Республикæ Хуссар Ирыстоны Президент Бибылты Анатоли хайад райста Боливариаг Республикæ Венесуэлæйы Президент Николас Мадуройы инаугурацийы церемонийы.

Ард бахæрыны церемони уагъд æрцыд Венесуэлæйы Сæйраг тæрхондоны залы.

Инаугурацийы церемонийы хайад райстой Боливийы Президент Эво Моралес, Сальвадоры Президент Сальвадор Санчес Серен, Хуссар Ирыстоны Президент Бибылты Анатоли, Абхазы Президент Рауль Хаджимба, Кубæйы сæргълæууæг Мигель Диас-Канель æмæ  бирæ æндæр бæстæты делегацитæ.

Николас Мадуройы инаугурацийы цытæн форт “Тиана”-йы æфсæддон академийы уагъд æрцыд парад.

Республикæ Хуссар Ирыстоны Президент Венесуэлæйы ис дыууæбонон визитимæ, кæцыйы рæстæджы фембæлд Латинаг Америкæйы къорд бæстæты лидертимæ.

РХИ-йы делегацийы сконды сты РХИ-йы Фæсарæйнаг хъуыддæгты министр Медойты Димитр, РХИ-йы Президенты Паддзахадон уынаффæгæнæг Коцты Константин, Боливариаг Республикæ Венесуэлæйы РХИ-йы Уæлвæткон æмæ Æххæстбарджын минæвар Козаты Нарим.

 

Comments are closed, but trackbacks and pingbacks are open.