Цхинвалы байгом æрцыд Къадзты Вадимы куыстыты равдыст «Фыдæлты сидт»

Ацы бонты Цхинвалы байгом не ‘мбæстаг, зындгонд нывгæнæг Кадзты Вадимы нывты равдыст «Фыдæлты сидт», зæгъгæ, ахæм номимæ.

Равдыстмæ  фыццаг хатт хаст æрцыдысты, цыдæриддæр ын ирон адæмы рагфыдæлтæ-скифтæ, сæрмæттыл конд нывтæ уыд, уыдон.

Ацы равдысты ма æвдыст æрцыдысты зындгонд ирон скульптор Кæсæбиты Андрейы  куыстытæ.

Равдыстмæ æрбацыдысты Республикæ Хуссар Ирыстоны Президент Бибылты Анатоли æмæ Хицауады уæнгтæ. Бæстæйы сæргълæууæг равдысты   хъуыддаг банысан кодта, куыд бæрæгбон, афтæ æмæ банысан кодта, зæгъгæ, Донецкы горæты стырдæр аргъуаны, цы нывтæ ис, уыдон дæр Къадзты Вадимы куыст сты æмæ йыл стыр тæлмæнтæ ныууагъта. «Къадзты Вадим ахæм диссаджы нывгæнæг у æмæ бынтондæр хуызфыссынад чи нæ æмбары, уыдоны зæрдæты дæр бацагайынц йæ диссаджы мидисджын куыстытæ. Кæсæбиты Андрейы алкæцы куыст дæр хицæн кæны дæсны скульпторы алыгъуызон фидаугæ æмæ бæзгæ ахастытæй. Скульпторы куыстытæ дæр стыр тæлмæнтæ уадзынц адæймаджы зæрдæйы», – банысан кодта Президент.

Равдысты дыууæ авторæн дæр арфæйы ныхæстæ загъта Республикæ Хуссар Ирыстоны Нывгæнджыты цæдисы сæрдар Цхуырбаты Тамерлан. «Нывгæ-нæгæн йæ куыстыты равдыст у, куыд йæ райгуырæн бон, афтæ. Уымæн вæййы уæлдай æхсызгон-дæр ацы хъуыддаг. Æмæ уыцы æхсызгон хъуыддаг дих кæнынц Ирыстоны адæмимæ, се ‘ввахс адæмимæ», – загъта Цхуырбаты Тамерлан.

Цытджын равдыст гом кæн-гæйæ, традицимæ гæсгæ сырх лентæ алыг кодтой Президент Бибылты Анатоли æмæ Цхуырбаты Тамерлан.

Равдыст «Фыдæлты сидт»-ы Къадзты Вадим адæмы размæ рахаста 40 куысты бæрц. Уыдо-нæн сæ фылдæримæ фыццаг хатт зонгæ кæнынц цхинвайлæгтæ. Æппæт уыцы нывтыл Къадзты Вадим куыста студентон азты рæстæджы, афтæ ма институт каст фæуыны рæстæджы дæр. Раздæр Къадзты Вадимы персоналон равдыст уагъд цыд Тугъанты Махарбеджы номыл цæгатирыстойнаг аивадон музейы. Банысан кæнын хъæуы уый æмæ Къадзты Вадим кæй у Петербурджы нывкæ-нынады академийы монументалон хуызфыссынады рауагъдон. Уый цæры æмæ кусы Санкт-Петер-бурджы. Æрыгон нывгæнæджы нывтæ сты сæрмагонд коллекциты дунейы алы рæтты.

Къадзты Вадим у Хуссар Ирыстоны сгуыхт нывгæнæг æмæ Уæ-рæсейы Федерацийы Нывгæн-джыты цæдисы уæнг.