Республикæ Хуссар Ирыстоны Президент Бибылты Анатоли арфæйы тел арвыста Республикæ Никарагуайы Президент Даниэль Ортегамæ Сандинистон революцийы уæлахизыл 41 азы сæххæсты цытæн.
Арфæйы телы дзырдæуы:
«Зынаргъ Президент Ортега! Зынаргъ никарагуайаг æфсымæртæ æмæ хотæ!
Мæнæн тынг æхсызгон у, ацы фадатæй спайда кæнгæйæ, Никарагуайы æппæт адæмæн раарфæ кæнын æфсымæрон Хуссар Ирыстоны номæй Сандинистон революцийы уæлахизыл 41 азы сæххæсты цытæн.
Кавказ æмæ Централон Америкæ, Хуссар Ирыстон æмæ Никарагуайы сæ кæрæдзийæ хицæн кæны егъау дæрддзæг – дыууадæс мин километры, фæлæ уый ныхдур нæу нæ адæмы хæлардзинадæн.
Тиранийы ныхмæ, никарагуайаг адæмы тохы рæстæджыты, кæцы фидар æрцыд империалистон интервенцийы фæрцы, Хуссар Ирыстоны фæзынд Никарагуаимæ æмуддзинады змæлд. Революцийы хъуыддагмæ никарагуайæгты хъæбатырдзинад, хъæддыхдзинад æмæ æнувыддзинад æвзарын кодтой стыр кад.
Куыд нæ адæмæн, афтæ иннæ адæмтæн дæр, нациты æмбарады идеалтæ, сæрибардзинады, адæмы хицауиуæгад æмæ социалон æмбарады идеалтæ чи дих кæны, 1979 азы июлы мæйы Сандинистон революцийы уæлахиз ссис цины æмæ удцырынады цау.
Революцион тохы рæстæджы, ног цард аразын, империалистон агрессорты террорæй хъахъхъæныны рæстæджы Никарагуайæн чи æххуыс кодта, уыцы бæстæты ‘хсæн уыдис нæ Фыдыбæстæ – Советон Цæдис дæр, кæцы уæды рæстæджы Никарагуайæн бакодта ахсджиаг æххуыс.
Сандинистон революцийы уæлахизыл 40 азы сæххæсты цытæн Никарагуайы юбилейон мадзæлтты хайад райсгæйæ, мæнæн тынг æхсызгон уыд никарагуайаг адæмы тох æмæ революцийы сæрыл æрхæсгæ амæттæгтæ æнæхъуаджы кæй нæ фесты. Никарагуайаг адæмы къухы бафтыд, сæрибардзинад равзаргæйæ æмæ бахъахъхъæнгæйæ, диссаджы æнтыстытæ.
Бæстæйы социалон-экономикон рæзт, алыгъуызон фадгуыты йе ‘нтыстытæ, дунеон æмæхсæнады бæстæты ‘хсæн йæ аккаг бынат æмæ ахсджиаг нысаниуæг – æппæт уыдæттæ æххæст æрцыдысты революцийы уæлахизы фæрцы.
Уыцы æнтыстытæ уаиккой ноджы фылдæр, Никарагуайы æрдзон хæзнаты эксплуатацийæ æфтиæгтæ чи фесæфта, йæ зæрдæмæ кæмæн нæ цæуы æцæг суверенитеты æмæ паддзахады цæвиттон, кæцы кусы йæ адæмы хорздзинады сæраппонд, уыдоны агрессивон ныхмæлæуд куыннæ уыдаид, уæд.
Мах ныфс ис, цыфæнды зындзинæдтæ дæр Никарагуайы кæй нæ аздахдзысты йæ равзаргæ фæндагæй. Никарагуайы сæрыстыр адæм никæмæн ратдзæн йæ æнтыстытæ байсыны бар. Уыцы сабыруарзаг, фæлæ хъæбатыр адæм иу æмæ дыууæ хатты не сбæлвырд кодтой, цæттæ кæй сты сæ Райгуырæн зæххы сæрыл тох кæнынмæ, сæ хъысмæты хицау уæвынмæ, уый æмæ уый мидæг ис хорз фидæны бындур.
Зынаргъ никарагуайаг хæлæрттæ!
Хуссар Ирыстоны Хицауад æмæ йæ адæмы номæй уын арфæ кæнын Сандинистон революцийы уæлахизыл 41 азы сæххæсты цытæн! Мæ цæст уарзы Никарагуайы æппæт адæмæн ног æнтыстытæ, сабырад æмæ дидинæфтыд. Уадз азæй-азмæ никарагуайаг зæххыл цард хуыздæр кæнæд!»
Comments are closed, but trackbacks and pingbacks are open.