Уæрæсейы Федерацийы Президент Владимир Путин раарфæ кодта нæ республикæйы Президент Бибылты Анатолийæн Ног аз æмæ Цыппурсы сæраппонд.
«Зæрдæбынæй дын арфæ кæнын Ног аз æмæ Цыппурсы сæраппонд! Фæстаг рæстæджы махæн бантыст бирæ проекттæ среализаци кæнын, кæцытæ ахъаз кæнынц Хуссар Ирыстоны социалон-экономикон рæзтæн, йæ пад-дзахаддзинад фидардæр кæнынæн. Ныфс мæ ис, æрбалæугæ ног аз мах кæй адарддæр кæндзыстæм æмгуыстад, алыгъуызон фæдыздæхтыты дыууæфарсон æмархайд».
Уæрæсейаг паддзахады сæргълæууæджы цæст хуссарирыстойнаг коллегæйæн бауарзта фидар æнæниздзинад, амонд æмæ æнтыстытæ, æппæт æмфыдыбæстæйонтæн та – хæрзиуджытæ æмæ дидинæфтыд.
Республикæ Хуссар Ирыстоны Президент Бибылты Анатоли дæр раарфæ кодта Уæрæсейы Федерацийы Президент Владимир Путинæн:
«Цытджын Владимир Владимиры фырт! Зæрдæбынæй дын арфæ кæнын Ног аз æмæ Цыппурсы сæраппонд. Уадз, æмæ æрбалæугæ Ног аз дæуæн æмæ Уæрæсейы æппæт æмбæстæгтæн суæд ног уæлахизтæ æмæ æнтыстыты аз.
Ацы ногазон бæрæгбон æрхауд, Уæрæсейы паддзахады сæргъ куы слæу-уыдтæ, ууыл 20 азы сæххæсты рæстæгмæ. Уыцы зæрдæхцон уавæр мын ногæй фадат дæтты, цæмæй дын зæрдиаг бузныг зæгъон, Уæрæсейы фæрныгадæн цыдæриддæр сарæзтай, уыдон тыххæй.
Ногæй сæндидзæг Уæрæсе æмæ, сæрмагондæй, дæ разы, хæсджын у Хуссар Ирыстон йæ абоны тыххæй, йæ фидæнмæ ныфсджынæй кæй кæсы, уый тыххæй æмæ нæ адæм алы хатт дæр бузныджы æнкъарæнтимæ сæ зæрдыл дардзысты уыцы æвæджиауы фарсхæцынад æмæ алыварсон æххуыс, кæцы мах исæм Уæрæсейы Федерацийæ.
Ногазон бæрæгбонты хæдразмæ мæ зæрдæ зæгъы дæуæн, Владимир Владимиры фырт, æмæ Уæрæсейы Федерацийы æппæт æмбæстæгтæн фидар æнæниздзинад, фæрныгад æмæ хæрзиуджытæ!».
***
Бибылты Анатоли ма ногазон арфæтæ ракодта Сириаг Арабаг Рес-публикæйы Президент Башар Асадæн, Республикæ Никарагуайы Президент Даниэл Ортегайæн, Боливариаг Республикæ Венесуэлæйы Президент Николас Мадуройæн, Уæрæсейы Федерацийы Хицауады Сæрдар Дмитрий Медведевæн, Уæрæсейы Федерацийы Советы Сæрдар Валентина Матвиенкойæн, Паддзахадон Думæйы Сæрдар Вячеслав Володинæн, Мæскуы æмæ Æппæт Уæрæсейы Патриарх Кириллæн, Тувалуйы Премьер-министр Энеле Сопоагуйæн, Республикæ Абхазы Президент Рауль Хаджимбайæн, Республикæ Арцахы Президент Бако Саакянæн, Донецкы Адæмон Республикæйы Сæргълæууæг Денис Пушилинæн, Луганскы Адæ-мон Республикæйы Сæргълæууæг Леонид Пасечникæн, Приднестроваг-молдоваг Республикæйы Президент Вадим Красносельскийæн æмæ бирæ æндæр зындгонд политикон архайджытæн.
Comments are closed, but trackbacks and pingbacks are open.