Хицауады Сæрдар Пухаты Эрик æмæ Æнæниздзинад хъахъхъæнын æмæ социалон рæзты министр Тотчиты Георгийы фембæлды сæйраг темæтæй иу уыд Арцеу æмæ йе ‘ввахс хъæуты медицинон лæггæдтæ фæхуыздæр кæнын.  Æмбырды хайад райстой йæ хæдивæг Цоциты Аллæ, РХИ-йы æнæниздзинад хъахъхъæныны фарстаты фæдыл Æнæниздзинад хъахъхъæныны министры уынаффæгæнæг Игорь Галь æмæ ПУК «Югосетмедпрепараты»-йы  директор Джиоты Фатимæ .

Райдианы уынаффæ кодтой Цхинвалы районы цæугæ рабадты фæстиуджытыл. Сæрмагондæй,  Громы хъæуы медпункты кусæг дохтыры  раивын йæ улæфты рæстæджы, йæ бæрны ма йын æртæ хъæуы — Арцеу, Икъорта æмæ Отъреуы цæрджытæн медицинон лæггæдтæ бакæнын, транспорт ын куы уа, уæд. Арцеуы хъæуы медпункты тыххæй аскъуыддзаг кодтой ног бæстыхай саразын, зæронд бæстыхай аварион уавæры кæй ис, уый тыххæй, кæцыйы тыххæй ныридæгæн агуырд цæуынц æхцайы фæрæзтæ.

Дзырд цыд районы медицинон æххуыс фæхуыздæр кæныны тыххæй, сæрмагондæй та, дохтырты ‘хсæн фадгуытæ æмхуызон адих æмæ медпунктты транспортæй сифтонг кæныныл.

Фембæлды рæстæджы дзырд цыд хосгæнæн-профилактикон уагдæтты арæзтадон куыстыты графикыл дæр æмæ рынчынты хатырон категорийы фаг медицинон препараттæй сифтонг кæныныл. Уый фæстиуæгæн æруынаффæ кодтой ПУК «Югосетмедпрепараты»-йы  куысты эффективондзинадыл, кæцы у иунæг паддзахадон организаци æмæ дзуапп дæтты  паддзахадон аптекæтæн медицинон препараттæ æлхæныны тыххæй, афтæ ма Æнæниздзинад хъахъхъæныны министрад цы хостæ æлхæ-ны, уыцы хосгæнæн фæрæзты æфснайын æмæ сæ  дих кæныны тыххæй.

РХИ-йы Хицауады официалон сайт

Comments are closed, but trackbacks and pingbacks are open.