Йæ рæстæджы нæ республикæйы мобилон бастдзинады фæзынд ахсджиаг хъуыддаг уыд . Æмæ абон уæвæн дæр нæй æнæ мобилон бастдзинадæй. Уымæ гæсгæ йæ куысты къуылымпыдзинæдтæ куы сæвзæры, уæд цæрджытæ æвдисынц се ‘нæразыдзинад. Компани «Мегафон-Хуссар Ирыстон»-ы къухдариуæгад фембæлд дзыллон информацион фæрæзты минæвæрттимæ.
17-æм апрелы æнæ официалон уавæрты кафэ «Винченцо-йы «Мегафон Хуссар Ирыстон»-ы генеральон директор Роман Коврига компанийы номæй абоненттæй хатыр ракуырдта, ног азы райдианы Кавказы филиалы биллингон системæйы аххосæй СМС-тæ æрвитыны рæстæджы цы инцидент æрцыд, уый тыххæй. Уый куыд загъта, афтæмæй уыцы фарстыл лæмбынæг куыст æрцыд информацион технологиты Кавказы филиалы кусджыты фæрцы. «Махмæ уый фæдыл куырдиæттæ ныффыстой 450 абоненты, уыцы куырдиæтæ мах æрвыстам нæ коллегæтæм Кавказы филиалмæ. Нæхицæн та техникон æгъдауæй бантыст 3 100 абонент рафæлгъауын, кæцытæ баисты ацы инциденты амæттаг. Нæ клиенттæн мах аздæхтам 1 милуан æмæ 170 мин сомы. Чизоны ма чидæртæ баззад, фæлæ уыдон махмæ, æвæццæгæн, не ‘рбацыдысты иу кæнæ иннæ аххосæгтæм гæсгæ. Æхцатæ та аздæхтам алы абонентæн дæр йæхи сæрмагонд хыгъдмæ», – зæгъы «Мегафон-Хуссар Ирыстон»-ы генералон директор.
Журналистты цымыдис кодта «Мегафон Хуссар Ирыстон» афæдзмæ цас æхцайы фæрæзтæ бакусы, уыцы фарст. Роман Коврига загъта ивгъуыд аз сæ компанийы æфтиæгтæ кæй уыдысты 60-70 милуан сомы. «2017 азы уыдон бæрæг фылдæр уыдысты. 80 милуанмæ бæргæ хæццæ кодтой, фæлæ ис субъективон æмæ объективон фактортæ, кæцытæ бан-дæвтой компанийы куыстыл. Уыдонæй иу баст у анонимайзертимæ, кæцытæ æнæконтролæй лæвæрдтой лимиттæ. Дыккаг аххосаг та Хуссар Ирыстоны тыгъдады цы дыккаг оператор фæзынд «ЮгТелеком», уый архайдимæ. Дыккаг операторы фæзындимæ нæ абоненттæ къаддæр кæнын райдыдтой йæ интернет лæггæдтæм ахызт нæ горæты цæрджытæй бирæтæ. Дыккаг оператор хъавы республикæйы районтæм ахизынмæ дæр, æмæ уæд бæрæг фæцъусдæр уыдзысты ноджыдæр не ‘фтиæгтæ. Фæлæ махæн ис нæхи плантæ, архайæм, цæмæй куыст ацæуа ног тарифтыл, кæцытæм цымыдис кæндзысты нæ абоненттæ. Махæн ахсджиагдæр у интернет тыгъдады тагъдад, LTE технологитæ сты алыгъуызон æмæ уымæ гæсгæ ацы фадыджы чи кусы, уыдон пайда кæнынц сæрмагондæй мах лæггæдтæй.
Республикæйы цæрæг абоненттæ сæмбæлынц зындзинæдтыл, республикæйæн æддæмæ ацæугæйæ, роумингон системæйы тыххæй. Уæ абоненттæн хъавут æви нæ æнцондæрвадаттæ саразынмæ, зæгъгæ, ахæм фарстæн дзуапп дæтгæйæ.
«Мегафон»-ы къухдариуæггæнæг радзырдта кæй кусынц сотон бастдзинады сигнал фæхуыздæр кæныныл. Ныртæккæ практикон æгъдауæй республикæйы æппæт дæрддаг районтæ ифтонг сты «Мегафон»-ы бастдзинадæй. Фæлæ вæййы афтæ дæр, æмæ нырыккон технологитæ æмæ иновациты рæзты ахсджиагдзинад æрмæст махæй аразгæ нæ вæййы. Фæлæ зæгъгæ, тырндзыстæм, цæмæй нæ абонентты ма сафæм. «Мах регуляронæй ныхас кæнæм нæ сæйраг къухдариуæгадимæ уыцы фарстытыл, сæ нысан у мобилон бастдзинады лæггæдты гъæд фæбæрзонддæр кæнын, цæмæй уыдон уой нырыккон æмвæзадыл. Фæлæ бæстæйы æмткæй мобилон бастдзинады процесстыл нæ бон бандавын нæу. Æппынæдзух цы ифтонгæдтæ хæлынц, уыдон периодикон æгъдауæй фæхъæуы æмбæлон уагмæ æркæнын. Ныр дæр, цæмæй интернеты лæггæдтæ ноджы тагъддæр уой æмæ фæхуыздæр уой, уый тыххæй цæттæ кæнæм егъау проект радиохызæджы ифтонггæрзтæ баивыны фæдыл.
Роман Коврига ма куыд загъта, афтæмæй уыцы проект сæххæст кæныны фæстæ бынтондæр абоненттæ ноджы сæрибардæрæй пайда кæндзысты «Лайт», «Лайт плюс», «Медиум», «Медиум плюс»-æй. Уый фæрцы клиенттæн лæвæрд цæудзæнис уæлæмхас трафик, кæцы фадат радтдзæн иу мегабайты аргъ 30 проценты бæрц фæкъаддæр кæнынæн. Уымæй дарддæр ма «Мегафон Хуссар Ирыстон» кусы ног тарифон плантæ æмæ опцитыл, кæцытæ фæкъаддæргонд æргътыл лæвæрд цæудзысты интернет æмæ уæлæмхас хъæ-лæсон лæггæдтæн.
«Мегафон Хуссар Ирыстон»-ы компанийы æхсæнадимæ бастдзинæдты хайады сæргълæууæг Бежанты Заринæ та æрдзырдта цы социалон проекттæ сæххæст кæнын сын бантыст, уыдоныл. «Мах активонæй архайæм æмæ æххуыс кæнæм спорты фадыджы чи архайы, ахæм сывæллæттæн. Стæм Ленк кæныны федерацийæн генералон спонсор. Æппынæ-дзух уыдонæн æххуыс кæнæм ерыстæ уадзынæн, хæрдзтæ нæхимæ райсгæйæ. Акти-вонæй æххуыс кæнæм, æвзонг артисттæ цы проекттæ æрбавдисынц, уыдонæн дæр. Ныр авд азы мах бамбæрзæм скъола-интернатæй æрвылаз дæр футболæй Сочийы цæуæг чемпионаты хайад чи райсы, уыдон хæрдзтæ. Ивгъуыд аз та нæ компани сцалцæг кодта скъола-интернаты бæстыхай».
УАЗÆГТЫ Марфа
Comments are closed, but trackbacks and pingbacks are open.