Арфæтæ Стыр Уæлахизы боны цытæн

РХИ-йы Президент Бибылты Анатоли раарфæ кодта УФ-йы Президент Владимир Путинæн Стыр Уæлахизы боны цытæн.

Арфæйы телы дзырдæуы:

«Цытджын Владимир Владимиры фырт!

Республикæ Хуссар Ирыстоны къухдариуæгад, йæ адæм æмæ сæрмагондæй мæхи номæй арфæ кæнын Стыр Фыдыбæстæйон хæсты советон адæмы Уæлахизы боны цытæн.

Ацы бæрæгбон у бирæнацион советон адæмы æхсардзинад æмæ хъайтардзинады символ, кæцы æвдыст æрцыд адæймагады историйы иууыл æгъатырдæр æмæ тугкалæндæр хæсты фронтты. Фыдыбæстæ хъахъхъæнджыты рухс нæмттæ, кæцытæ хæсты быдыры æмæ фæсчъылдымы равдыстой хъайтардзинад æмæ æхсардзинад, æнустæм баззайдзысты нæ зæрдæты.

Ныфс мæ ис, дарддæр дæр Хуссар Ирыстон æмæ Уæрæсейы ‘хсæн хæлардзинад, хæларсыхагон æмæ стратегион партнердзинады ахастытæ кæй фидардæр кæндзысты нæ адæмты хæрзиуæгæн.

Ацы нысаниуæгджын боны, цытджын Владимир Владимиры фырт, дæуæн, Уæрæсейы æппæт ветерантæн, æмæ æфсымæрон адæмæн, мæ цæст уарзы фидар æнæниздзинад, сабыр арвы бын царды фæндиæгтæ, амонд æмæ фæрныгад».

***

Стыр Уæлахизы боны цытæн ма РХИ-йы Президент Бибылты Анатоли раарфæ кодта УФ-йы Хицауады Сæрдар Дмитри Медведев, УФ-йы Федерацийы Советы Сæрдар Валентина Матвиенко, Мæскуыйаг æмæ æппæт Уæрæсейаг Патриарх Кирилл, УФ-йы Фæсарæйнаг хъуыддæгты министр Сергей Лавров, УФ-йы Хъахъхъæнынады министр Сергей Шойгу, Республикæ Абхазы Президент Рауль Хаджимба, Приднестроваг Молдоваг Республикæйы Президент Вадим Красносельский, Республикæ Арцахы Президент Бако Саакян, Луганскы Адæмон Республи-кæйы Сæргълæууæг Леонид Пасечник, Донецкы Адæмон Республикæйы Сæргълæууæг Денис Пушилинæн.

Стыр Уæлахизы боны цытæн РХИ-йы Президент Бибылты Анатолийæн та раарфæ кодтой УФ-йы Президенты æххуысгæнæг Владислав Сурков, Арæнгæрон æмгуыстады фæдыл УФ-йы Президенты Управленийы хистæр Алексей Филатов,  Республикæ Абхазы Президент Рауль Хаджимба, Луганскы Адæмон Республикæйы Сæргълæууæг Леонид Пасечник, Приднестроваг Молдоваг Республикæйы Президент Вадим Красносельский.

***

Стыр Фыдыбæстæйон хæсты цытджын ветерантæ æмæ фæсчъылдымы фæл-лойгæнджытæ! Зынаргъ æмбæстæгтæ!

Зæрдиаг арфæ уын кæнын Уæлахизы боны цытæн!

9-æм май у алкæмæндæр ирд бæрæгбон, кæцы ссис Фыдыбæстæ хъахъхъæнджыты, советон салдатты кады символ, кæцытæ сæ хъайтардзинад æмæ æхсардзинадæй æрхастой Стыр Уæлахиз. Цасфæнды фæлтæртæ ма раивой, уæддæр уыдоны рухс нæмттæ нæ зæрдæтты баззайдзысты æнустæм.

Фæмардуæвджыты æмæ сæ цардæй чи ахицæн сты, уыцы фронтовикты рухс нæмттæ мысгæйæ, мах кад кæнæм сæрæгас чи сты, уыцы ветерантæн æмæ сын нæ сæрæй ныллæг кувæм Стыр Уæлахимæ се стыр хайбавæрд кæй бахастой, уый тыххæй.

Нæ зынаргъ ветерантæ! Мах уæ разы стæм хæсджын.

Уæ хъайтардзинад ссис Райгуырæн зæхмæ стыр, æгæрон уарзты цæвиттон. Стыр аргъæй цы Уæлахиз рамбылдтат, уый абоны бон дæр мах разæнгард кæны ног æнтыстытæм, фидар нын кæны нæ удыхъæд, æххуыс нын кæны зиндзинæдты ныхмæ фæлæууын æмæ размæ цæуыны Фыдыбæстæйы фæрнагадæн.

Республикæ Хуссар Ирыстоны Хицауады Сæрдар Пухаты Эрик

***

Стыр Фыдыбæстæйон хæсты цытджын ветерантæ æмæ фæсчъылдымы фæл-лойгæнджытæ! Зынаргъ æмбæстæгтæ!

Республикæ Хуссар Ирыстоны Парлменты æмæ уын сæрмагондæй мæхи номæй арфæ кæнын Уæлахизы боны цытæн!

Уæлахизы бонæй цасфæнды рæстæг ма рацæуа, мах алыхатт дæр нæ зæрдыл дардзыстæм хæстонтæ-сæрибаргæнджыты хъайтардзинад æмæ æхсардзинад, кæцы æвдыстой хæсты быдыры, фæсчъылдымы фæллойгæнджыты фæразондзинад æмæ уæззау куыст. Мах, хæсты ветеранты байзæддæгтæ, алыхат дæр сæрыстыр уыдзыстæм ацы бæрæгбонæй, кæцыйы мидæг ис адæмы стыр сгуыхтдзинад, кæцы сæ трагикон рæстæджыты кæрæдзийы фарсмæ æрбалæууын æмæ сæ Райгуырæн бæстæйы бахъахъхъæдтой, нæ зæрдыл дардзыстæм, фронтæй чи не ‘рыздæхт, сæ Райгуырæн бæстæйы сæвæлтау, йæ сæрибардзинад æмæ рухс фи-дæны тыххæй йæ цард чи снывонд кодтой, уыдоны рухс нæмттæ.

Хуссар Ирыстоны æвзонг фæлтæр, уыцы хъайтарон азты хъайтарты фæдонтæ, равдыстой æнæхъæн дунейæн, уыдон кæй сты сæ дадаты цæвиттоны аккаг, 1990-2000 азты сæ Райгуырæн зæххы хæдбардзинад æмæ паддзахиуæгад куы ба-хъахъхъæдтой гуырдзиаг неофашизмы тохы.

Зынаргъ ветерантæ! Мæ цæст уын уарзы æнæниздзинад æмæ уæнгрогдзинад бирæ азты дæргъы, амонд æмæ фæрныгад, хайджын ут уæ бинонты æмæ уе ‘ввахс хиуæтты уарзондзинад æмæ хъусдардæй.

Республикæ Хуссар Ирыстоны Парламенты Сæрдар Гасситы Петр

Цытджын ветерантæ!

Республикæ Хуссар Ирыстоны Ветеранты совет уын зæрдиагæй арфæ кæны Стыр Фыдыбæстæйон хæсты советон адæмы Уæлахизыл 74 азы сæххæсты сæраппонд. Æппæт ветерантæн дæр нæ зæрдæ зæгъы  æнæниздзинад, бирæ хъæлдзæгдзинæдтæ æмæ царды хæрзиуджытæ.

Уæлахиз, хъæбатырдзинад æмæ фæллойадон сгуыхтдзинæдты тыххæй уын стыр бузныг.

Республикæ Хуссар Ирыстоны Ветеранты совет