар Ирыстоны адæм æмæ сæрмагондæй мæхи номæй арфæ кæнын дæуæн æмæ Республикæ Абхазы æппæт адæмæн Уæрæсейы ‘рдыгæй Республикæ Абхазы хæдбардзинад банымайыныл 14 азы сæххæсты цытæн.

Республикæ Абхазы алы æмбæстаг дæр рацыд зын фæндаг сæрибардзинад æмæ хæдбардзинады  сæрыл тохы. 2008 азы 26 августы рæстдзинад фæуæлахиз ис, Уæрæсейы Федерацийы къухдариуæгады историон уынаффæ Республикæ Абхазы хæдбардзинад банымайыны тыххæй ссис республикæйы паддзахдзинад сфидар кæныны ног этапы райдиан.

Ацы нысаниуæгджын бæрæгбоны, Аслан Георгийы фырт, мæ цæст уарзы дæуæн æмæ Республикæ Абхазы хæларуарзаг адæмæн сабыр арвы бын царды фæндиæгтæ, хорздзинад æмæ фæрныгад».

 

Арфæ –  Тæрхондоны приставты службæйы кусджытæн

Тæрхондоны приставты службæйы цытджын кусджытæ!

Республикæ Хуссар Ирыстоны Парламент æмæ уын сæрмагондæй мæхи номæй арфæ кæнын профессионалон бæрæгбон – Тæрхондоны приставты боны цытæн.

Тæрхондоны приставты службæйы сæйраг хæс у тæрхондоны уынаффæтæ æххæст кæнын. Службæйон хæстæм цæсгомджын ахаст  дарын бирæбæрцæй ахъаз кæнынц тæрхондоны системæйы эффективондзинад æмæ рæстдзинады авторитетæн, фидар цæуы æхсæнады барвæтк æмæ закъоныл æууæнкдзинад, кæцы бæрзонд кæны адæмы æууæнкдзинад хицауадмæ.

Профессионализм, бæрндзинад, службæйон хæсыл æнувыддзинад  сты уæ куысты сæйраг принциптæ, уæ разылæууæг хæстæ æнтыстджынæй скъуыддзаг кæныны бындур.

Ацы нысаниуæгджын бæрæгбоны уын мæ цæст уарзы æнæниздзинад, фæрныгад, æнтыстытæ æмæ цæсгомджын куыст нæ республикæйы хæрзиуæгæн.

Республикæ Хуссар Ирыстоны Парламенты Cæрдар ТАДТАТЫ Алан