Интервью Республикæ Хуссар Ирыстоны Президент Бибылты Анатолиимæ, кæцы радзырдта Донбассы республикæтимæ  йæ паддзахады ахастыты, Украинæйы Саакашвилийы хъуыддæгтæм ирæттæ сæ хъус куыд дарынц, уый тыххæй æмæ 08.08.08 хæсты украинæгты хайадисты тыххæй.

— Абхаз æмæ Приднестровьейæ хъауджыдæр Хуссар Ирыстон цæмæн банымадта Донецк æмæ Луганскы Адæмон Республикæты хæдбардзинæдтæ? Цахæм хъуыдытæй къухдариуæг кодтай?

— Мæн уырны, Донецкы Адæмон Республикæ æмæ Луганскы Адæмон Республикæйы æндæр бæстæтæ дæр тагъд кæй банымайдзысты. Дыууæ республикæйæн дæр ис политикон, социалон æмæ экономикон рæзты ресурс, адæмы дæр фæнды цæрын æмæ сæ республикæты аразын, уый æнæфæхатгæ ма хъуамæ баззайа дунейæн.

Донецкы Адæмон Республикæ дæр æмæ Луганскы Адæмон Республикæ дæр сты паддзахадтæ, цыран ис хицауиуæгад æмæ паддзахаддзинады æппæт атрибуттæ, цыран адæм, æцæгæйдæр, тырнынц размæцыдмæ æмæ кæцыты Хуссар Ирыстон исы, куыд дунеон барады субъекттæ, афтæ.

Хуссар Ирыстон банымадта Донецкы æмæ Луганскы Адæмон Республикæты хæдбардзинадтæ, уымæн æмæ йæ мах æмбарæм уыдонæн Хуссар Ирыстоны фарсхæцынад куыд ахсджиаг у.

Мах нæхæдæг дæр уыцы фæндæгтыл рацыдыстæм, абон Донбассы цы цаутæ цæуы — тыхджындæр сыхаджы æрдыгæй агресси, паддзахадон терроризм, цыран сабыр цæрджыты ныхмæ теракттæ аразынц, бар кæмæн нæй, ахæм организацитæ нæ, фæлæ официалон структурæты барамындæй.

Æппæт уыдæттæн бынат уыд Хуссар Ирыстоны дæр. Уый фæстиуæгæн уыцы республикæты хæдбардзинадтæ банымайыны уынаффæйы фарс рахæцыдысты Хуссар Ирыстоны адæм дæр.

Банысан кæнын хъæуы уый, æмæ Донецкы æмæ Луганскы Адæмон Республикæты хæдбардзинадтæ банымайгæйæ, мах хъуыды кодтам рæстдзинадыл, уымæй дæр дунеон барады нормæтæ æххæст кæнгæйæ. Республикæты банымады фæстæ сарæзтам бадзырдтæ, сразыдзинæдтæ. Рæзынц ахастытæ абон дæр.

Донецкы æмæ Луганскы Адæмон Республикæтимæ æмгуысткæнынады потенциал у тынг бæрзонд политикон, экономикон æмæ социалон здæхтыты.

— Ды фембæлдтæ Донецкы æмæ Луганскы Адæмон Республикæты къухдариуæггæнджытæ Александр Захарченко æмæ Игорь Плотницкиимæ, афтæ ма Донецкы æмæ Луганскы Адæмон Республикæты паддзахадон æмæ æфсæддон архайджытимæ дæр. Цы тæлмæнтæ дæм сæвзæрын кодтой уыдон?

— Донецкы Адæмон Республикæмæ ацыдтæн официалон æмæ хæларадон балцы. Александр Владимиры фыртимæ нæ ахастытæ æрмæст хæларадон паддзахадты къухдариуæггæнджыты ахастытæ не сты, фæлæ ма сты хисæрмагонд, æфсымæрон ахастытæ дæр. Мах нæ дыууæ дæр сæрыстыр стæм, нæ бинонты ‘хсæн дæр хæлар ахастытæ кæй ис, уымæй.

Александр Владимиры фырт у стыр патриот æмæ куыстуарзаг адæймаг, æнæ-къæм авторитетимæ, кæцы йæхи æгасæй дæр снывонд кодта йæ Райгуырæн бæстæйæн лæггад кæнынæн. Йæ къухдариуæгадæй Донецкы Адæмон Республикæ уыцыиурæстæджы тох кæны Киевы режимы агрессийы ныхмæ дæр, æн-дидзын кæны кондад, æппæт зындзинæдтæм нæ кæсгæйæ, аразы сабырадон цард.

Игорь Венедикты фыртимæ дæр иу æмæ дыууæ хатты нæ фембæлдыстæм. Ам, Хуссар Ирыстоны дæр, Луганскы дæр. Луганскы Адæмон Республикæйы сæргъ-лæууæг нæм æрцыд, Президенты бынатмæ куы бацыдтæн, уыцы церемонимæ дæр. Уый йе ‘ппæт тыхтæ аздæхта экономикон, социалон проблемæтæ скъуыддзаг кæнынмæ, уыцы æфсымæрон паддзахады ныхмæ цы паддзахадон террор арæзт цæуы, уымæ нæ кæсгæйæ.

Луганскы Адæмон Республикæйы дæр æмæ Донецкы Адæмон Республикæйы дæр паддзахадон æмæ æфсæддон архайджытæ фыццаджы фыццаг сты патриоттæ. Уыдон кусынц вазыгджын уавæрты æмæ, æз куыд бамбæрстон, афтæмæй тынг æнгомæй.

Донбассы адæммæ мын ис цыты ахаст. Уыдон сты кусаг адæм, æппæт зындзинæдтæм нæ кæсгæйæ, уыдон зонынц цæрын дæр æмæ аразын дæр.

— Радзур-ма Донецкы æмæ Луганскы Адæмон Республикæтимæ Хуссар Ирыстоны экономикон бастдзинæдты тыххæй. Уыцы республикæтæй уæ бæстæ цахæм товартæ ласы? Уырдæм та цахæм товартæ æрвыстæуы?

— Ныртæккæ уал фылдæр дзурæн ис, цы бангон сферæ æрбæстон кæныныл архайæм, уый рæзты тыххæй.

Экономикон ахастытыл куы дзурæм, уæд ныртæккæ цалдæр проктыл цæуы куыст. Донецкы Адæмон Республикæйы цæттæ сты, Хуссар Ирыстоны цы товартæ уадзынц, уыдон Донбассмæ ласынмæ, афтæ Хуссар Ирыстон дæр цæттæ у Донецкы Республикæйы рауагъд продукцийы Хуссар Ирыстоны уæй кæнынмæ. Фыццаг уал Донецкмæ аластæуыдзæн нæ минералон дон, уый фæстæ та, ныфс мæ ис  æндæр товартæ дæр.

Луганскы Адæмон Республикæйыл куы дзурæм, уæд, æрæджы Луганскы цы экономикон форум ауагъдæуыд, уым райст æрцыд уынаффæ, цыран дзырд цыд, цæмæй Луганскы Адæмон Республикæ æмæ Республикæ Хуссар Ирыстон саразой сразыдзинæдтæ экономикæйы фадыджы æмгуысткæнынады тыххæй æмæ бахатой æмæ йæ бавдисой республикæты къухдариуæгадтæм сразы сыл уæвыны тыххæй. Ныртæккæ уыцы проектыл куыст цæуы.

— Хуссар Ирыстон æмæ Донбассы республикæты ‘хсæн æфсæддон æмгуысткæнынадæн бынат ис? Кæд ис, уæд цахæм у?

— Хæлардзинад, æмгуысткæнынад æмæ кæрæдзийæн æххуысы тыххæй стыр фæлгæтджын бадзырдмæ гæсгæ, кæцы арæзт æрцыд нæ республикæты ‘хсæн, мах не ‘мгуыстады никæцы фадыджы къуындæг кæнæм, уыцы нымæцы æфсæддон фадыджы дæр.

— Хуссар Ирыстонæй цал бархионы уыд хæсты Донбассы?

— Нæй дзурæн, Донецкы æмæ Луганскы Адæмон Республикæты цы бархионтæ уыд, уыдоны дырыс нымæцыл. Абон дæр ис бирæ адæм, кæцыты тынг фæнды, сæ царды бартæ хъахъхъæныны тыххæй чи тох кæны, Донбассы уыцы адæмæн баххуыс кæнын. Фæлæ Хуссар Ирыстон официалонæй уырдæм бархионты нæ арвыста, æмæ уый тыххæй Донбассы адæмæн лæггад кæнынмæ чи ацыд, уыдоны нымæц бæрæг нæу, фæлæ уыдон дзæвгар сты.

— Ды дæ хъус дарыс, Хуссар Ирыстон йæ хъус дары, Украинæйы Саакашвили цы хъуыддæгтæ аразы, уыдонмæ, польшæйаг-украинаг арæныл æнæ-закъонæй кæй ахызт, уымæ? Украинæйы ныры къухдариуæгадæн цы бацамондзынæ, Михойæн цы саразын хъæуы, уый тыххæй? 

— Хуссар Ирыстоны зонынц Гуырдзыстоны раздæры президенты хъуыддæгты тыххæй, йæ хайадистæй цы цаутæ цæуы, уыдон сæм фылдæр фæкæсынц анекдоты хуызæн. Фæлæ уыимæ уыцы политикы æнæадекватондзинад рæзы, æмæ уый, гæнæн ис, тæссаг уа, цы адæмы ‘хсæн цæры, уыдонæн, гуырдзиаг адæмæн куыд тæссаг уыд, афтæ.

Михаил Саакашвили ис, хæстон фыдракæндтæ чи сарæзта, уыдоны номхыгъды. Уыцы номхыгъдтæ Хуссар Ирыстоны Генералон прокуратурæ арвыста сæ уæрæсейаг коллегæтæм.

Киевы хицауиуæгадæн æз бацамонин Саакашвилийы Хуссар Ирыстонæн радтын, цæмæй уый дзуапп радта, адæймагады ныхмæ цы фыдракæндтæ сарæзта, уыдоны тыххæй. Уымæй Украинæйы хицауиуæгад раст бакæнид æмæ йæхицæй сисид иу чысыл бæрндзинады уæз Гуырдзыстонмæ хæцæнгæрзтæ æрвитыны тых-хæй, кæцытæй Гуырдзыстон спайда кодта Хуссар Ирыстоны сабыр цæрджыты ныхмæ.

— 08.08.08. хæсты украинаг хæстонтæ хайад райстой æви нæ,  уый тыххæй Хуссар Ирыстоны къухдариуæгад фæдагуырдгæнæн куыстытæ ауагъта? Бæрæг æрцыд, уыдон цы здæхтыты хæцыдысты, уый?

— Ахæм фæдысгарæн куыстытæ конд цыдысты 2008 азы Республикæ Хуссар Ирыстоны территорийыл арæзтæрцæуæг фыдракæндты иумиаг фæдысгæрсты фæлгæтты. Бæрæг æрцыд Украинæйы националистон змæлды хайадист, æрмæджытæ æмбырд æрцыд, Хуссар Ирыстонæй Гуырдзыстоны контролы бын цы территори уыд, уым украинаг æххуырст хæстонтæ, УНА-УНСО-йы организацийы уæнгтæ кæй уыдысты, уый тыххæй.

Фæдысгæрсты бæрæггæнæнтæм гæсгæ, уыдон æнгомæй архайдтой, куыд Гуырдзыстоны официалон хæстон структурæтимæ, афтæ æндæр бæстæтæй æххуырст хæстонтимæ дæр. Сæ фыссæн чингуыты нысан уыдысты партизанон æмæ диверсион хæсты мадзæлттæ.

Уыимæ иумæ, куыд ма загътон, афтæмæй Гуырдзыстон Хуссар Ирыстоны сабыр цæрджыты ныхмæ спайда кодта, Украинæ йын цы уæззау хæстон техникæ радта, уымæй. 2008 азы августы хæсты Украинæ хайад кæй иста, уый тыххæй фæдысгарæн куыстытæ ауагъта Сæйраг Радæйы къамис дæр, кæцы аскъуыддзаг кодта, зæгъгæ, Гуырдзыстонæн Украинæ цы хæцæнгæрзтæ радта, уыдоны гуырахст уыд, хъахъхъæнынæн цы хъуыд, уымæй бирæ фылдæр, уыдон уыдысты размæбырстæн хæцæнгæрзтæ, кæцы расайдта агресси райдайын.

Александр Чаленко, «Русская Весна»

Comments are closed, but trackbacks and pingbacks are open.