РХИ-йы Парламенты Экономикæ, чысыл амалиуæгад æмæ хъæууон хæдзарады фæдыл комитет бакуыста «Æргътæ æмæ тарифтæ паддзахадон бæстонкæнынады тыххæй» закъоны проектыл, — уый тыххæй фехъусын кодта профилон комитеты сæрдар Джиоты Инал.

Ацы закъоны проект фадат ратдзæн РХИ-йы Хицауады сфидаргонд сæйраг хæлцадон продукттæ æмæ лæггæдтыл æргътæ æвæрыны хъуыддаг бæстон кæнынæн. Мах арвыстам фыстæджытæ æппæт æмбæлон инстанцитæм, уыдонæй нæм иуæй-иутæ ныридæгæн æрбарвыстой сæ фиппаинæгтæ æмæ фæндæттæ, комитет сæ бахынцдзæн. Æввахс рæстæджы Парламенты Президиуммæ æркæсынмæ рахæсдзыстæм ацы закъоны проект», — банысан кодта депутат.

Йæ ныхæстæм гæсгæ, ацы аз ноябры мæйы РХИ-йы Хъæууон хæдзарады æмæ Экономикон рæзты министрадтæ профилон комитетмæ информаци æрбавдисдзысты  сæ бакæнгæ куысты тыххæй.

«Февралы кæнæ марты райдианы кæнæм Хъæууон хæдзарады æмæ Экономикон рæзты министрадты бакæнгæ куысты тыххæй хыгъдмæ байхъусыны фæнд. Банысан кæнын мæ фæнды уый дæр, æмæ РХИ-йы Хицауад кæй бакуыста «Фæдзæхсты тыххæй» закъоны проекты ног редакцийыл. Æввахс рæстæджы ацы закъоны проектмæ æркæсдзысты Хицауады рабадты, æмæ йæ уый фæстæ рарвитдзысты махмæ, комитетмæ. Раздæры райсгæ закъон базæронд, йæ уагæвæрдтæй бирæтæ къух нал раттынц абоны бонæн», — банысан кодта комитеты сæрдар.

Парламентари куыд банысан кодта, уымæ гæсгæ Хицауадмæ ноджы ис къорд закъоны проекты, уыдон хауынц Экономикæ, чысыл амалиуæгад æмæ хъæууон хæдзарады фæдыл комитетмæ, уыдоныл дарддæр дæр куыст цæудзæн. «Æрæджы уагъд æрцыд радон рабадт, цыран байхъуыстам 2015-2017 азты адæм æмæ цæрæгойты æрранизæй бахъахъхъæныны фæдыл Паддзахадон дзыгуырон  нысанон программæ куыд æххæст цæуы, уый тыххæй информацимæ. Рабадты рæстæджы мах æрцыдыстæм ахæм хатдзæгмæ, зæгъгæ, комитет хъуамæ бакуса «Хæдзарон цæрæгойтæ дарыны тыххæй» закъоны проектыл. Сымах куыд зонут, уымæ гæсгæ республикæйы тынг бирæ ис дзæгъæл куыйтæ æмæ ацы фарсты æнæмæнгæй хъæуы юридикон æгъдауæй аскъуыддзаг кæнын, уымæн æмæ проблемæ абоны бон у карз», — банысан кодта уый.

 

Гасситы Петр æвзæрст æрцыд республикон политикон парти «Иугонд Ирыстон»-ы Централон комитеты сæрдарæй

Уагъд æрцыд политикон парти «Иугонд Ирыстон»-ы Централон комитеты рабадт, цыран æвзæрст æрцыд Централон комитеты ног сæрдар. Парти «Иугонд Ирыстон»-ы пресс-службæ куыд хъусын кæны, уымæ гæсгæ Централон комитеты ног къухдариуæггæнæгæй æвзæрст æрцыд РХИ-йы Парламенты Сæрдар Гасситы Петр.

Пресс-службæйы банысан кодтой, зæгъгæ, Централон комитеты ног сæрдар сæвзарынæй дарддæр ма рабадты æркастысты æндæр фарстытæм дæр.

«Рабадты ма æркастысты парти «Иугонд Ирыстон»-æй срегистрацигонд депутатты номхыгъдæй вакантон депутатон мандатмæ депутат сæвзарыны тыххæй фарстмæ. Уый суыдзæн Уанеты Æхсар, Хуссар Ирыстоны адæмон артист, режиссер, Цхинвалы районы адæмон театры аивадон къухдариуæггæнæг», — банысан кодтой пресс-службæйы.

Банысан кæнын хъæуы уый дæр, æмæ 10-æм октябры парти «Иугонд Ирыстон»-ы съезды æвзæрст кæй æрцыд Централон комитеты ног сконд. Уый размæ, Централон комитеты сæрдар уыд Гæбæраты Юри, ацы бынаты уый баивтаТасойты Димитры.

 

Гæбæраты Юри: комитет кусы цалдæр ахсджиаг закъоны

Проектыл

Национ политикæ, культурæ, ахуырад, зонад, дин æмæ дзыллон информцийы фæдыл парламентон комитеты сæрдары ныхæстæм гæсгæ, ныртæккæ комитет кусы республикæйæн ахсджиаг чи сты, цалдæр  ахæм закъоны проекттыл.

«Куыст цæуы «Республикæ Хуссар Ирыстоны паддзахадон хицауиуæгады органты æмæ Республикæ Хуссар Ирыстоны паддзахадон æххæстгæнæг  хицауиуæгады бынæттон органты архайды фæдыл информаци райсыны хъуыддаг сифтонг кæныны тыххæй» закъоны проекттыл. Закъоны проектты бындурæн æвæрд æрцыд паддзахадон æмæ хицауиуæгады бынæттон органты архайды, информацион технологиты æргомдзинад сифтонг кæныны принцип, афтæ ма  паддзахадон æмæ хицауиуæгады бынæттон органты архайды тыххæй Республикæ Хуссар Ирыстоны æмбæстæгтæн æмæ æмбæстагон æхсæнадæн объективон информаци дæттыны принцип», — загъта Гæбæраты Юри.

Депутат куыд банысан кодта, уымæ гæсгæ ма закъоны проект фидар кæны паддзахадон æмæ бынæттон органтæн сæ архайды тыххæй информаци дæттыны фæдыл иугонд фæтк.

«Ацы закъоны проекты хицæндзинад уый мидæг ис, æмæ закъон фыццаг хатт закъон-дæтынадон æгъдауæй фидар кæны паддзахадон органты æмæ хицауиуæгады бынæттон органты архайды тыххæй электронон хуызы  информаци райсын. Электронон хуызы информаци райсынæн æмбæстæгты æмæ организациты бартæ ифтонг кæныны нысанæн, хицауиуæгады паддзахадон органтæ æмæ хицауиуæгады бынæттон органтæ. Интернеты хызæгмæ баиу кæнынц сæ информацион системæ, сæ официалон сайттæ гом кæнынц, сæрибарæй сæм бахизæн куыд уа, снысан кæнынц электронон посты адресты фарстытæ райсын æмæ   хъæуæг информаци радтыны тыххæй», — банысан кодта Гæбæраты Юри.

Йæ ныхæстæм гæсгæ, ацы закъоны проекты райст сифтонг кæндзæн паддзахадон органты æмæ хицауиуæгады бынæттон органты æргомдзинад æмбæстагон æхсæнады интерестæн æмæ ахъаз кæндзæн хицауад æмæ æхсæнады æмархайды ахадындзинадæн. Уымæй дарддæр ма, комитеты сæргълæууæджы ныхæстæм гæсгæ, куыст цæуы 2004 азы райсгæ «Библиотекон хъуыддаджы тыххæй» закъоныл. Фæлæ йæ райсынæй фæстæмæ æрцыд  глобалон ивындзинæдтæ, уыдон баст сты куыд библиотекæты фадыджы рауæрæх-дæримæ, афтæ ма къорд ног закъæттæ ист кæй æрцыд, уыимæ дæр.

«Уый фæдыл, нæ комитет кусы «Библиотекон хъуыддаджы тыххæй» ног закъоныл, ацы закъон æй æрæнгæс кæндзæн фæстаг 10 азы райсгæ закъондæттынадон акттимæ æмæ аиуварс кæндзæн библиотекæты архайды фæдыл сфидаргонд  норматив  æмæ  библиотекон  хъуыддаджы уæвæг уагæвæрды ‘хсæн стыр хицæндзинад. Закъон ма карзæй ифтонг кæны нырыккон нымæцон технологитæй сæ архайды спайда кæныны фæдыл, библиотекæты раз æрæвæргæ хæслæвæрдтæ  информаци æмæ культурон æргъадтæм æнцонтæй бахæссыны уавæртæ саразыны хæс  æххæст кæныны рæстæджы, авторон барты хицауæн зиан æрхæссынæн фадат ма æруадзыны тыххæй», — банысан кодта парламентари. Афтæ ма комитет кусы «Географион объектты нæмтты тыххæй» РХИ-йы Закъонмæ ивындзинæдтæ бахæссыны тыххæй» РХИ-йы Закъоны проектыл.

«Закъоны проекты идея ис 2010 азы райсгæ «Географион объектты нæмтты тыххæй» закъоны иуæй-иу нормæтæ сбæлвырд кæныны æнæмæнгхъæуындзинады, закъоны райстæй фæстæмæ республикæйы закъондæттынады ивындзинæдты фæдыл, афтæ ма ацы нор-мæты алыгъуызон  ма бамбарыны тыххæй дæр. Закъоны проектмæ гæсгæ фæндон хаст цæуы, закъоны 1 статьямæ ивындзинæдтæ бахæссын сæйраг æмбарынадтæ сбæлвырд кæныны хайы, кæцытæй пайда цæуы ацы закъоны нысæнтты, æмæ йæм ног хъуыдытæ бахæссыны тыххæй. Закъон ма ис географион объектты нæмттæ хибакæныны кæнæ ахæм географион нæмттæ аивыны тыххæй  фæндæттæ амонæг нормæ, бацамынд фæндæттæн бындур æрæвæрыны документтæ æмæ æнæмæнгхъæуæг хæрдзты хыгъдтæ æрвыст цæуынц Республикæ Хуссар Ирыстоны паддзахадон хицауиуæгады закъондæттынадон ор-ганмæ», — загъта депутат.

Гæбæраты Юри  йæ ныхасмæ бафтыдта, зæгъгæ, ма комитет бакуыста «Республикæ Хуссар Ирыстоны территорийыл географион объектты хибакæныны кæнæ сæ нæмттæ аивынимæ баст фарстыты фæдыл цæрджыты хъуыды сбæрæг кæныны фæткы тыххæй» закъоны проектыл.

«Ацы  закъоны  проекты  бакуыст æрцыд «Географион  объектты  нæмтты тыххæй» РХИ-йы Закъоны нормæтæ сæххæст кæныны нысæнттæн æмæ ацы закъоны нысæнттæн пайдагонд цæуынц  «Географион объектты тыххæй» Республикæ Хуссар Ирыстоны закъонмæ гæсгæ фидаргонд æмбарынадтæй. Закъон сфидар кæндзæн чи æмæ куыд хæсдзæн фæндæттæ географион  объектты нæмттæ аивыны кæнæ географион объектты нæмттæ хибакæныны тыххæй, Республикæ Хуссар Ирыстоны территорийыл уæвæг географион объектты нæмттæ хибакæныны тыххæй кæнæ географион объектты нæмттæ аивыны тыххæй фæндæттæм æркæсыны фæткмæ. Бæрæг цæуы географион объектты ном хибакæныны кæнæ географион объектты ном аивыны тыххæй æнæмæнгхъæуæг хæрдзты тых-хæй цæрджытæн информаци радтыны механизм. Афтæ ма бæрæг цæуы географион объекты ном хибакæныны кæнæ географион объекты ном аивыны тыххæй фæндæтты фæдыл цæрджыты хъуыды сбæрæг кæнын  æмæ Республикæ Хуссар Ирыстоны Парламенты уынаффæйы райст куыд æххæст цæудзæн, уый. Бæлвырддзинад хаст цæуы географион объектты нæмттæ хибакæнын кæнæ сæ аивыны фæдыл баст фарстыты тыххæй æххæстгæнæг хицауиуæгады æххæстбарджын органты æмархайды аспекты фæдыл дæр», — йæ ныхас балхынцъ кодта  Гæбæраты Юри.

РХИ-йы Парламенты информацион-аналитикон управлени

Comments are closed, but trackbacks and pingbacks are open.