Бибылты Анатоли радта Гаглойты Юримæ йæ чиныг «Нартæ æмæ Алантæ»-йы тираж. Уый рухсмæ рацыд РХИ-йы Президенты æххуысæй.

Чиныгмæ бацыдысты, Нарты эпосы, этникон ном «алантæ» æмæ ирон адæмы проблемон этногенезы фарстытæм чи хауынц, историкы уыцы хуыздæр куыстытæ.

Йæ чиныджы фæзынды цытæн ахуыргондæн арфæ кæнгæйæ, Бибылты Анатоли банысан кодта, зæгъгæ, Гаглойы фырт кæддæриддæр вæййы нæ историон бынтæ хъахъхъæнджыты фыццаг рæнхъыты, аланты бынтæм исчи ныхила, æви гуырдзиаг «зонадон» æхсæнад ирон адæмы хæдбардзинад скуынæг кæнынмæ хъавой, уæддæр».

Президент банысан кодта, ацы чиныг мыхуыры рацæугæйæ, популярон кæй уыдзæн.

«Чиныг стыр тираж кæд нæу, уæддæр суыдзæн библиографион æгъдауæй тынг хъæугæ, уымæн æмæ ацы æмбырдгонды зонадон æвзагæй æмæ æрмæстдæр историон факттæ æмæ аргументтыл æнцойгæнгæйæ, мах райсдзыстæм ирон адæмы историон бындар уæвынады æвдисæнтæ, уый та у хуыздæр æвдисæн ирæтты бар дарынæн сæ историмæ», — загъта Бибылты Анатоли.

Президент банысан кодта, зæгъгæ, цæттæ у Хуссар Ирыстоны иннæ зонадон архайджыты фарсмæ дæр балæууынмæ.

Гаглойты Юри йæхи ‘рдыгæй бузныг загъта Президентæн чиныг рауадзынæн йе ‘ххуысы тыххæй. Чиныг «Нартæ æмæ Алантæ»-йы презентаци уыдзæн Цхинвалы æввахс рæстæджы.

Республикæ Хуссар Ирыстоны 

Президенты пресс-службæ

Comments are closed, but trackbacks and pingbacks are open.