РЕСПУБЛИКÆ ХУССАР ИРЫСТОНЫ ПАРЛАМЕНТЫ УЫНАФФÆ

«Республикæ Хуссар Ирыстон æмæ Донецкы Адæмон Республикæйы ‘хсæн Хæлардзинад, æмкуысткæнынад æмæ кæрæдзийæн æххуысы тыххæй бадзырды ратификацийы тыххæй» Республикæ Хуссар Ирыстоны Закъоны тыххæй

Республикæ Хуссар Ирыстоны Парламент уынаффæ кæны:

  1. Райст æрцæуæд Республикæ Хуссар Ирыстоны Закъон «Республикæ Хуссар Ирыстон æмæ Донецкы Адæмон Республикæйы ‘хсæн Хæлардзинад, æмкуысткæнынад æмæ кæрæдзийæн æххуысы тыххæй бадзырды ратификацийы тыххæй», кæцыйыл къухтæ фыст æрцыд 2017 азы 11 майы горæт Донецкы.
  2. Ацы закъон æрвыст æрцæуæд Республикæ Хуссар Ирыстоны Президентмæ къух ыл æрфыссыны æмæ йæ мыхуыры рауадзыны тыххæй.
  3. Ацы уынаффæ йæ тыхы цæуы йæ райсыны бонæй.

Республикæ Хуссар Ирыстоны Парламенты Сæрдар Гасситы Петр

г. Цхинвал

2017 азы 24 октябрь

 

 

 

 

РЕСПУБЛИКÆ ХУССАР ИРЫСТОНЫ ЗАКЪОН

 «Республикæ Хуссар Ирыстон æмæ Донецкы Адæмон Республикæйы ‘хсæн Хæлардзинад, æмкуысткæнынад æмæ кæрæдзийæн æххуысы тыххæй бадзырды ратификацийы тыххæй»,  къухтæ фыст æрцыд 2017 азы 11 майы

Уац 1

Ратификацигонд æрцæуæд Бадзырд Республикæ Хуссар Ирыстон æмæ Донецкы Адæмон Республикæйы ‘хсæн хæлардзинад, æмкуысткæнынад æмæ кæрæдзийæн æххуысы тыххæй, кæцыйыл къухтæ фыст æрцыд 2017 азы 11 майы  горæт Донецкы.

Уац 2

Ацы Закъон йæ тыхы цæуы официалонæй мыхуыры рацæуыны бонæй.

Республикæ Хуссар Ирыстоны Президент Бибылты Анатоли

 

 

 

 

 

 

БАДЗЫРД

 

Республикӕ Хуссар Ирыстон ӕмӕ Донецкы Адӕмон Республикӕйы ‘хсӕн хӕлардзинад, ӕмгуыстад ӕмӕ кӕрӕдзийӕн ӕххуыс кӕныны тыххӕй.

Республикӕ Хуссар Ирыстон ӕмӕ Донецкы Адӕмон Республикӕ, дарддӕр – Бадзурӕг Фӕрстӕ,

Республикӕ Хуссар Ирыстон ӕмӕ Донецкы Адӕмон Республикӕйы ‘хсӕн хӕларадон ахастытӕ, ӕмгуыстад ӕмӕ кӕрӕдзийӕн ӕххуыскӕнынад фидардӕр кӕныны хъуыддаг дыууӕ паддзахадты адӕмты бындурон национ интерестӕн дзуапп кӕй ратдзӕн, уымӕй ныфс ӕвӕргӕйӕ,

ног политикон реалитӕ хынцгӕйӕ, кӕрӕдзийы хӕдбардзинад ӕмӕ суверенитет ӕмхуызонӕй кӕй нымайдзысты, уый бафидар кӕнгӕйӕ,

кӕрӕдзиӕмбарынад, рӕстдзинад, ӕмбардзинад ӕмӕ кӕрӕдзийы мидӕггагон хъуыддӕгты хи нӕ хӕццӕ кӕныны бындурыл сӕ ӕхсӕнпаддзахадон ахастытӕ аразынмӕ тырнгӕйӕ,

политикон, базарадон-экономикон, социалон-гуманитарон, культурон ӕмӕ ӕндӕр къабӕзты сӕ ахастытӕ активонӕй рӕзын кӕныны фӕндонимӕ,

ӕхсӕнадӕмон барады принциптӕ ӕмӕ нормӕтӕм, фыццаг рады, ИНО йы Уставы нысӕнттӕ ӕмӕ принциптӕн кӕй аргъ кӕнынц, уый бафидар кӕнгӕйӕ,

сӕ ахастытӕ ног гъӕдджын ӕмвӕзадмӕ скӕныны фӕндонимӕ, бадзырдтой дӕлдӕруӕвӕгыл:

 

Уац 1

Бадзурӕг Фӕрстӕ сӕ ахастытӕ араздзысты куыд хӕларадон, ӕмбар ӕмӕ суверенон паддзахадтӕ, афтӕ, фӕд-фӕдылонӕй къухдариуӕг кӕндзысты паддзахадон суверенитет ӕмӕ территориалон ӕнӕхъӕндзинад иумӕйагӕй нымайыны принциптӕй, быцӕутӕ ӕмӕ тыхбахастӕй кӕнӕ тыхӕй спайда кӕныны тасдзинад сабырӕй бӕстон кӕнгӕйӕ, экономикон ӕмӕ ӕндӕр фадӕттӕй ӕндӕвдад сӕм бафтаугӕйӕ, ӕмбардзинад ӕмӕ мидӕггагон хъуыддӕгты хи нӕ хӕццӕ кӕнгӕйӕ, адӕймаджы бартӕ ӕмӕ бындурон сӕрибардзинӕдтӕ хъахъхъӕнгӕйӕ, ӕхсӕнадӕмон хӕсистытӕ намысджынӕй ӕххӕст кӕнгӕйӕ, афтӕ ма ӕхсӕнадӕмон барты иумӕйагӕй нымад принциптӕ ӕмӕ нормӕтӕм гӕсгӕ.

 

Уац 2

Бадзурӕг Фӕрстӕ ӕнгомӕй ӕмгуыстад кӕндзысты ӕддагон политикӕйы къабазы, ӕмархайд кӕндзысты сабырад ӕмӕ стабилондзинад, регионалон ӕмӕ глобалон ӕдасдзинад фидар кӕныны хъуыддаджы, ӕмӕ уыцы нысӕнттӕн регуляронӕй консультацитæ уаддзысты ӕхсӕнадӕмон ӕмӕ регионалон проблемӕты фӕдыл, кӕцытӕм уа ӕмхуызон цымыдисдзинад. Уыдон сӕхимӕ хӕс исынц, Бадзурӕг Фӕрсты интерестӕм чи ныхила, ахӕм регионалон конфликттӕ ӕмӕ ӕндӕр уавӕртӕ ӕрбӕстон кӕнынӕн чи ахъаз кӕна, ахӕм скоординацигонд архайдтытӕй спайда кӕныны тыххӕй.

 

Уац 3

Бадзурӕг Фӕрстӕ нымайынц быцӕуаг фарстатӕ скъуыддзаг кӕнгӕйӕ тыхӕй спайда кӕнын кӕнӕ тыхӕй спайда кӕнынӕй ӕртхъирӕнтӕ кӕныныл къух сисыны ахсджиагдзинады принцип, уыдон аскъуыддзаг кӕнӕн кӕй ис ӕрмӕстдӕр сабырадон амӕлттӕ ӕмӕ политикон фӕрӕзтӕй, уый ӕмбаргӕйӕ.

Бадзурӕг Фӕрстӕ хайад нӕ исдзысты, кӕцыфӕндыйы ныхмӕ дӕр сӕ чи уа, ахӕм цахӕмфӕнды блокты ӕмӕ цӕдисты.

Дыууӕ Бадзурӕг Фарсӕй алкӕцы дӕр йӕхи хиздзӕн, иннӕ Бадзурӕг Фарсы ныхмӕ комкоммӕ ӕви фӕрссагӕй чи уа, ахӕм цыфӕнды архӕйдтытӕ ӕмӕ мадзӕлтты дӕр хайад исынӕй.

Кӕд Дыууӕ Бадзурӕг Фарсӕй искӕцыйӕн гарзджын бабырстӕй тас уа, уӕд Дыууӕ Фарсы ӕвӕстиатӕй ӕрӕвналдзысты агресси аиуварс кӕныны мадзӕлттӕ бакусыны нысаны охыл ӕмбӕлон консультацитӕм.

 

Уац 4

Паддзахадон-барадон арӕзтадмӕ ахасты иумӕйаг нысӕнттӕ ӕмӕ ӕмвӕндондзинады бындурыл Бадзурӕг Фӕрстӕ уӕрӕхдӕр кӕндзысты реформӕтӕ уадзьны фӕдыл кӕрӕдзийӕн фӕлтӕрддзинадӕй ӕххуыскӕнынад, сӕ национ хийадтӕ ӕмӕ сӕ ӕххӕст кӕныны спецификон хиӕдтӕ хынцгӕйӕ.

 

Уац 5

Бадзурӕг Фӕрстӕ алы ӕмвӕзадтыл уаддзысты фембӕлдтытӕ ӕмӕ консультацитӕ кӕрӕдзийӕн информаци ӕмӕ фӕндӕттӕй ӕххуыс кӕныны нысанæн, дыууӕварсон ӕмгуыстад æмӕ ӕхсӕнадæмон ахастыты уӕлдай актуалон фарстаты фӕдыл кусдзысты ӕмразыгонд позицитыл, афтӕ ма ӕмхуызон цымыдисдзинад чи æвзарын кæна, ахӕм ӕндæр фарстаты фӕдыл.

Уац 6

Бадзурæг Фӕрстæ сæ территоритыл исдзысты эффективон барӕнтӕ,  æмбæлон закъондӕттынадон акттæ райсьн дӕр сӕм бафтаугæйæ, цӕмӕй ма бауадзой ӕмӕ аиуварс кæной цыфӕнды архайд дæр, кӕцытӕн уа иннӕ Бадзурӕг Фарсы æмбæстæгтæм тыхбахасты нысаниуӕг, уа сын националон, знæмон, этникон кæнæ динон ӕнӕбыхсындзинады бындуртæ, знагиуӕгон кӕнӕ ӕнӕуынондзинады нысӕнттӕ.

Бадзурӕг Фæрстæ сæ территоритыл исдзысты эффективон барæнтæ хицæн адӕймӕгтæ кæнӕ къордты бахъахъхъӕныны тыххӕй, кæцытæн тас у тыхбахаст кæнæ тыхмийы акттӕй, сæ этникон, ӕвзагон, культурон кæнӕ динон аххосӕгтæм гӕсгæ, афтӕ ма сын сӕ исад бахъахъхъӕныны тыххӕй дӕр.

Уац 7

Бадзурӕг Фæрстӕй алкӕцыйы территорийыл дæр нымад цӕуынц документтӕ, кæцытӕ радтой иннӕ Бадзурӕг Фарсы паддзахадон органтæ æмӕ бынӕттон хæдуынаффæйадон органтæ.

Ацы уацы банысангонд фарстатӕ бæстон кӕныны нысӕнттӕн Бадзурæг Фӕрстӕ ӕрфысдзысты хицӕн фидыдтæ.

Уац 8

Дыууӕ Бадзурӕг Фарсӕй алкӕцы дӕр гаранти дӕтты йӕ территорийыл цæрæг иннӕ Бадзурæг Фарсы ӕмбӕстӕгтӕн сӕ бартæ ӕмӕ сӕрибардзинæдтӕн ахӕм бындурыл ӕмӕ гуырахстӕй, куыд йæхи сӕрмагонд æмбӕстæгтазм ахасты, дыууӕ Бадзурӕг Фарсы националон закъондӕттынад æмæ ӕндæр ӕхсӕнадӕмон бадзырдты фидаргонд чи сты, ахӕм цауты йедтӕмӕ.

Бадзурæг Фӕрстӕ сӕхимӕ исынц бӕрндзинад сфидаргонд фӕткмӕ гӕсгӕ сӕ ӕмбӕстӕгты бартӕ ӕмӕ сӕрибардзинæдтӕ хъахъхъӕныны тыххæй, кӕцытæ цӕрынц иннæ Бадзурæг Фарсы территорийыл.

Уац 9

Бадзурӕг Фӕрстӕ исдзысты æнæмæнгхъӕуӕг барӕнтӕ, сӕ паддзахадты

Æмбӕстæгты Бадзурӕг Фæрсты территоритыл сӕрибарӕй бацӕуын, рацæуын

ӕмӕ уӕвынад ӕмхуызонӕй сифтонг кӕныны тыххӕй.

Уац 10

Бадзурӕг Фӕрстӕ тырндзысты алы ӕмвӕзадтыл экономикон интеграци арфдӕр кӕнынмӕ ӕмӕ уыцы нысӕнттӕн рӕзын кӕндзысты базарадон-экономикон ӕмгуыстад комкоммӕ базарадон ӕмӕ экономикон бастдзинӕдты бындурыл.

Бадзурӕг Фӕрстӕ сӕхимӕ хӕс исынц, цӕмӕй сифтонг кӕной хӕрзвадат финансон ӕмӕ барадон уавӕртӕ амалиуӕгад ӕмӕ ӕндӕр хӕдзарадон архайдӕн, инвестицитӕ иумӕйагӕй разӕнгард кӕнын ӕмӕ хъахъхъӕнын дӕр сӕм бафтаугӕйӕ, ӕмбӕстӕгтӕ, уагдӕттӕ, фирмӕтӕ ӕмӕ Бадзурӕг Фӕрсты экономикон ӕмгуыстады ӕндӕр субъектты ӕхсӕн кооперацийы алывӕрсыг формӕтӕ ӕмӕ комкоммӕ бастдзинӕдтӕ разӕнгард кӕныны тыххӕй.

Бадзурӕг Фӕрстӕ сифтонг кӕндзысты ӕппӕт ӕнӕмӕнгхъӕуӕг уавӕртӕ товартӕ, лӕггӕдтӕ, капиталтӕ ӕмӕ кусӕгдых сӕрибарӕй ласынӕн. Товартӕ, лӕггӕдтӕ, капиталтӕ ӕмӕ кусӕгдыхы сӕрибарӕй ласыны уавӕртӕ ӕмӕ принциптӕ бӕрӕг цӕуынц хицӕн фидыдтӕй.

Уац 11

Бадзурӕг Фӕрстӕ базарадон-экономикон ӕмархайдӕн стыр нысаниуӕг дӕтгӕйӕ, арфдӕр кӕндзысты ӕмгуыстад ӕмӕ уӕрӕх кӕндзысты банысангонд къабазы кӕрӕдзийӕн фӕлтӕрддзинадӕй ӕххуыс кӕныны механизмтӕ ӕмбардзинад, ӕмхуызон пайда ӕмӕ стырдӕр фӕрныгады принципты бындурыл.

Бадзурӕг Фӕрстӕ сӕхимӕ хӕс исынц амалиуӕгадон ӕмӕ ӕндӕр хӕдзарадон архайды фӕдыл кӕрӕдзийӕн оптималон финансон-экономикон ӕмӕ барадон уавӕртӕ саразыны тыххӕй, инвестицитӕ иумӕйагӕй разӕнгард кӕнын ӕмӕ хъахъхъӕнын дӕр сӕм бафтаугӕйӕ.

 

 

Уац 12

Бадзурӕг Фӕрстӕ кӕрӕдзийӕн ахъаз кӕндзысты сӕ территоритыл хъомысджын экологон ӕнамонддзинӕдты фӕстиуджытӕ аиуварс кӕныны хъуыддаджы, афтӕ ма ӕмхуызон ӕххуыс кӕндзысты уӕлвӕткон уавӕртӕ фӕзыныны рӕстӕджы, кӕцытӕ фӕзыной ӕрдзон ӕмӕ техногенон факторты фӕстиуӕгӕн ӕмӕ тӕссаг уой адӕмӕн.

Бадзурӕг Фӕрстӕ ма ӕмгуыст кӕндзысты экологийы къабазы дӕр, ӕрдзон фӕсауӕрцтӕй рационалонӕй спайда кӕныны къабазы кӕрӕдзийӕн фӕлтӕрддзинадӕй ӕххуыс кӕныны фӕрцы, экологон сыгъдӕг технологитӕй пайда кӕнын ӕмӕ алфӕмблайы ӕрдз сырӕзын кӕнын ӕмӕ хъахъхъӕныны фӕдыл мадзӕлттӕ уадзгӕйӕ.

Уац 13

Бадзурӕг Фӕрстӕ сӕ адӕмты ‘хсӕн уӕрӕхдӕр ӕмӕ арфдӕр кӕндзысты бастдзинӕдтӕ культурӕ ӕмӕ аивады, спорт ӕмӕ туризмы къабæзты. Дыууӕ Фарсы ифтонг кӕнынц культурон-историон бынтӕм, архивтӕм, информацион ӕмӕ зонадон-техникон зонӕнтӕ ӕмӕ фондтӕм баххӕссын ӕмӕ сӕ сӕрибарӕй пайдакӕнынад.

Бадзурӕг Фӕрстӕ ӕппӕтварсонӕй ахъаз кӕндзысты сфӕлдыстадон коллективтӕ, культурӕйы архайджытӕ ӕмӕ специалистты паддзахадон ӕмӕ бынӕттон ӕмвӕзадты культурон уагдӕтты ӕмахастытӕ уӕрӕхдӕр кӕнынӕн.

Бадзурӕг Фӕрстӕ ӕмархайд кӕндзысты историон-культурон бынтӕ бахъахъхъӕнын, реставраци кӕнын ӕмӕ сӕ пайда кӕныны къабазы.

Бадзурӕг Фӕрстӕ ӕппӕтварсонӕй разӕнгард кӕнынц спортивон организацитӕ ӕмӕ клубты ‘хсӕн контакттӕ фидар      кӕныны, ӕхсӕнпаддзахадон спортивон мадзӕлттӕ иумӕ уадзыны хъуыддаг.

Бадзурӕг Фӕрстӕ ахъаз кӕндзысты кӕрӕдзийӕн информацийӕ ӕххуыс кӕныны сферӕйы ӕмгуыстад рӕзын кӕнынӕн, дзыллон информацийы фӕрӕзты уагдӕттӕ ӕмӕ минӕвӕртты ‘хсӕн контакттӕ разӕнгард кӕнгӕйӕ.

Уац 14

Бадзурӕг Фӕрстӕ рӕзын кӕндзысты ӕмгуыстад, ахуырад ӕмӕ зонады къабазы, ахуырадон кусӕндӕттӕ ӕмӕ зонадон-иртасӕн уагдӕттимӕ комкоммӕ бастдзинӕдтӕ разӕнгард кӕнгӕйӕ, ӕххӕст кӕндзысты иумӕйаг программӕтӕ ӕмӕ сгарӕнтӕ.

Бадзурӕг Фӕрстӕ сӕхимӕ исын кадртӕ цӕттӕ кӕнын, кӕрӕдзимӕ ахуыргӕндтӕ, специалисттӕ, аспиранттӕ ӕмӕ студенттӕ хоныны къабазы ӕмархайд кӕнын ӕмӕ хӕрзиуӕгон уавӕртӕ аразыны хӕс.

Уац 15

Бадзурӕг Фӕрстӕ ӕмгуыстад рӕзын кӕндзысты ӕнӕниздзинад хъахъхъӕныны къабазы, социалон ӕмӕ гуманитарон сферӕты, цӕрджыты ӕнӕниздзинад хъахъхъӕнын иумӕйаг мадзӕлтты, медицинон зонад ӕмӕ практикӕйы рӕзт, ӕмбӕлон материалон техникон базӕ, хосгӕнӕн фӕрӕзтӕй ифтонгкӕнынад, медицинон техникӕйы ифтонггӕрзтӕй ӕмӕ сывӕллӕтты хӕлцадон продукттӕй ифтонг кӕныны ӕнæмӕнгхъӕуындзинад нымайгӕйӕ.

 

Уац 16

Бадзурӕг Фӕрстӕ ӕхсӕнадӕмон нормӕтӕ ӕмӕ сӕхи националон закъондӕдтынадмӕ гӕсгӕ ӕххӕст кӕндзысты ӕмгуыстад фыдракӕндты ныхмӕ, уыцы нымӕцы организацигонд фыдракӕндтимӕ, терроризм ӕмӕ экстремизмы ӕндӕр тыххӕссӕг фӕзындтимӕ, наркотикты, хӕцӕнгӕрзты, ӕнӕзакъонон ӕрзылдимӕ, ӕнӕзакъонон миграци, ӕнӕзакъонӕй райсгӕ фӕрӕзтӕ хи бакӕнын, афтӕ ма барады ныхмӕ акттимӕ, кӕцытӕ здӕхт сты транспорты ӕппӕт хуызты ӕдасдзинады ныхмӕ, контрабандӕйы ӕмӕ культурон ӕргъадтӕ давыны ныхмӕ.

 

Уац 17

Бадзурӕг Фӕрстӕ сӕхимӕ хӕс исынц дыууӕ паддзахады парламенттӕ ӕмӕ парламентариты ‘хсӕн ӕмгуыстад ӕмӕ контактты рӕзтмӕ уӕлдай хъусдард кӕй здахдзысты, уый тыххӕй.

Уац 18

Бадзурӕг Фӕрсты ‘хсӕн ацы Бадзырд ӕмбарын кӕнын ӕмӕ дзы пайда кӕнынимӕ бастуӕвӕг быцӕутӕ скъуыддзаг цӕуынц баныхӕсты руаджы.

 

Уац 19

Ацы Бадзырд нӕ ныхилы Бадзурӕг Фӕрсты бартӕ ӕмӕ хӕсистытӕм, кӕцытӕ гуырынц, кӕй хайадисджытӕ сты, уыцы ӕндӕр ӕхсӕнадӕмон бадзырдтӕй.

Уац 20

Ацы Бадзырд хъуамӕ ратификаци скӕной Бадзурӕг Фӕрсты закъондӕдтынадон органтӕ ӕмӕ йӕ тыхы цӕуы, кӕрӕдзимӕ ратификацион грамотӕтӕ радтыны бонӕй.

Уац 21

Ацы Бадзырд арӕзт цӕуы 10 азы ӕмгъуыдмӕ.

Йӕ архайд автоматикон ӕгъдауӕй дарддӕргонд цӕудзӕн фӕд- фӕдылонӕй алы фондзазон ӕмгъуыдтӕм, кӕд ӕмӕ Бадзурӕг Фӕрстӕй иу дӕр йӕ радон ӕмгъуыдæй ӕппынкъаддӕр ӕхсӕз мӕйы раздӕр фыстӕй нӕ фехъусын кӕна йӕ архайд ӕруромыны фӕндон, уӕд.

Уац 22

Ацы Бадзырдмӕ гӕнӕн ис хаст ӕрцӕуа ивындзинӕдтӕ ӕмӕ баххӕсткӕнинӕгтӕ, кӕцытӕ уыдзысты йӕ ӕнӕаскъуынгӕ хай, ӕмӕ арӕзт цӕудзысты хицӕн суагъӕтӕй. Ивындзинӕдтӕ ӕмӕ баххӕсткӕнинӕгтӕ, гӕнӕн ис, бавдиса Бадзурӕг Фӕрстӕй кӕцыфӕнды дӕр, уый тыххӕй иннӕ Бадзурӕг Фарсмӕ ӕмбӕлон фыстӕг арвитгӕйӕ.

Уац 23

Кӕд ӕнӕмӕнгхъӕуӕг уа, уӕд ацы Бадзырды уагӕвӕрдтӕ реализаци кӕныны нысӕнттӕн Бадзурӕг Фӕрстӕ се ‘хсӕн фыссынц сӕрмагонд фидыдтӕ, афтӕ ма ӕндӕр фидыдтӕ дӕр, ӕмхуызон цымыдисдзинад сын цы къабӕзты уа, уым.

 

Фыст ӕрцыд сахар        Донецкы 2017 азы      майы мæйы 11-æм боны дыууӕ экземплярӕй, алкӕцы дӕр дзы ирон ӕмӕ уырыссаг ӕвзӕгтыл, уымӕй дӕр дыууӕ текстӕн дӕр ис ӕмхуызон тых.

 

 

 

 

 

 

 
 

 

 

 

 

 

 

 

 

 

 

Comments are closed, but trackbacks and pingbacks are open.