2016 азы  ноябры мӕйы «Sputnik Хуссар Ирыстон»-ы радио эфиры рацыд FM — диапозоны ирон ӕмӕ уырыссаг ӕвзӕгтыл. Уӕдӕй абоны онг ацы радио рухс кӕны радиомӕхъусджыты зӕрдӕтӕ. Ацы боны цытӕн 3 декабры Sputnik-ы пресс-центры ауагъдӕуыд брифинг ӕмӕ сӕм фӕуазӕг сты Уӕрӕсейы Федерацийы минӕвар Марат Кулахметов, Хуссар Ирыстоны информаци ӕмӕ мыхуыры паддзахадон комитеты  сӕрдар Хъотайты Мария ӕмӕ ӕндӕр уазджытӕ. Агентады кусджытӕ уазджыты ӕрбацыдмӕ бацӕттӕ кодтой видеоролик, цыран ӕвдыст цæуы горӕты цӕрджыты ахаст радио Sputnik-мӕ. Стӕй Sputnik-ы къухдариуӕггӕнӕг Виталий Руднаев ӕрдзырдта радиойы дарддӕры рӕзтыл. Банысан кодта, зӕгъгӕ, куыст цӕуы, цӕмӕй радиойы сигнал ахса Ленингоры районы дӕр.

«Радио дарддӕр дӕр эфиры цӕудзӕн  ирон ӕмӕ уырыссаг æвзæгтыл. Нӕ программӕтӕ та кӕн-дзысты фылдӕр ӕмӕ цымыдисондӕр», — зӕгъы Виталий Руднаев.

Sputnik-ы агентадӕн зӕрдиаг арфӕ ракодта Хъотайты Мария.

«Уырны мӕ, дарддӕр дӕр уын кӕй уыдзӕн бирӕ радиомæхъусджытӕ ӕмӕ сын кӕй дӕтдзыстут ӕмбӕлон, зӕрдӕмӕдзӕугӕ информаци», — ба-нысан кодта комитеты сæргълæууæг.

Марат Кулахметов дæр раарфæ кодта Sputnik-ы агентады коллективæн æмæ банысан кодта, радио ахсджиаг кæй у æхсæнадон царды.

«Алцыдæр ис уæ къухты. Цахæм информаци радтат æмæ цы хуызы, уымæй бæрæг уыдзæн адæмы ахаст уæ радиомæ», — загъта Марат Кулахметов.

Джиоты Александр

 

Comments are closed, but trackbacks and pingbacks are open.