Республикæ Хуссар Ирыстоны Президент Бибылты Анатоли йæхимæ райста Тарас Шевченкойы номыл Луганскы национ университеты ректор Елена Трегубенко æмæ Луганскы адæмон республикæйы Уæлдæр аттестацион къамисы Сæрдары хæдивæг Галина Сорокинайы. Уыдон Цхинвалмæ æрцыдысты, цæмæй Тыбылты Алыксандры номыл Хуссарирыстойнаг паддзахадон университетимæ æмгуыстады фæдыл сразыдзинадыл сæ къухтæ æрфыссой.
Фембæлды ма хайад райста ХИПУ-йы ректор Тедеты Вадим.
Паддзахады сæргълæууæг банысан кодта, зæгъгæ, Хуссар Ирыстон æмæ Луганскы Адæмон Республикæйы ‘хсæн цы ахасты-тæ сæвзæрд, уыдон ахъаз кæнынц ахуырады фадыджы æмархайды рæзтæн.
«Мах хъуамæ иумæйаг куыст бакæнæм, цæмæй алыгъуызон къæпхæнтæ чи домы, уыдонæн сæ бон уа бахъахъхъæнын Луганскы адæмон республикæйы Уæлдæр аттестацион къамисы. Ахæм æмархайд ахсджиаг у æрмæст Хуссар Ирыстонæн нæ, фæлæ Луганскæн дæр. Ахæм практикæ нын ис Донецкы адæмон республикæйы», – загъта Бибылты Анатоли.
Донбассы республикæтæм ахасты йæ хъуыдытæ уазджытæн бафидар кæнгæйæ, Президент банысан кодта фæлтæрддзинад æмæ ахуырадон процессты рæзты кæрæдзийæн амоныны ахсджиагдзинад куыд Хуссар Ирыстонæн, афтæ Луганскы æмæ Донецкы адæмон республикæтæн дæр.
«Уый у æвзонг адæмы бастдзинад, кæцытæ серьезонæй архайынц зонады. Æз афтæ хъуыды кæнын, нæ университет æмæ Луганскы æмæ Донецкы уæлдæр ахуырадон уагдæттæ æнгомæй архайдзысты», – загъта уый.
Йæ рады, Елена Трегубенко ныфс бавæрдта, æппæт сразыдзинæдтæ æрмæст гæххæттыл кæй нæ баззайдзысты, фæлæ реализаци æрцæудзысты практикон архайды.
«Мах развæлгъау аныхас кодтам Вадим Ботазы фыртимæ иумæйаг куысты тыххæй: уый у сымах ахуыргæндты куыстытæ бахъахъхъæнын нæ диссертацион советы, уый у грантон-бавдыстон архайды планы куыст, уадздзысты иумæйаг монографитæ æмæ зонадон публикацитæ.
Махæн ис стыр университет, цыран ис цæттæ кæныны авд здæхты. Æз афтæ хъуыды кæнын, æмæ дыууæ фарсæн дæр цымыдисон уыдзæн зонадон æмæ ахуырадон æмгуыстад», – загъта ректор.
Банысангонд плæнтты тыххæй Президентæн радзырдта Галина Сорокина.
«Мах ХИПУ-имæ сарæзтам зонадон æхсæнад. Нæ университеты базæйыл мах план кæнæм диссертацион советтæ саразын. Махæн бирæ бантысдзæн зонады æмæ æндæр здæхтыты ахасты. Йæ райдиан уал æвæрд æрцыд. Афтæ хъуыды кæнын æмæ мах активонæй архайдзыстæм иумæйаг куысты», – банысан кодта уый.
Йæ рады, Бибылты Анатолийæн йæ зæрдæмæ фæцыд Луганскы фарсы хъуыды.
«Афтæ хъуыды кæнын, æмæ ХИПУ-йы студенттæн æмæ ахуыргæнджытæн пайда уыдзæн уæ культурæ æмæ бынатимæ базонгæ уæвын. Æз æй хъуыды кæнын, сæрдыгон лагеры нæм уазæгуаты куы уыдысты Луганскы сывæллæттæ, уæд уыдон стыр тæлмæнтæ райстой Хуссар Ирыстоны æрдзы рæсугъддзинадæй. Ахсджиагыл нымайын ацы фарстыл бакусын æмæ йæ практикон æгъдауæй среализаци кæнын», – загъта Президент.
Comments are closed, but trackbacks and pingbacks are open.