Арфæтæ

Хъахъхъæныны паддзахадон службæйы сырæзты боны сæраппонд

Зынаргъ хæлæрттæ!

Айсут мын мæ зæрдæбын арфæтæ Хуссар Ирыстоны Хъахъхъæныны паддзахадон службæйы сырæзтыл 15 азы сæххæсты сæраппонд.

Йæ уæвынады 15 азы дæргъы службæ аккаг бынат бацахста нæ республикæйы æдасдзинады органты системæйы. Абон Хъахъхъæныны паддзахадон службæ у æнгом коллектив, кæцыйæн йæ бон у профессионалон æмæ оперативонæй скъуыддзаг кæна,  цы хæстæ йыл æвæрд ис, нæ республикæйы æдасдзинадæн тасдзинæдтæ æргом кæнын, фæдзæхсын æмæ ма æруадзын, хъахъхъæдцæуæг адæймæгты æмæ паддзахадон хъахъхъæныны объектты фæдыл.

Ныфс мæ ис сымах дарддæр дæр кæй æвдисдзыстут стыр бæрндзинад æмæ уæ хъарутыл кæй нæ ауæрддзыстут, æдзух уæ профессионалон цайдагъдзинæдтæ хуыздæр кæныныл кусгæйæ æмæ уый та фидар бындур уыдзæн райгуырæн бæстæйы хæрзиуæгæн уæ дарддæры эффективон архайдæн.

Зынаргъ хæлæрттæ! Ацы зæрдылдарæн бон сымахæн мæ цæст уарзы уæ сæрмæ сабырад, æнæниздзинад æмæ æнтыстытæ уæ куысты. Хæрзиуæг æмæ фæрныгад уæт уæхи æмæ уæ бинонты.

Республикæ Хуссар Ирыстоны Президент ТЫБЫЛТЫ Леонид

 

 

Паддзахадон æдасдзинады органты цытджын кусджытæ æмæ ветерантæн

Зынаргъ хæлæрттæ!

Зæрдæбынæй арфæ кæнын сымахæн уæ профессионалон бæрæгбон Республикæ Хуссар Ирыстоны Паддзахадон æдасдзинады органты кусæджы боны сæраппонд.

РХИ-йы Паддзахадон æдасдзинады органтæ æххæст кæнынц ахсджиаг функцитæ нæ республикæйы паддзахадон интерестæ æмæ территориалон æнæхъæндзинад хъахъхъæныны, социалон æмæ политикон стабилондзинады, бæстæйы алы æмбæстаджы æдасдзинад ифтонг кæныны фæдыл.

Нæ адæмæн иууыл уæззаудæр азты республикæйы Паддзахадон æдасдзинады органты кусджытæ иуварс нæ лæууыдысты сæ Фыдыбæстæйы хъысмæтæй, фыццæгты рæнхъыты слæууыдысты йæ хъахъхъæнджытимæ, стыр æхсардзинад, патриотизм æмæ фидардзинад равдисгæйæ. Адæмы мысынады цæрæнбонтæм цæрдзысты, нæ зæххыл сабырад чи хъахъ-хъæдта, Райгуырæн бæстæйы сæрибардзинад æмæ хæдбардзинады сæрыл сæ цард чи радтой, уыцы хъайтарты нæмттæ.

Ацы зæрдылдарæн бон ма афтæ арфæ кæнын Уæрæсейы Æдасдзинады федералон службæйы Арæнгæрон управленийы къухдариуæгад æмæ рæнхъон скондæн, кæцы дислокацигонд у нæ республикæйы территорийыл æмæ Хуссар Ирыстоны Паддзахадон æдасдзинады комитеты Арæнгæрон службæимæ, саргъгæнæн кæмæн нæй, ахæм бавæрд хæссынц нæ зæххыл сабырад æмæ стабилондзинад бахъахъхъæныны хъуыддагмæ.

Зынаргъ хæлæрттæ! Ныфс мæ ис уæ профессионализм, уæ хæсыл æнувыддзи-над, патриотизм дарддæр дæр кæй уыдзысты æнувыд æххуысгæнджытæ уæ бæрнон профессионалон архайды.

Мæ цæст уарзы Республикæ Хуссар Ирыстоны Паддзахадолн æдасдзинады ор-ганты кусджытæ æмæ ветерантæн фидар æнæниздзинад, æнтыстытæ сæ куысты нæ Райгуырæн бæстæйы хæрзиуæгæн.

Республикæ Хуссар Ирыстоны Президент ТЫБЫЛТЫ Леонид