Фӕззыгон бонты зӕхкусӕгӕн алы кусгӕ сахат дӕр зынаргъ вӕййы. Уый уымӕн, ӕмӕ уӕд ӕрбалӕууынц фӕззыгӕнд мӕнӕу тауыны ӕнӕаргъӕвгӕ куыстытӕ ӕмӕ сыл, гӕнӕн уӕвгӕйӕ, фӕтагъд кӕны. Кæд къæвдатæ арæх уыд, стӕй ма нӕ республикӕйы хӕдзарадты фаг нӕй, хъӕууонхӕдзарадон куыстытӕ цӕмӕй кӕной, ахӕм техникӕ, уӕд-дӕр, уыдæттæм нӕ кӕсгӕйӕ, хицӕн фермерон хӕдзарадтӕ спайда кодтой сӕ фадӕттӕ ӕмӕ уавӕртӕй ӕмӕ сын бантыст сӕ разылӕууӕг хӕстӕ ахицӕн кӕнын. Хъӕууон хӕдзарады министрады зайӕгойтӕ ӕмӕ механизацийы управленийы сӕйраг специалист Ды-гъуызты Таймураз куыд банысан кодта, афтӕмӕй абоны бонмӕ нӕ республикӕйы механизатортӕ мӕр афӕлдӕхтой 604 гектары ӕмӕ таугӕ та бакодтой 304 гектары. Хицӕнтӕй сисгӕйӕ, Ленингоры районы хӕдзарадтӕ бахуым кодтой 400 гектары ӕмӕ сын фӕззыгӕнд мӕнӕу тауын та бантыст 150 гектары, Знауыры районы ӕдӕппӕт бахуым кодтой 115 гектары ӕмӕ дзы таугӕ та бакодтой 75 гектары. Ацы районы Джиоты Лаверы фермерон хӕдзарад байтыдта 12 гектары ӕмӕ Кокойты Эдикы хӕдзарадӕн та фӕззыгӕнд мӕнӕу тауын бантыст 15 гектары ӕмӕ афтӕ дарддæр. Цхинвалы районы бахуым кодтой 89 гектары ӕмӕ таугӕ та бакодтой 79 гектары, уыцы нымӕцы Цхуырбаты А. байтыдта 10 гектары, Битарты Г. дӕр иу ахӕм, Мӕлдзыгаты И. – 8 гектары, Хъотайты З. – 5 гектары ӕмӕ афтӕ дарддӕр.
Хуыбиаты Никъала
Comments are closed, but trackbacks and pingbacks are open.