Хуссар Ирыстоны Фæсарæйнаг хъуыддæгты министр Медойты Димитрæн Приднестроваг Молдаваг Республикæйы æддагон политикон уагдонады къухдариуæггæнæгимæ уыд кусæгон фембæлд.  Дыууæ министры фембæлдысты Брюсселлы Европарламенты Европæйаг уырыссаг форумы XI съезды фæлгæтты, – фехъусын кодта РХИ-йы Фæсарæйнаг хъуыддæгты министрады пресс-службæ.

Медойты Димитр æмæ Виталий Игнатьев æрдзырдтой бирæ фарстытыл. Сæйраджыдæр, дзырд цыд дыууæ бæстæйы æддагполитикон ведомствоты æмархайд фидардæр кæныныл.

Фембæлды рæстæджы РХИ-йы Фæсарæйнаг хъуыддæгты министрады æмæ Приднестроваг Молдаваг Республикæйы Фæсарæйнаг хъуыддæгты министрады къухдариуæггæнджытæ банысан кодтой дунеон аренæйы иумиаг архæйдтытæ: æхсæнадæмон аренæйы активондæр кæныны фæдыл дыууæфарсон æмгуысткæнынады рæзын кæныны стыр нысаниуæг.

” Министртæ бадзырдтой, арæхдæр кæй уаддзысты Фæсарæйнаг хъуыддæгты министрадты ‘хсæн консультацитæ æмæ æнгом дыууæфарсон æмархайд кæй æххæст кæндзысты æддаг, политикон актуалон фарстыты фæдыл “, – фехъусын кодтой пресс-службæйы.

Министрадты къухдариуæггæнджытæ бадзырдтой, цæмæй Хуссар Ирыстон æмæ Приднестроваг Молдаваг Республикæ максималон æгъдауæй æххуыс кæной иннæ паддзахадтимæ æмæ æхсæнадæмон организацитимæ æмгуыстад срæвдз кæныныл.

Европæйаг уырысаг форумы XI съезды фæстиуджытæм гæсгæ, дипломаттæ бауынаффæ кодтой, цæмæй æхсæнадæмон фæзуаты дыууæ республикæйы практикон хайадист парахат кæной, æмæ райрæзын  кæной æх-сæнпарламентон бастдзинæдтæ.

 

 

 

Comments are closed, but trackbacks and pingbacks are open.