Владимир Путин абон (пост фыст æрцыд 27 октябры, Путины Валдайы раныхасы фæстæ — ред.) Турчы лидер кæй у нæ скæсæйнаг партнертæй сæ иу.
«Эрдоган никуы бауадздзæн йæ бæрзæйыл сбадын æмæ искæй интерестыл „тох кæнын“ нæ райдайдзæн», — загъта уый.
Туркаг республикæ, æцæгæйдæр, рахызт Ныгуылæны интерестæ уæлдæр кæныны фæндагæй, йæхицæн «энергийы экономийы режимæй» — коммкоммæ зæгъгæйæ та — ресурстæ æндæртæй æнцъирыны режиммæ. Æмæ уый дæргъвæтин рæстæг ахæсдзæн, кæд хицауад нæ фæива, уæд.
Уæрæсейы сæргълæууæг ма банысан кодта, зæгъгæ, «Эрдоган у æууæнкджын партнер». Ацы хъуыдыйы фæдыл гæнæн ис, бирæ дискусситæ райдайа, уымæн æмæ Эрдоган-партнеры «фæсонты карды сагъд» æмæ æндæр дызæрдыггаг архайдтытæ никæмæй ферох сты.
Æууæнчы критеритæм алкæмæн дæр йæхи цæстæнгас ис. Фæлæ ивындзинæдтæ куы уа, компромисстæ куы уа, афтæ нæм куы кæса, гыццыл ма — æмæ æнæхъæн дуне æркæлдзæн, уæд, æвæццæгæн, кæрæдзийæн партнерондзинадмæ арæхсгай ахаст дарын хъæуы, уæлдайдæр, уыцы партнеримæ иумæйаг æвзаг куы ссарай, уæд. Æмæ хорз уаид, партнерондзинад дыууæ фарсæн дæр пайда куы уаид, уæд.
Турк нæ фестад проуæрæсейаг, раздæрау у туркоцентрикон. Ацы фактимæ кусын зонын хъæуы. Нæ президент скæсæй-наг тыгъдады йæхи хорз хаты, йæ къухы бирæ æнтыстытæ ’фты, фæлæ тæссагдзинæдтæ уæддæр ис.
Владимир Автоковы Telegram-kanal
Comments are closed, but trackbacks and pingbacks are open.