Бибылты Анатоли фембæлд Хуссар Ирыстоны УФ-йы Федералон Æдасдзинады службæйы Арæнгæрон управленийы хистæр Анатоли Уткин æмæ РХИ-йы Паддзахадон Æдасдзинады комитеты Арæнгæрон службæйы къухдариуæггæнæг Валери Зозуляимæ.
Бæстæйы сæргълæууæг банысан кодта, зæгъгæ, арæны æдасдзинад у Хуссар Ирыстоны къухдариуæгад æмæ РХИ-йы УФ-йы Федералон Æдасдзинады комитеты Арæнгæрон управленийы æмæ республикæйы Арæнгæрон службæйы куысты сæйрагдæр фæдыздæхтытæй иу.
«Фарстытæ нæм бирæ ис. Æмæ нæ республикæ æмæ Гуырдзыстоны æхсæн арæны æдасдзинады проблемæтæ сты актуалон», – загъта Президент.
Уый банысан кодта, зæгъгæ, Гуырдзыстоны æмбæстæг-тæн арæны сæрты æнæзакъонæй ахизыны цаутæ стæм не сты æмæ сæ хъæуы фæкъад-дæр кæнын, кæнæ сæ бынтондæр аиуварс кæнын».
Бибылты Анатоли бузныг загъта Хуссар Ирыстоны УФ-йы Федералон Æдасдзинады службæйы Арæнгæрон управленийы æмæ РХИ-йы Паддзахадон Æдасдзинады комитеты Арæнгæрон службæйы сæрмагонд скондтæн. Уыдон иумæ хъахъхъæнынц Паддзахадон арæн. Президент банысан кодта, зæгъгæ, куысты ахадындзинад цæмæй хуыздæр уа, уый тыххæй арæны хъæуы нырыккон техникон ифтонгад.
«Республикæйы къухдариуæгад уæрæсейаг фарсимæ иумæ сараздзæн æппæт дæр уый тыххæй», – загъта Президент.
Анатоли Уткин æмæ Валери Зозуля бузныг загътой бæстæйы сæргълæууæгæн йе ‘ххуысы тыххæй æмæ банысан кодтой, зæгъгæ, ведомствойы раз æвæрд хæстæ æххæст æрцæудзæн, куысты нывæст арæзт у.
РХИ-йы Президент æмæ Хицауады пресс-службæ
Comments are closed, but trackbacks and pingbacks are open.