Арфæтæ – Аразæджы боны цытæн

Цытджын аразджытæ, ацы фадыджы ветерантæ!

Айсут мæ зæрдиаг арфæтæ уæ профессионалон бæрæгбон  – Аразæджы боны цытæн!

Уæ фæрнджын, цардаразæн архайды фæрцы нæ алыварс дуне кæны хуыздæр, адæймагæн та – хæрзвадатдæр.

Хуссар Ирыстоны фæстаг азты цæуынц стыр арæзтадон куыстытæ, рæзы æнæниздзинад хъахъхъæныны, ахуырады, культурæйы, фæндагон æмæ инженерон хызæгты инфраструктурæ, арæзт цæуынц цæрæн хæдзæрттæ. Уæ диссаджы дæсныйады минæвæртты фæрцы нæ республикæ чысылгай исы нырыккон бæстæйы хуыз, цыран цæрын, кусын æмæ ахуыр кæнын у æхцон.

Æппæт ацы æнтыстытæ дзурæг сты, уæ профессионалон цæттæдзинады бæрзонд æмвæзадыл æмæ арæзтадон къабазæн стыр хъомыс кæй ис, ууыл.

Зынаргъ æмбæлттæ! Уадз æмæ уæ куыст циндзинад хæссæт не ‘мзæххонты бирæ фæлтæртæн, аккаг азфыстæй бацæуæт нæ Республикæйы историмæ!

Зæрдиагæй уын зæгъын ног æнтыстыты фæндиæгтæ! Æнæниздзинад, хæрзиуджытæ, æнтыстытæй хайджын ут, сымах  уæ хиуæттимæ!

Республикæ Хуссар Ирыстоны Хицауады Сæрдар Пухаты Эрик

________________

Арæзтадон къабазы цытджын кусджытæ æмæ ветерантæ!

Зынаргъ æмбæлттæ!

Зæрдиаг арфæтæ уын кæнын уæ профессионалон бæрæгбон – Арæзтады кусæджы боны цытæн.

Бирæ æнусты дæргъы арæзт цыдысты бирæ архитектурон бæстыхæйттæ æмæ арæзтæдтæ. Уыдон æхсæн уыдысты арæзтадон аивады шедевртæ. Растдæр, архитекторы æппæты ныфсджындæр бæрзонд хъуыдыйы чи райгуыры, уыдон цардмæ рахæссынмæ аразджыты арæхсты фæрцы махæн ис ивгъуыд æмæ ныры дуджы дæсны кусджыты аивадæй æхцондзинад исыны фадат.

Хуссар Ирыстоны фæллой кæнынц арæзтадон къабазы бæрзондквалификациджын æмæ хуымæтæджы кусджытæ. Хуымæтæджы кусджытæн  дæр се ‘нæрынцой фæллойæн къаддæр аргъ нæй нæ цæсты. Аивгъуыйгæ азты дæргъы арæзт æмæ æндидзыд æрцыдысты социалон инфраструктурæйы бирæ объекттæ. Арæзт æрцыдысты æмæ цæуынц медицинон æмæ ахуырадон уагдæтты бæстыхæйттæ, культурон æмæ спортивон нысаниуæджы объекттæ, рæзынц цæрæн корпустæ. Уæ куысты фæрцы хуыздæр кæнынц нæ Республикæйы æмбæс-тæгты  царды уавæртæ.

Зæрдæбынæй уын зæгъын, зынаргъ æм-бæлттæ, æнæниздзинад, æвидигæ хъарутæ, амонд, фарн æмæ дидинæфтыды фæндиæгтæ.

Республикæ Хуссар Ирыстоны Парламенты Сæрдар  Гасситы Петр