Республикæ Хуссар Ирыстоны Хицауады Сæрдар Пухаты Эрик ауагъта æмбырд районон администрациты сæргълæуджытимæ, æнæниздзинад хъахъхъæныны, ахуырады, мидхъуыддæгты, уæлвæткон уавæрты министрадты æмæ сезонон инфекцион низты профилактикæйы фарстыты фæдыл эпидемиологон службæйы къухдариуæггæнджытимæ.

Грипп æмæ карз респираторон вирусон инфекцийæ фæрынчыны цауты тыххæй доклад сарæзта республикæйы сæйраг санитарон дохтыр Коцты Маринæ.

Иумæйагæй уый эпидемиологон уавæр фаронимæ абаргæйæ рахуыдта рогдæр, æмæ ма банысан кодта, зæгъгæ, медицинон кусджыты хыгъдтæм гæсгæ, низты æнæуагон уавæр бæрæг не ‘рцыд.

Азы райдианæй нысан æрцыд æрмæстдæр дыууæ цауы æнæрынчындонон пневмонийы тыххæй, кæцытæ сты, грипп кæй фæкарздæр ис, уый фæстиуæг. Низы атипикон хуызтæ, кæнæ та мæлыны цаутæ нысан не ‘рцыдысты», – загъта сæйраг санитарон дохтыр.

Уымæй уæлдай ма уый фехъусын кодта, зæгъгæ, Цхинвалы, Дзауы, Гуфта, Хуыце, Терегуан, Зар, Къостайы, хъæуты скъолатæ æмæ Дменисы хъæуы сабидон æхгæд æрцыдысты карантины 1 февралмæ профилактикон нысæнтты тыххæй.

Грипп æмæ карз респираторон вирусон инфекци апарахт кæныны ма руадзыны фæдыл мадзæлтты тыххæй радзырдта Æнæниздзинад хъахъхъæныны æмæ социалон рæзты минстр Тотчиты Георги.

Уый ныхæстæм гæсгæ, республикон инфекцион рынчындон у сæйраг уагдон, кæцы кæны  æппæт æнæмæнгхъæуæг æххуыс, грипп æмæ карз респираторон вирусон инфекцийæ чи фæрынчын, уыдонæн. Уым ис æппæт уавæртæ пациенттæ райсынæн.

Министр куыд банысан кодта, афтæмæй раздæр рынчытæ цыдысты республикон рынчындонмæ, кæцы фылдæр кодта низ апарахт кæныны тасдзинад.

«Низ ма апарахат кæнын æмæ эпидемийы рæзт аиуварс кæныны нысанæн гриппæй рынчын пациентты контингент ныртæккæ ис хицæн структурæйы, кæцы æнæмæнгхъæуæг у эпидемиологон ситуацийы тыххæй», – банысан кодта министр.

Уымæй уæлдай ма уый информаци радта æмбырды хайадисджытæн, республикон поликлиникæйы кæй кусы инфекцион кабинет, кæдæм сæ бон у бахатой грипп æмæ карз респираторон вирусон инфекцийы симтомтæ кæмæн ис, уыцы адæм.

Министр ма банысан кодта, зæгъгæ, хосгæнæн-профилактикон уагдæттæ кусынц карантинон режимы, уыдонмæ сæ хиуæтты цæуын у арæнгонд.

Точиты Георги  ма банысан кодта, зæгъгæ, æнæмæнгхъæуæг у конституцион закъæттæ карзæй æххæст кæнын, кæцытæ хауынц цæрджыты æнæниздзинадæй сифтонг кæнынмæ. 2013 азы «Инфекцион низты иммунопрофилактикæйы тыххæй» закъонмæ гæсгæ уагæвæрд чи не ‘ххæст кæна, уыдон райсдзысты административон æфхæрд куыстæй аиуварс кæныны хуызы инфекцион низтæ парахт кæныны рæстæджы.

Пухаты Эрик, банысан кодта, зæгъгæ, Хицауады сæ хъус дарынц, цæмæй медици-нон уагдæтты ма къаддæр кæна профилактикон æмæ хосгæнæн препараты бæрц, кусджыты индивидуалон хъахъхъæныны æмæ рынчынтæм кæсыны, дезинфекцион фæрæзтæ, ИВЛ аппараттæ. Афтæ ма профилон министрадтæ æмæ ведомствоты, районон администрациты къухдариуæггæнджытæн бахæс кодта, цæмæй сезонон грипп æмæ карз респираторон вирусон инфекцийы фæзындыл контроль кæныны фæдыл уадзой иумæйаг куыст.

Республикæ Хуссар Ирыстоны Хицауады пресс-службæ

Comments are closed, but trackbacks and pingbacks are open.