Августы зæрдылдарæн бонтæ

3 август. 95 азы размæ (1924-1991) Гуырдзыстоны Гыццыл Чъуаребы хъæуы райгуырдис ГССР сгуыхт юрист, Республикæ Хуссар Ирыстоны фыццаг Конституцийы автор-аразæг Гаглойты Хазби Дауыты фырт.

5 август. 85 азы размæ (1934) ГССР Карелы районы Бредзайы хъæуы райгуырдис фыссæг, тæлмацгæнæг, публицист Цхуырбаты Мери Баграты чызг.

9 август. 110 азы размæ (1909-1966) Цæгат Ирыстоны Дæргъæвсы хъæуы райгуырдис курдиатджын поэт æмæ прозаик, драматург æмæ публицист, Хетæгкаты Къостайы номыл паддзахадон премийы лауреат Мамсыраты Дæбе Хабийы фырт.

13 август. 140 азы размæ (1879-1963) райгуырдис зынгæ ахуыргонд, дунейы фыццаг нывмыхуыргæнæн машинæйы æрхъуыдыгæнæг Гасситы Виктор Афанасы фырт.

13 август. 70 азы размæ (1949) Цхинвалы районы Хелцуайы хъæуы райгуырдис СССР-йы журналистты Цæдисы уæнг, Республикæ Хуссар Ирыстоны сгуыхт журналист Хуыгаты Анатоли Зауырбеджы фырт.

22 август. 95 азы размæ (1924-2018) Дзауы районы Хъæдысæры хъæуы райгуырдис поэт, прозаик æмæ публицист Айларты Измаил Харитоны фырт.

22 август. 75 азы размæ (1944) Дзæуджыхъæуы райгуырдис Хуссар Ирыстоны Уæрæсейы Федерацийы фыццаг минæвар Къарджиаты Эльбрус Хъаныхъойы фырт.

25 август. 60 азы размæ (1959) Знауыры поселочы райгуырдис техникон зонæдты доктор, профессор, Цæгат Ирыстон-Аланийы зонæдты сгуыхт архайæг, Уæрæсейы Федерацийы хæххон зонæдты Академийы æцæг уæнг, Уæрæсейы Федерацийы уæлдæр профессионалон ахуырады цытджын кусæг, «Æзгъæргуырæнты зæххы бын куыстыты технологи»-йы къабазы 1987 азы ССР Цæдисы Хæххон-Металлургийы министрады премийы лауреат Гæбæраты Олег Знауыры фырт.

26 август. 10 азы размæ (2009) цытджын уавæры гом æрцыд газуадзæн «Дзæуджыхъæу-Цхинвал». Уый у дунейы иууыл бæрзонддæр хæххон арæзтад. Йæ иумæйаг дæргъ у 175 км., йæ хъомысад та у афæдзы мидæг 252,5 милуан кубометры. Хæтæлты диаметр у 426 мм., йæ кусæгон æлхъывдад у – 50 атмосферы. Трассæйыл арæзт æрцыд 15 тоннелы, кæцытæн сæ иумæйаг дæргъ у 1 848 метры. Донбадæнты сæрты дзы арæзт æрцыд 29 рахизæны. Газы хæтæлтæ цæуынц фондз хохы сæрты. Газуадзæны иууыл бæрзонддæр бынат ис Къуыдаргомы æфцæгыл, уый денджызы æмвæзадæй у 3 148 метры.

26 август. 100 азы размæ (1919 – 2005) Цæгат Ирыстоны Тибы хъæуы райгуырдис зындгонд полярон кусæг, атомон ихсæттæг «Арктикæ»-йы капитан, Социалистон куысты хъайтар Фæллойы Хъæбатыр Кучиты Юри Сергейы фырт.

26 август. 95 азы размæ (1924-1999) Цхинвалы сахары райгуырдис философон зонæдты доктор, профессор Цхуырбаты Зелимхан Павелы фырт.

Æрæмбырд сæ кодта

КЪУЕЗЕРТЫ Петр