Цæмæй равзæрыд Барамынд райсыны æнæмæнгхъæуындзинад?

Нæ фарстæн нын дзуапп дæтты РХИ-ы Президенты Паддзахадон уынаффæгæнæг  Сиукъаты Радион

– Цæмæй равзæрыд «2017-2021 азты рæстæгæн Республикæ Хуссар Ирыстоны Æнæниздзинад хъахъхъæныны рæзты концепци сфидар кæныны тыххæй» Республикæ Хуссар Ирыстоны Президенты Барамынд райсыны æнæмæнгхъæуындзинад?

– Паддзахады эффективон социалон политикæйы ахсджиагдæр бæрæггæнæнтæй сæ иу у æнæниздзинад хъахъхъæнын рæзын æмæ нацийы æнæниздзинад фидардæр кæнын. Республикæ Хуссар Ирыстоны Конституцимæ гæсгæ (50-æм статьяйы 39-æм пункт) Республикæ Хуссар Ирыстоны Президент Тыбылты Леониды №325 Барамындæй 2016 азы 26 декабры фидар æрцыд 2017-2021 азты рæстæгæн Республикæ Хуссар Ирыстоны Æнæниздзинад хъахъхъæныны рæзты концепци.

Концепцийы дырысæй нысан сты æввахсдæр 5 азы æнæниздзинад хъахъхъæныны системæйы раз республикæйы разамынад, сæрмагондæй РХИ-йы Президент цы нысæнттæ æмæ хæстæ æвæры, уыдон, цæмæй бæрзонддæр кæна æппæт æмвæзадтыл дæр медицинон æххуыс организаци кæныны эффективондзинад, эффективонæй пайда цæуа сырæзгæ æмæ арæзтцæуæг объектты ифтонггæрзтæй, кадрон потенциалæй.

Концепцимæ гæсгæ ивындзинæдтæ хаст цæуы «2013-2020 азтæн РХИ-йы æнæниздзинад хъахъхъæныны рæзты» Программæ, 2012-2016 азты бакæнгæ куыст, бæстæйы разамынады æрæвæргæ нысæнттæ æмæ хæстæ хынцгæйæ.

Концепци у къабазы базæйон документ, кæцыйы амынд сты Æнæниздзинад хъахъхъæныны фæдыл паддзахадон политикæйы приоритеттæ æмæ сæйрагдæр здæхтытæ. Концепци сбæлвырд кодта æнæниздзинад хъахъхъæныны сæйрагдæр векторты, цæмæй ифтонг цæуа алкæмæндæр медицинон æххуыс райсын æмæ медицинон лæггæдты эффективондзинад бæрзонддæр кæнын, кæцыты гуырахст, хуызтæ æмæ гъæд хъуамæ дзуапп дæттой цæрджыты рынчындзинад æмæ домæнтæн, æнæниздзинад хъахъхъæныны æмæ медицинон зонады раззагондæр æнтыстытæн.

Республикæ Хуссар Ирыстоны Президенты Барамынды бæлвырд æрцыдысты æнæниздзинад хъахъхъæныны рæзты нысанмæздæхт бæрæггæнæнтæ, æнæниздзинад хъахъхъæныны къабазы паддзахадон политикæйы реализаци ифтонггæнæг мадзæлттæ,  къабазæн разамынд кæныны системæ хуыздæр кæнын, æнæниздзинад хъахъхъæныны къабазы куыстæй республикæйы æмбæстæгты райгонддзинад бæрзонддæр кæнын, царды астæуккаг дæргъвæтиндзинад фæфылдæр кæнын, гуырындзинад бæрзонддæр кæнын æмæ цæрджыты бæрцы æрдзон рæзт ифтонг кæнын.

Республикæ Хуссар Ирыстоны Президенты Барамынд æххæст гуырахстæй æмæ сифдаргонд æмгъуыдты реализаци кæнын у, РХИ-йы æххæсткæнынадон хицауиуæгады органты раз чи лæууы, ахæм ахсджиагдæр хæс. Барамынд реализаци кæныны координаторæй бæлвырд æрцыд Республикæ Хуссар Ирыстоны Президенты Администраци.