Ацы азы кæронмæ Цхинвалы хæрзарæзт æрцæудзысты 13 уынджы. РХИ-йы Арæзтад, архитектурæ æмæ цæрæнуатон-коммуналон хæдзарады министры хæдивæг Гаглойты Сергейы ныхæстæм гæсгæ, цалцæгкæнинаг уынгты куыстытæ æххæст цæуынц активонæй.

«Джиоты Дауыты уынджы æвæрд æрцыд асфальты дыккаг фæлтæр, Аргъуаны фæзуаты æмæ Скъолайы уынджы та — иу фæлтæр. Уымæй дарддæр ма цалцæггæнæн куыстытæ æххæст цæуынц Кировы, Калинины, Герцены, Дзауы уынгты», — радзырдта Гаглойты Сергей.

Колыты Аксойы æмæ Сомихы уынгты фæуд кæнынц инженерон газы хызæгтæ бауадзыны куыстытæ æмæ æввахс бонты райдайдзысты уынгты хæзарæзтадон куыстытæ. «Æппæт куыстыты генералон подрядон у республикон паддзахадон унитарон куыстуат «Дорэкспострой» æмæ фактон æгъдауæй та объектты кусынц субподрядонтæ — сæйраджыдæр бынæттон цæрджытæ», — загъта Арæзтады министры хæдивæг.

Йæ ныхæстæм гæсгæ, Арæзтады министрад иумиагæй райгонд у куыстыты темптæй. «Адæймæгты нымцæмæ æмæ техникæйы уæвынадмæ гæсгæ, кусджытæ æххæссынц сæ хæстыл. Бирæ уынгты куыстытæ æххæст цæуынц графикæй раздæр. Уыдон хъуамæ фæуой ноябры кæронмæ. Документаци саразын, фæндæгты нысæнттæ сæвæрын хъуамæ æххæст æрцæуой ацы аз декабры фыццаг æмбисмæ», — банысан кодта Гаглойты Сергей.

 

 

Comments are closed, but trackbacks and pingbacks are open.