Республикæ Хуссар Ирыстоны Президент Бибылты Анатоли йæхимæ райста Приднестроваг Молдаваг Республикæйы РХИ-йы минæвар Витали Янковский æмæ Бенилюксы бæстæты РХИ-йы Фæсарæйнаг хъуыддæгты министрады минæвар Пухаты Радионы.
Фембæлды ма хайад райста РХИ-йы Фæсарæйнаг хъуыддæгты министр Медойты Димитр.
Паддзахады сæргълæууæг бузны-джы ныхæстæ загъта, Хуссар Ирыстоны минæвæрттæ Приднестроваг Молдаваг Республикæйы æмæ Европæйы бæстæты цы куыст кæнынц, уый тыххæй.
«Мах, кæй зæгъын æй хъæуы, нæ хъус дарæм æппæт цаутæм, кæцытæ цæуынц Приднестроваг Молдаваг Республикæйы, разы стæм, Вадим Красносельский цы фембæлдтытæ уадзы, цæмæй æдасдзинадæй ифтонг цæуа не ‘фсымæрон республикæ æмæ, кæй зæгъын æй хъæуы, æппæтдæр аразы социалон-экономикон здæхты рæзтæн. Æппæт уыдæттæ ахъаз кæнынц Приднестроваг Молдаваг Республикæйы фæрныгадæн. Мæн фæнды, цæмæй ды Вадим Николайы фыртæн зæгъай мæ арфæйы ныхæстæ æмæ ныфс бавæрай, Хуссар Ирыстоны курс Приднестроваг Молдаваг Республикæмæ ахасты кæй нæ ивы. Мах Приднестроваг Молдаваг Республикæ нымайæм æфсымæрон паддзахадыл. Кæй зæгъын æй хъæуы, Приднестровьейы адæмы нымайæм æфсымæрон адæмыл», – загъта Бибылты Анатоли.
Пухаты Радионимæ ныхас кæнгæйæ, Президент банысан кодта Европæйы Ирыстоны культурæйы бонтæ ауадзыны рæстæджы йæ куысты эффективондзинад.
«Радион Асаны фырт, дæ куыстыл дзургæйæ, мæ фæнды бузныджы ныхæстæ зæгъын уыцы культурон мадзæлтты тыххæй, кæцытæ фадат дæттынц Европæйæн, европæйаг адæ-мæн ноджы фылдæр базонын Хуссар Ирыстоны тыххæй. Уыцы куыст хъæуы адарддæр кæнын. Æнæмæнгхъæуæг у уæрæх æхсæнды базонгæ кæнын æрмæст нæ культурæимæ нæ, фæлæ политикон процесстимæ, кæцытæ цæуынц ам, дзурын хъæуы нæ рæзты æцæг сабыр æмæ нæ принципиалон здæхты тыххæй, кæцытæ сты æппæт нæ европæйаг коллегæтимæ ахастытæ срæвдз кæнынæн», – банысан кодта Бибылты Анатоли.
Йæ рады, Пухаты Радион радзырд-та ирон культурæйы боныл 10 азы сæххæсты цытæн плæнттæ уæрæхæй банысан кæныны тыххæй.
«Афтæ ма фидæн аз 10 азы сæххæст уыдзæн, Европæйы ирон культурæйы бонтæ уадзын куы райдыдтам, ууыл. Мах сарæзтæм бæрæг плæнттæ. Мæн фæнды ногдзинад бахæссын: Европæйы аланты фæдтыл æрзилын æмæ алайнаг цæрæн бынæттæ кæм уыд, уымыты равдыстытæ саразын æмæ бастдзинæдтæ æрбæстон кæнын», – загъта уый.
Паддзахады сæргълæууæг банысан кодта ацы проекты ахсджиагдзинад.
«Уый у тынг ахсджиаг, Европæйы ис ахæм паддзахадтæ, кæцыты абоны бон дæр цæрынц не ‘фсымæртæ æмæ сæхи нымайынц алантыл. Æрмæст афтæ нæ, куыд иннæ адæмтæ, фæлæ уыдон аланты фæдонтæ кæй сты, уый бæлвырдгонд у историкты ‘рдыгæй. Мах æй æмбарæм, кæй стæм кæддæр егъау адæмы иугонд, кæцы ныууагъта серьезон фæд Европæйы историйы. Уыцы бастдзинæдтæ мах хъуамæ рæзын кæнæм æмæ æвдисæм нæ иумæйаг культурæ æмæ истори. Уыцы здæхты мах цæттæ стæм ды цыфæнды фæндон дæр æрбавдисай, уымæн баххуыс кæнынмæ», – загъта Бибылты Анатоли.
РХИ-йы Президенты æмæ
Хицауады пресс-службæ
Comments are closed, but trackbacks and pingbacks are open.