Компани «Растдон» бар райста УФ-йы «Россельхознадзор»-æй Уæрæсейы регионтæм æмæ Таможнæйон цæдисмæ сæ продукци æрвитыны тыххæй. Уый размæ дзидзакуыстгæнæн комплекс «Растдон» йæ продукцийæ ифтонг кодта республикæйы базар. Йæ кондадон хъомысад фадат дæтты уазалгонд дзидза æмæ æрдæгфабрикаттæ, афтæ ма бакуыстгонд продукци: тахынæг, сосискæтæ æмæ деликатесон продукци азы дæргъы 600 тоннæйы (суткæйы 400-600 кг) хъомысадæй «Нартские»-йы бренды бын уадзынæн. «Растдон»-ы продукцийы сæйраг уæйгæнæн базар суыдзæн сыхаг регион — Цæгат Ирыстон.

«Евродон»-ы пресс-службæйы куыд фехъусын кодтой, уымæ гæсгæ цхинвайлаг завод «Растдон» ифтонг у уæрæсейаг æмæ европæйаг нырыккон ифтонггæрзтæй. Æвæрд дзы æрцыдысты универсалон хæххытæ, кæцытæн сæ бон у гъæдджынæй дзидзайы продукцийы алыгъуызон хуызтæ кусын, уыцы нымæцы хуыйы æмæ фысы фыд дæр. Комплексы иумиаг фæзуат у 1500 кв.метры. Заводы арæзт æрцыд бæрзондквалификациджын 50 кусæн бынаты, кусджы-ты 95 проценты сты Хуссар Ирыстоны цæрджытæ. Объекты иумиаг аргъ у 150 милуан сомæй фылдæр. Йæ хæрдзтæ бамбæрздзæн 8 азмæ.

Проект реализаци цæуы Хæдбар паддзахадты æмхæларады паддзахадтæ-хайадисджытæ, Республикæ Абхаз æмæ Республикæ Хуссар Ирыстонимæ социалон-экономикон æмгуыстады фæдыл Уæрæсейы Федерацийы Президенты управленийы æххуысы руаджы.

Компанийы бамбарын кодтой, зæгъгæ, «Растдон» хаст нæу донаг холдингы структурæмæ, уымæн æмæ «Евродон» ацы цауы лæууы цахæмдæр консультанты, экономикон уынаффæгæнæджы ролы, кæцыйæн Уæрæсейы ис æнтыстджынæй реализацигонд æнгæс заводтæ. Проектæн фæрæзтæ дæтты инвестицион рæзты республикон агентад.

«Компани «Растдон»-ы командæйæн гом цæуынц ног перспективæтæ æмæ гæнæнтæ кондады гуырахст фæфылдæр кæнынæн. Нæ продукцимæ нын ныридæгæн æнхъæлмæ кæсынц Цæгат Ирыстоны базарадон хызæгты æмæ магазинты, афтæ ма ростоваг хызæг «Мясной градус»-ы дæр. Уырны мæ, дзидза-куыстгæнæн комбинаты продукци кæй ссардзæн йе дзухон æлхæнджыты», — банысан кодта «Евродон»-ы сæргълæууæг Уанеты Вадим.

«Хуссар Ирыстоны базары нæма уыд дзидзайы продукцийæ бынæттон ифтонгæнæг, кæцыйæн йæ бон у систематикон æгъдауæй базармæ гъæдджын продукци хæццæ кæнын сæудæджерадон масштабты. Мах æй иууылдæр æмбарæм,  Цхинвалы проект чысылдæр кæй у ростоваг агрокластерæй, уым боны мидæг «Евродон» уадзы 500 тоннæйы продукци, æмæ «Растдон» та уадздзæн 2,5 тоннæйы. Уымæ гæсгæ мах аргъ кæнæм бынæттон экономикæмæ ацы хайбавæрдæн, куыд пионерты мисси, афтæ, кæцыйæн у зын саргъгæнæн», — дзуры бынæттон амалиуæггæнæг Уалыты Роберт.

Comments are closed, but trackbacks and pingbacks are open.