Фæскавказы æдасдзинады фæдыл Женевæйы дискусситы дунеон организациты минæвæрттæн фембæлд дунеон уыд дискусситы хайадисæг хуссарирыстойнаг делегацийы уæнгтимæ.

Хуссар Ирыстонæй делегацийы сæргълæууæг, постконфликтон фарстатæ бæстонкæнынады фæдыл РХИ-йы Президенты æххæстбарджын минæвар Джиоты Мураты ныхæстæм гæсгæ, уыдон ныфс ис,  дискусситы боны фæткыл цæттæгæнæн куыст кæй уыдзæн æнтыстджын, кæцы уагъд цæудзæн ацы аз октябры мæйы. Уымæн æмæ Женевæйы дискусситы раз цы хæстæ ис, уыдон регионы æдасдзинад ифтонг кæнынæн сты ахсджиаг.

«Женевæйаг процессы позитивон æнтыстытæм нæ кæсгæйæ, нæ разы цы сæйраг æмæ æвæджиаг хæс ис — тыхæй ма спайда кæныны тыххæй юридикон бæрнджын документ бацæттæ кæныны фæдыл, уымæй мах ныфс ис, æмæ иумæйаг тыхтæй са-раздзыстæм ахсджиаг къахдзæф размæ», — дзырдта Мурат.

Æххæстбарджын минæвар куыд банысан кодта, уымæ гæсгæ  фæстаг дыууæ раунды фæрстæн бантыст æнтыстджын куыст бакæнын. Фæзынд сын фадат æмæ сæ ныфс ис, дискусситы хайадисджыты иумиаг хъусынгæнинаг — тыхæй ма спайда кæныны принципыл иузæрдиондзинадыл ацы раунды æххæст куыст æрцæудзæн æмæ дæргъвæтин рæстæджы цы хъусынгæнинагыл цæуы куыст, уый ацы раунды официалонæй загъд æрцæудзæн.

Джиоты Мурат баныфсæвæрдта, зæгъгæ, хуссарирыстойнаг делегаци цæттæ кæй у æнтысджын куыстмæ.

«Алы хатт дæр Женевæмæ мах цæуæм иу нысанæн æмæ нæ къухдариуæгады бахæсмæ гæсгæ конструктивон куыст бакæнын у Женевæйы дискусситы сæйраг хæс — Гуырдзыстоны ‘рдыгæй Хуссар Ирыстоны адæмы æдасдзинад ифтонг кæныныл юридикон æгъдауæй бакусын», — банысан кодта Мурат.

ИНО-йæ æмсæрдар Антти Турунен банысан кодта бæрæг механизмтæ саразыны æнæмæнгхъæуындзинад, кæцытæн тых уыдзæн хъаугъа æрбæстон кæнынæн. «Махæннæ хæс у конструктивон дискусситæ уадзын, форматы нын цы æртæ сæйраг фæткойы ис, уыдон бындурыл».

ЕÆÆО-йæ æмсæрдар Гюнтер Бехлер бузныг загъта хуссарирыстойнаг фарсы хъарм райсты фæдыл æмæ банысан кодта, Инциденттæм хъусдард здахын æмæ ма руадзыны фæдыл механизмты фæлгæтты фæстаг фембæлд кæй уыд продуктивон. Хæцын, зæгъгæ, уæ фæндоны фарс, цæмæй Женевæйы дискусситы радон 41 раунд дæр уа ахæм продуктивон. Уый ма банысан кодта, зæгъгæ, тыхæй ма спайда кæныны фæдыл документыл къухтæ бафыст сын у, регионы æдасдзинад ифтонг кæныны æнæмæнгхъæуæг хæстæй сæ иу.

Фембæлдæн фæстиуджытæ аразгæйæ, ИНО-йæ æмсæрдар Антти Турунен ноджыдæр банысан кодта тыхæй пайда кæй нал æрцæудзæн, уыцы документ бацæттæ кæныны ахсджиагдзинад.

«Регионы æдасдзинадæн тæссагдзинæдтæ ис, уымæ нæ кæсгæйæ уавæр у сабыр, стабилон. Ныфс нæ ис æмæ цыфæнды æндыгъддзинад дæр кæй æруромдзыстæм», — загъта уый.

Уый куыд дзырдта, уымæ гæсгæ æмсæрдæрттæ банысан кодтой радон раунды æбæрæгæй сæфт æмбæстæгты æмæ лигъдæттимæ баст фарстытыл уынаффæ кæныны ахсджиагдзинад. Мах, зæгъгæ, æруынаффæ кодтам бирæ фарстатыл æмæ ахсджиаг у, хуссарирыстойнаг хайадисджытæ ноджыдæр кæй бафидар кодтой женевæйаг процессыл иузæрдиондзинад.

ЕÆÆО-йæ æмсæрдар Гюнтер Бехлер банысан кодта, фембæлды кæй раразмæ кодтой арæнгæрон районты зæххытæй спайда кæнын æмæ донифтонгады фарстатæ. Ахсджиагыл банымадта æбæрæгæй сæфт æмбæстæгты тыххæй фарсты фæдыл фæстиуджытæ базонын.

Гюнтер Бехлер ноджыдæр банысан кодта дыууæ ахсджиаг механизмы — женевæйаг дискусситæ æмæ механизмты фæлгæтты куыст.

Евроцæдисæй æмкусæг Бьорн Кюне куыд банысан кодта, афтæмæй ныртæккæ ацы организацийæн нæй сæрмагонд минæвар, уымæн æмæ дзы чи куыста — Герберт Зальбер, уый нал кусы уыцы бынаты.  Кюнейы ныхæстæм гæсгæ, ма банысан кодта, Евроцæдис ацы регионмæ дарынц серьезон ахаст æмæ ног минæвары снысан кæнын ис процессы.

Постконфликтон бæстонкæнынады фарстаты фæдыл РХИ-йы Президенты æххæстбарджын минæвар Джиоты Мурат банысан кодта, æмсæрдæртты æрцыд Хуссар Ирыстонмæ баст кæй у Женевæйы дискусситæм бацæттæ кæныны нысанæн. Фембæлды хайадисджытæ сты иу хъуыдыйыл хæст — тыхæй ма спайда кæнын тыххæй сæйраг юридикон бæрнджын документыл бакусын. Уымæ гæсгæ, раразмæ æрцыд фæндæттæ,  радон раунды ацы здæхты конкретон куыст бакæныны фæдыл. Сæрмагондæй, Джиоты Мураты ныхæстæм гæсгæ, 41 раундмæ ахæм хъуыды хаст хъуамæ æрцæуа, цæмæй кæрон-мæ куыст æрцæуа хайадисджыты иумиаг хъусынгæнинагыл  тыхæй ма спайда кæнын принципыл иузæрдиондзинад.

«Ис ахæм хатдзæгтæ, æмæ ацы куыст, æцæгæйдæр, конд æрцæудзæн, уый фæахъаз уыдзæн юридикон бæрнджын документыл бакусыны здæхты фæдыл хорз къахдзæфæн», — дзырдта Мурат.

Банысан ма кодта, фембæлды дзырд кæй цыд, арæнты хахх сбæрæг кæныны, гуманитарон характеры æмæ æбæрæгæй сæфт æмбæстæгтимæ баст фарстытыл.

Тырсыгомы фарсты фæдыл Джиоты Мурат банысан кодта, хуссарирыстойнаг фарс равдыста тыхстдзинад, зæгъгæ, ирон историон-культурон цыртдзæвæнтæ æмæ ирон адæмы историон бынтимæ цы цæуы, уый фæдыл.

«Мах нæ коллегæты хъусдард аздæхтам, Цæгат Ирыстоны цæрджытæ, ацы комæй рацæуджытæн, фадат кæй нæй уырдæм бацæуынæн, уыцы фарстмæ. Уымæн æмæ Гуырдзыстоны территорийыл периодикон æгъдауæй уагъд цæуынц НАТО-йы ахуыртæ», — дзырдта Мурат.

Хуссарирыстойнаг делегацийы æмсæрдар ма куыд дзырдта, уымæ гæсгæ хайадисджытæ банысан кодтой, зæгъгæ, Механизмты фæлгæтты куыст у Женевæйы дискусситы сæйраг хай. Арæнтыл æрвылмæй цы фембæлдтытæ цæуы уагъд, уыдон бирæ-бæрцæй ахъаз сты арæнтыл районы æдасдзинад бахъахъхъæнынæн.

Женевæйаг дискусситы æмсæрдæрттæн ма фембæлд уыд Хуссар Ирыстоны Фæсарæйнаг хъуыддæгты министр Медойты Димитримæ. Уый фæстæ  сын фадат уыд Ленингоры поселокимæ зонгæ кæнынæн дæр.

Къæбулты Маринæ

Comments are closed, but trackbacks and pingbacks are open.