Республикæ Хуссары Ирыстоны Хъахъхъæнынады министр инæлар-лейтенант Гассеты Ибрагимы бардзырдмæ гæсгæ Цхинвалы гарнизоны æфсад æрæвнæлдтой Стыр Фыдыбæстæйон хæсты фæуæлахизыл 72 азы сæххæсты цытæн æфсæддон парадмæ цæттæ кæнынмæ. Уый тыххæй фехъуысын кода РХИ-йы Хъахъхъæнынады министрады пресс-службæ.
«Абонæй фæстæмæ репетицитæ цæудзысты Республикæ Хуссар Ирыстоны территорийыл уæвæг Уæрæсейы Федерацийы 4-æм гвардион æфсæддон базæйы плацыл», – зæгъынц ведомствæйы.
Уæлахизы парад уыдзæн горæт-хъайтар Цхинвалы 9-æм майы.
«Парады архайдзысты Цхинвалы гарнизоны æфсæдтæ, Хуссар Ирыстоны Мидхъуыддæгты министрады, Республикæйы паддзахадон æдасдзинады комитеты Арæнгæрон службæйы, Æмбæстагон хахъхъæнынады, Уæлвæткон уавæрты æмæ æрдзон æнамонддзинæдтæ иуварс кæныны хъуыддæгты фæдыл министрады, Уæрæсейы Федерацийы 4-æм гвардион æфсæддон базæйы дæлхæйттæ», – бæлвырдæй загътой пресс-службæйы.
Уæлахизы парады генералон репетици æнæ хæстон техникæйæ ауагъдæуыдзæн 28 апрелы, хæстон техникæимæ та – 4-æм æмæ 6-æм майы.
Республикæйы Хахъæнынады министрады медслужбæ скæндзæн медицинон ифтонгдзинад парад уадзыны æмгъуыды.
Comments are closed, but trackbacks and pingbacks are open.