Арфæтæ -Стыр уæлахизы боны цытæн

Уæрæсейы Федерацийы Президент Владимир Путины арфæ Бибылты Анатолийæн

 

Зæрдæбынæй арфæ кæнын дæуæн æмæ Хуссар Ирыстоны æппæт адæмæн Стыр Фыдыбæстæйон хæсты Уæлахизы 72 азы сæраппонд.

Ацы зæрдылдарæн бон мах уæлдай кад кæнæм хæсты хайадисæг хæстонты хъайтардзинадæн – Райгуырæн бæстæ æмæ æппæт адæймагады фашизмæй чи фервæзын кодтой, хæсты уыцы хайадисæг хæстонты хъайтардзинадæн, фæсчъылдымы фæллойгæнджыты æхсардзинад æмæ удуæлдайдзинадæн.

Ӕхсызгонæй нысан кæнын, нæ фыдтæ æмæ нын уыдоны фыдтæ кæй ныууагътой, уыцы хæлардзинады æмæ кæрæдзийы фарсмæ лæууыны традицитæ абон фидар бындур кæй сты Уæрæсе æмæ Хуссар Ирыстоны ‘хсæн интеграцион ахастытæ æмæ æмцæдисон бастдзинадты рæзтæн.

Курæг дæ дæн, цæмæй мæ иууыл зæрдæбындæр арфæтæ радтой уæ бæстæйы цæрæг æппæт ветерантæн. Мæ цæст сын уарзы фидар æнæниздзинад, бирæ азты цæрæнбон æмæ фæрныгад.

***

Стыр Фыдыбæстæйон хæсты цытджын ветерантæ, фæсчъылдымы фæллойгæнджытæ, зынаргъ æмбæстæгтæ!

Хицауады æмæ мæхи номæй зæрдæбынæй арфæ кæнын сымахæн Уæлахизы боны цытæн!

72 азы размæ Сырх Ӕфсады салдаттæ æгас дунейæн балæвар кодтой сæ сæрмæ сабыр арв. Ӕмæ цасфæнды азтæ ма рацæуой уыцы рæстæгæй, уæддæр 1945 азы 9 май баззайдзæнис нæ бæстæйы, æфсымæрон Уæрæсейы æмæ фашизмы ныхмæ тохы чи æрбангом сты, æппæт уыцы адæмты историйы иууыл зæрдылдæр-дарæн бонтæй сæ иуæй.

Ацы бæрæгбон иттæг æнгом иу кæны æрмæст ветеранты нæ, кæцытæ æнæдызæрдыгæй æууæндыдысты Уæлахизыл æмæ йæ тохы быдырты уæхски-уæхск æввахсдæр кодтой, фæлæ хæсты фæстæ чи райгуырдысты, сабыр уавæрты цæрыны, кусыны æмæ сывæллæттæ хъомыл кæныны фадат кæмæн ис, уыдон дæр.

Ӕрвылаз дæр 9 майы бæрæгбон нысан кæнгæйæ, мах уынæм æмæ æнкъарæм фæлтæрты уыцы бастдзинад, æнкъарæм сæрыстырдзинад Стыр Фыдыбæстæйон хæсты ветеранты, нæ адæмы æмæ йæ историйы тыххæй.

Мах кæддæриддæр хъуыды кæндзыстæм, фашизмы чи ныппырх кодта, уыцы хъайтарты æмæ фидардæр кæндзыстæм, ахæм зынаргъ аргъæй нæ къухты чи бафтыд, уыцы сабырад!

Зынаргъ хæлæрттæ!

Бар мын радтут æмæ уын ноджыдæр раарфæ кæнон Стыр Уæлахизы боны цытæн. Мæ цæст уын уарзы æнæниздзинад, фæрныгад, сабырад, хæрзиуæг æмæ амонд!

Республикæ Хуссар Ирыстоны Хицауады Сæрдары хæстæ æххæстгæнæг Хъуылымбегты Доменти

 

***

Цытджын æмбæстæгтæ!

Зынаргъ ветерантæ!

Республикæ Хуссар Ирыстоны Парламенты æмæ сæрмагондæй мæхи номæй зæрдæбын арфæ кæнын сымахæн æппæтадæмон бæрæг-бон – Стыр Уæлахизы боны цытæн!

Ацы бæрæгбон у адæмты тых æмæ иудзинады символ, кæцытæ æрбангом сты иу тымбыл къухау тæссаг знаг – немыцаг фашизмæн ныхкъуырд радтыны тыххæй. Мах дис кæнæм советон адæмы дзыллон сгуыхтдзинадыл – лæгдзинад, фидардзинад æмæ хъайтардзинадыл, кæцытæ æвдыст æрцыдысты хæсты фронтты карз тохты, знаджы фæсчъылдымы, Райгуырæн бæстæйы æмæ бирæ рæстæджы цы Уæлахизмæ æнхъæлмæ кастыстæм, уый сæраппонд хъайтарон удуæлдай фæллойы.

Зынаргъ ветерантæ! Абон мах сымахæй алкæмæндæр кад кæнæм. Стыр бузныг уын, нæ сæртæй уын ныллæг кувæм, сабыр арвы бын кæй цæрæм æмæ ацы карз æмæ тугкалæн хæстæн кæй бафæрæзтат, уый тыххæй. Æнусон мысынад æппæт уыдонæн, кæцыты раз мах хæсджын стæм нæ сæрибардзинад æмæ амондджын цардæй. Номхуындæй, сымах стут цæвиттон Райгуырæн бæстæйæ хъахъхъæн-джыты æвзонг фæлтæрæн.

Зынаргъ æмбæстæгтæ! Зынаргъ ветерантæ! Зæрдæбынæй уын нæ зæрдæ зæгъы фидар æнæниздзинад, ноджы бирæ азты цæрæнбон, амонд сымахæн æмæ уæ бинонтæн.

Цытимæ,

РХИ-йы Парламенты Сæрдары хæстæ  æххæстгæнæг МАМИТЫ Инал

 

УÆРÆÆСЕЙЫ ФЕДЕРАЦИЙЫ ХИЦАУАДЫ СÆРДАР ДМИТРИ МЕДВЕДЕВМÆ

«Цытджын Дмитри Анатолийы фырт!

Бар мын радт æмæ дын зæрдæбынæй раарфæ кæнон нæ бæстæты адæмтæн иууыл зынаргъдæр бæрæгбонтæй сæ иу – Стыр Уæлахизы боны сæраппонд.

Æвдай дыууæ азы мах хицæн кæнынц уыцы иууыл рухсдæр æмæ æнæферохкæнинаг майы бонæй, кæцы æппынфæстагмæ, адæмтæн æрхаста сабырад æмæ фæрныгад. Фæлæ азæй-азмæ ацы цауы историон нысаниуæг кæны уæзгæйæ уæзгæдæр.

Стыр Фыдыбæстæйон хæсты салдатты æнæфæтасгæ æхсардзинад æмæ фæсчъылдымы фæллойгæнджыты удуæлдай архайд махæн кæддæриддæр уыдзысты Райгуырæн бæстæмæ æцæг уарзты, фидæны фæлтæрты тыххæй бæрндзинады цæвиттон.

Ацы зæрдылдарæн бон дын мæ цæст уарзы фидар æнæниздзинад, сабырад æмæ фæр-ныгад!».

Республикæ Хуссар Ирыстоны Хицауады Сæрдары хæстæ æххæстгæнæг

Хъуылымбегты Доменти

 

***

Цытджын Анатоли Ильяйы фырт!

Республикæ Арцахы адæмы æмæ сæрмагондæй мæхи номæй зæрдæбын арфæ кæнын дæуæн æмæ Республикæ Хуссар Ирыстон-Паддзахад Аланийы æппæт æфсымæрон адæмæн Стыр фыдыбæстæйон хæсты Уæлахизы 72 азы сæраппонд!

1945 азы нæ дадæтæ æмæ фыдтæ бахъахъхъæдтой адæймагады мæлæтæй, бирæ азтæм фидар сабырдзинады сифтонг кæнгæйæ.

Уæлахизы хъуыддагмæ аккаг хайбавæрд бахастой Хуссар Ирыстоны фырттæ æмæ чызджытæ, хъайтарæй фронтты тох кæнгæйæ, фæразонæй хæсты азты æппæт уæззаудзинæдтæн бафæразгæйæ.

Ноджы дæр дын арфæ кæнын, цытджын Анатоли Ильяйы фырт Стыр Уæлахизы боны цытæн!

Мæ зæрдæ зæгъы дæуæн æмæ æфсымæрон Хуссар Ирыстон-Паддзахад Аланийы æмбæстæгтæн сабырдзинад, амонд æмæ дидинæфтыд!

Цытимæ,

Хæххон Къарабахы Сæргълæууæг Бако СААКЯН

 

***

«Цытджын Анатоли Ильяйы фырт!

Арфæ дын кæнын Уæлахизы боны цытæн. Нæй æндæр ахæм бон, мах афтæ ирдæй нæхи иугонд адæмæй куы банкъарæм.

Уæлахизы бон у ахæм бæрæгбон, кæцы иуварс никæйы ныууадзы. Стыр Фыдыбæстæйон хæст бацыд советон бинонтæй алкæйы историмæ дæр. Уый у нæ иумиаг рис æмæ Стыр Уæлахиз, цæссыгимæ нæ иумиаг цин.

Бæрæгбоны хорзæх дæ уæд! Мæ зæрдæ дын зæгъы сабырдзинад, амонд æмæ царды æппæт хæрзиуджытæ».

 

Приднестроваг-Молдоваг Республикæйы Президент

Вадим Красносельский