Бельгийы столицæйы «Уырыссаг хæдзары» райдыдтой юбилейон мадзæлттæ «Европæйы ирон культурæйы бонтæ», зæгъгæ. Йæ организатор Пухаты Радион куыд хъусын кæны, уымæ гæсгæ 21-æм сентябры мадзæлттæ байгом сты Туаты Теминæйы фильм «1100 лет традиций и самобытности»-йы премьерæйæ. Фильм баст у Аланыстоны чырыстонадыл 1100 азы сæххæстимæ æмæ Республикæ Хуссар Ирыстон расидыныл 32 азы сæххæсты цытæн. 907 азмæ Константинопольскаг патриархаты фæзынд ног Алайнаг епархи архиепископы рангы. 10-æм æнусы дыккаг æмбисы йе статус фæбæрзонддæр митрополийы онг. Европæйы политикон картæйыл фæзынд ног чырыстон паддзахад», — банысан кодта Пухаты Радион.

Фильмы фæстæ мадзæлтты фæлгæтты цытджын æгъдауæй байгом ирон нывгæнджыты равдыст. «Равдысты равæрд æрцыдысты алы фæлтæрты нывгæнджытæ, кæцыты ‘хсæн сты Чилæхсаты Магрез, Гæбæраты Барис, Пухаты Вадим, Есенаты Æхсар, Къацты Вадим, Абайты Наталья, Айларты Владимир, Куымæридтаты Аркади, Ахболты Æхсарбег, Къодоты Софья æмæ Къесаты Марат».

Пухаты Радион куыд банысан кодта, афтæмæй уый размæ сæрды Европæйы ирон культурæйы бонтыл 10 азы сæххæсты цытæн юбилейон мадзæлтты фæлгæтты Голландийы Ван Гогы музейы организаци æрцыд ирон нывгæнджыты егъау равдыст «Вдохновение»-йæ. «Равдыст рауад тынг цымдисон йæ гъæд æмæ масштабтæм гæсгæ. Равдысты равæрд æрцыдысты 23 ирон нывгæнæджы 100 куыстæй фылдæр. 10 азы дæргъы мадзæлттæ бæрзонд æмвæзадыл уагъд кæй æрцæуынц, уымæ гæсгæ райстам цалдæр фæндоны равдыстытæ, пленэртæ æмæ концерттæ Бразили, Инди, Марокко, Турк æмæ Китайы сорганизаци кæныны тыххæй. План кæнæм фæззæджы кæронмæ 2023-2024  азтæн мадзæлтты план саразын.

Пухаты Радион ма нын куыд радзырдта, уымæ гæсгæ сын мадзæлтты фæлгæтты плангонд уыд тымыбыл фынг «Æмгуыстады хидтæ»-йы темæйыл ауадзын. Фæлæ визæтимæ проблемæйы, комкоммæ авиарейсты æмæ Европæйы бæстæтæм балцытимæ вазыгджын уавæры тыххæй аскъуыддзаг кодта тымбыл фынг аивын, цыран хайад райстаиккой Ирыстон æмæ Европæйы сфæлдыстадон интеллигенцийы минæвæрттæ. Фæлæ нæ ныфс ис иннæ хатт нын кæй бантысдзæн ноджы фылдæр мадзæлттæ сорганизаци кæнын.

Нæ уацх.

 

Comments are closed, but trackbacks and pingbacks are open.